Ukuqonda Uvel' Ubhukishe

Uvel' ubhukishe wenza iindwendwe zikwazi ukuzibhukisha kwangoko iintsuku efumaneka ngazo indawo yakho ngaphandle kokuba kufuneke uhlole uze wamkele isicelo sokubhukisha ngasinye. Iindwendwe ziyathanda xa zikwazi ukukhetha Uvel'ubhukishe ibe Ababuki Zindwendwe abaninzi bathi benza imali engakumbi ngokusebenzisa esi sixhobo, ibe bayayithanda indlela esizenza lula ngayo izinto.

Ukugcina ikhalenda yakho isexesheni yeyona nto ibalulekileyo ekusebenziseni Uvel' ubhukishe ngokuphumelelayo. Ukuba ikhalenda yakho ayikho sexesheni, usenokothuka kubhukishwe ungalindelanga okanye uphele urhoxisa ukubhukisha ngenxa yokuba kucwangciswe ngempazamo nto leyo enokuphumela kwimali ebhatalelwa ukurhoxa. Ukuze uqinisekise ukuba ikhalenda yakho ka-Airbnb ihlala isexesheni, kububulumko ukuyidibanisa nekhalenda yakho oyisebenzisayo (i-iCal, uGoogle, njl njl.).

Abanye Ababuki Zindwendwe ekuqaleni basenokungakhululeki ukusebenzisa Uvel 'Ubhukishe kuba basenokuba nexhala lokuba abazukuba nenkcazelo engako ngabantu abasenokuba zindwendwe ngaphambi kokuba babhukishe. Ngaphambi kokuba iindwendwe zisebenzise Uvel 'Ubhikishe, zimele zizifikelele zonke izinto ozifuna kwiindwendwe zize zivumelane Nemithetho Yekhaya yakho.

Ungaseta izinto ozifunayo ukuze Uvel 'Ubhukishe afumaneke kuphela kwiindwendwe ekuthethwa kakuhle ngazo—nto leyo ethetha ukuba bezikhe zahlala endaweni ubuncinane usuku olunye ibe azifumananga zimvo zimbi—kuquka iindwendwe eziye zadlula kwinkqubo ka-Airbnb enamanyathelo amaninzi okuqinisekisa ukuba umntu ungulo mntu athi unguye na.

Siyandisile inkqubo yokuqinisekisa ukuba umntu ungolo mntu athi unguye kuzo zonke iindwendwe ezibhukishayo eziya kumazwe aphezulu nakwimimandla eyi-35 kuAirbnb—nani elo elimela i-90% yazo zonke iindawo ezibhukishwayo. Siza kuyenza le nto nakwamanye amazwe ekuqaleni kuka-2023. Ukuba ufuna isazisi sikarhulumente kwiindwendwe zakho ngenxa yezizathu zakho zobuqu, okanye ukuba siyafuneka kwingingqi indlu yakho ekuyo, ungasicela kwiindwendwe ngokuzithumelela umyalezo usebenzisa imiyalezo yakho yokubuka iindwendwe.

Nokuba Uvel' Ubhukishe uyasebenza, kukho izihlandlo apho usenokufumana izicelo zokubhukisha ezivela kwiindwendwe. Oku kusenokwenzeka ukuba ugqibele kudala ukuhlaziya ikhalenda yakho, okanye ukuba kutshanje ukhe warhoxisa ukubhukisha. Iindwendwe ezingazifikeleliyo izinto ezifunekayo ukuze zivele zibhukishe nazo zisenokukuthumelela izicelo zokubhukisha. Kuzo naziphi na izicelo ezifikayo, kuza kufuneka uphendule ngokwamkela okanye ngokwala ukubhukisha, okanye ngokuthumela umyalezo kumntu onokuba lundwendwe zingekapheli iiyure eziyi-24.

Nangona enezinto anceda ngazo Uvel' Ubhukishe, abanye Ababuki Zindwendwe bafumanisa ukuba ukufuna izicelo zokubhukisha kubasebenzela kakuhle bona:

• Bavumela ukuba kuhlalwe ixesha elide kuphela. UAnnie, Umbuki Zindwendwe waseSonoma, eCalifornia, usebenzisa izicelo zokubhukisha kuba unikezela kuphela ngendawo yokuhlala iintsuku eziyi-30 okanye ngaphezulu ukuze athobele imithetho yokubuka iindwendwe kwingingqi yakhe. Uthi: “Ndingathanda ukusebenzisa Uvel' Ubhikishe, kodwa zininzi izinto ezifuna ukulungiselelwa xa uza kubuka iindwendwe ixesha elide ngako.”
• Banezinto zabo ezikhethekileyo abazifunayo. UNichola, Umbuki Zindwendwe waseGuelph, eKhanada, uthanda ukungayimoshi indalo ngoko ufuna ukuba indawo yakhe ihlale ingenavumba, ngoko usebenzisa izicelo zokubhukisha ukuze aqinisekise ukuba iindwendwe zikulungele ukuvumelana nemithetho ekhethekileyo yekhaya yakhe. Uthi: “Izinto ezinevumba zindenza intloko ebuhlungu, i-migraine, ngoko ndifuna ukuqinisekisa ukuba iindwendwe zam ngabantu abakuqondayo ukuguliswa livumba.”
• Indawo yabo inezinto okanye iingxaki ezikhethekileyo. Umzekelo inokuquka igumbi lokulala kwindawo enezilwanyana zasekhaya okanye abantwana, okanye indawo esezilalini enokuba yingxaki kwiindwendwe ezithile. Izicelo zokubhukisha zinokuba yinto entle enokukhethwa ukuze uqinisekise ukuba iindwendwe ziyazazi zonke iinkalo ezikhethekileyo ngendawo yakho ngaphambi kokuba ziyityelele.

Ixhomekeke kuwe into yokuba ukhetha ukusebenzisa Uvel' ubhukishe okanye akunjalo, kodwa ukhumbule ukuba ukuthembeka kubaluleke gqitha ekubeni nguMbuki Zindwendwe ogqwesileyo. Ungazilibali iipolisi zokurhoxa Zababuki Zindwendwe zakwa-Airbnb uze uzame ukuba ungarhoxi xa kunokwenzeka.

Kodwa ke, ukuba usebenzisa Uvel' Ubhukishe ibe awukhululekanga ngohambo olusele lubhukishiwe (ngokomzekelo, ukuba iindwendwe zakho ezizayo ziyabuza ukuba zingayaphula na imithetho yakho yekhaya), unokukurhoxisa ukubhukisha ngaphandle kokohlwaywa usebenzisa isixhobo sokurhoxisa esikwi-intanethi ukuya kwizihlandlo ezintathu kunyaka omnye.

Ungalibali ukuba awunakuze ukwazi ukurhoxa ngenxa yaso nasiphi na isizathu esaphula ipolisi yokungacaluli yakwa-Airbnb. Ukuba uyakurhoxisa ukubhukisha, loo nto ibonisa ukuba kusenokwenzeka ukuba Uvel' Ubhukishe akakulungeli okwangoku, ngoko endaweni yakhe uAirbnb usenokukuthumelela izicelo zokubhukisha zabantu abalandelayo abafuna ukubhukisha indawo.