Ukugqiba ngendlela oza kukuqinisekisa ngayo ukubhukisha
Unokwamkela izicelo zokubhukisha zeendwendwe kuAirbnb ngenye yeendlela ezimbini: ngokuzenzekelayo ngoVel' Ubhukishe, okanye ngokwakho ngokuphendula izicelo zokubhukisha ezingena kwimiyalezo yakho. Iindwendwe ezininzi ziyakuthanda ukuba lula kukaVel' Ubhukishe, nto leyo eyonga ixesha Lababuki Zindwendwe nenokukhokelela ekubhukisheni okungakumbi.
Yintoni uVel' Ubhukishe?
Uvel' Ubhukishe yisetingi evumela iindwendwe ukuba ziyibhukishe ngoko nangoko indawo yakho ngeentsuku ezifumanekayo kwikhalenda yakho. Akuyomfuneko ukuba uhlole uze wamkele isicelo ngasinye sokubhukisha.
Zonke iindwendwe kufuneka ziyamkele imithetho yendlu yakho zize zifikelele izinto ezifunwa nguAirbnb xa zibhukisha. Emva kokuba uyipapashile indlu yakho, ungafaka iisetingi ezifuna iindwendwe:
Zibe nengxelo entle kuAirbnb, zize zingabinazimvo ezingaphantsi kweenkwenkwezi ezintathu kuze kungabikho zingxaki ezixelwe kwisebe lenkxaso yabathengi
Zifunde zize ziphendule umyalezo ozenzekelayo wangaphambi kokubhukisha owubhalileyo
Ihamba njani into yezicelo zokubhukisha?
Izicelo zokubhukisha zikwenza ukwazi ukulawula ukubhukisha kweendwendwe usebenzisa imiyalezo yakho yakwa-Airbnb. Xa undwendwe luthumela isicelo sokubhukisha, uzakuba neeyure eziyi-24 zokusamkela okanye zokusala ngaphambi kokuba siphelelwe lixesha. Uza kukwazi ukuseta imiyalezo ukuze uqinisekise ukuba ufumana izicelo ngokukhawuleza.
Xa undwendwe lucela ukubhukisha, ezo ntsuku zalo zivalwa ngokuzenzekelayo kwikhalenda yakho ukuze zingadibani nezicelo zexesha elizayo. Ezo ntsuku zihlala zivaliwe ukuba uyasamkela isicelo sokubhukisha okanye ukuba uyasiyeka siphelelwe lixesha, ngoko kubalulekile ukuba usiphendule ngokukhawuleza isicelo ngasinye.
Yeyiphi indlela eza kukulungela?
Nazi ezinye izinto omele ucinge ngazo xa ugqiba ngendlela oza kubhukishwa ngayo:
Uvel' Ubhukishe
Iindwendwe ziyakuthanda ukukwazi ukuqinisekisa ukubhukisha ngoko nangoko, nto leyo enokwenza kubhukishwe ngakumbi
Uvel' Ubhukishe wamkela izicelo zakho zokubhukishwa ngokusekelwe kwimiqathango oyibekileyo
Kuza kufuneka ugcine ikhalenda yakho isexesheni uze uyidibanise nazo naziphi na ezinye iikhalenda ozisebenzisayo
Izicelo zokubhukisha
Iindwendwe ziyakuxabisa ukukhawuleza ziphendulwe, ngoko kubhetele uyisebenzise le ndlela kuphela ukuba usoloko ukwazi ukuphendula ngokukhawuleza zingekapheli iiyure eziyi-24
Izicelo zokubhukisha zikwenza ukwazi ukuyichaza ngakumbi imithetho okanye izinto ezikhethekileyo ngendawo yakho, njengezitepsi ezinyuka kakhulu eziya kwindawo yokungena ekuphela kwayo
Awukwazi ukwala izicelo zokubhukisha ngezizathu ezophula ipolisi yokungacaluli yakwa-Airbnb
Khetha indlela eza kukunceda uphephe ukurhoxisa ukubhukisha kweendwendwe ngenxa yezizathu ezinokuphepheka, ezinokuphumela ekubhatalweni kwezinye iimali ezimele zibhatalwe nakweminye imiphumo. Ungalungisa into oyikhethayo nanini na kwiisetingi zakho zokubhukisha.
Inkcazelo ekweli nqaku isenokuba itshintshile emva kokuba lipapashiwe.