Ukwazisa ngethebhu Yezinto Ezinokubhukishwa

Umyalezo womhleli: Eli nqaku lapapashwa njengenxalenye Yezintsha KuNovemba 2023. Inkcazelo isenokuba itshintshile emva kokuba lipapashiwe. Funda okungakumbi malunga nemveliso yethu yakutshanje.

Ukulawula into enokubhukishwa yenye yezona zinto zibalulekileyo ekubukeni iindwendwe kuba yindlela iindwendwe ezifunda ngayo ngekhaya lakho. Siphawule ukuba izinto ezinokubhukishwa ezineenkcukacha ezingakumbi zingabhukishwa ngakumbi ukuya kutsho kwi-20%. Kodwa izinto ezinokubhukishwa ezininzi azinazo iinkcukacha iindwendwe ezizithandayo kuba bekunzima kakhulu ukuzifaka.

Yiloo nto sazisa Ngethebhu yeZinto Ezinokubhukishwa—iseti yezixhobo ezintsha ezikuvumela ulawule into enokubhukishwa yakho ngokulula uze ubonise iinkcukacha zendawo yakho.

Nazi izinto eziphambili zethebhu Yezinto Ezinokubhukishwa entsha:

• Indawo yokulungisa into enokubhukishwa yenza kube lula ukufaka iinkcukacha zento enokubhukishwa yakho—kuquka izinto ezinokusetyenziswa, amalungiselelo okulala nokunye. Indawo yokucofa edizayinwe ngokutsha yenza kube lula nokulungisa inkcazelo yokufika edingwa zindwendwe ngaphambi kokubhalisa xa kufikwa.
• Iifoto ezibukisayo kusetyenziswa iAI kunceda ukwazi ukufaka iifoto zento enokubhukishwa yakho ngoko nangoko. Ibeka iifoto ngokwamagumbi ukuze incede iindwendwe ziyiqonde indlela elime ngayo ikhaya lakho. Ungazilungisa iifoto zakho ezibukisayo nanini na uze ufake izinto ezinokusetyenziswa kwigumbi ngalinye.
• Ukukonekthwa kwendlela yokungena ngokusebenzisa ifowuni okanye ngokufaka ikhowudi emnyango kwenza ukwazi ukukonetha indlela yokungena ngokusebenzisa ifowuni okanye ngokufaka ikhowudi emnyango kwiakhawunti yakho ka-Airbnb uze wenze ikhowudi ekhethekileyo ngokuzenzekelayo.

Cofa ithebhu ethi Izinto Ezinokubhukishwa embindini webha yakho yokukhangela. Ngoku Ukwindawo yokulungisa into enokubhukishwa. Esi sixhobo sokulungisa into enokubhukishwa esidizayinwe ngokutsha senza indlela ofaka ngayo inkcazelo kwinto enokubhukishwa yakho ibe lula, size sibe namacebiso ezona ndlela zifanelekileyo zokubonisa iinkcukacha.

Indawo yokulungisa Into Enokubhukishwa yahlulwe yangamacandelo amabini:

• Indawo yakho kulapho ulilawula khona iphepha lento enokubhukishwa yakho uze ufake iinkcukacha ngedawo yakho.

• Isikhokelo sokufika kulapho uzifaka khona iinkcukacha ezifunwa zindwendwe ngaphambi kokuba zingene.

Apha kulapho uza kufaka khona iinkcukacha zendawo yakho, njengomxholo wento enokubhukishwa yakho, ingcaciso nezinto ezinokusetyenziswa.

Ukufaka izinto ezinokusetyenziswa
Ngoku kulula ngakumbi kunangaphambili ukufaka izinto ezinokusetyenziswa kwinto enokubhukishwa yakho. Yiya kwindawo ethi Izinto Ezinokusetyenziswa uze ucofe uphawu lokudibanisa (+). Unokuhlola phantse izinto ezinokusetyenziswa eziyi-150 ezilandelelaniswe ngoonobumba okanye ngokoluhlu, kuquka Ezolonwabo, Ezentsapho Nezangaphandle. Unako nokukhangela into enokusetyenziswa ngegama—akukho mfuneko yokuskrola. Khetha uphawu lokudibanisa ecaleni kwayo nayiphi na into indawo yakho enayo.

Ukwenza iifoto ezibukisayo
Iifoto ezikumgangatho ophezulu yenye yezona zinto zibalulekileyo kwinto enokubhukishwa entle. Zitsala umdla weendwendwe ibe zinokunceda ekutsaleni abantu abangakumbi abanokubhukisha.

Ungasebenzisa iifoto ezibukisayo ezisebenzisa iAI entsha ukuze uvele ulungelelanise iifoto zento enokubhukishwa yakho zibe zifoto ezibukisayo ukuze uncede iindwendwe ziyiqonde indlela eme ngayo indawo yakho. Ekuphela kwento ekufuneka uyenzile kukucofa indawo ethi Yenza iifoto zakho ezibukisayo. Kuphelele apho.

Isixhobo esikhethekileyo seAI siyakwazi ukubona iifoto zangaphakathi nezangaphandle size sifake ifoto nganye ngokuzenzekelayo kwenye yeentlobo eziyi-19 zamagumbi neendawo.

Emva koko, ungafaka iinkcukacha kwigumbi ngalinye. Ngokomzekelo, ungafaka ukuba igumbi lokulala linebhedi eyi-king okanye igumbi lokuhlala lineTV. Ungafaka nenkcazelo ngezinto ezinceda ilungele wonke umntu, ngokulandela ezi zikhokelo.

Uza kukwazi ukulungisa iifoto zakho ezibukisayo nangaliphi na ixesha ngokususa, ngokuhambisa okanye ngokufaka iifoto. Emva kokuba ugqibile ukulungisa, yihlole kwangaphambili into enokubhukishwa yakho ngokucofa iqhosha elithi Hlola.

Apha kulapho uza kufaka khona iinkcukacha ezidingwa zindwendwe emva kokuba zibhukishile naphambi kokuba zifike, njengexesha lokubhalisa xa zifika nayo nayiphi na imiyalelo yokuya kwindawo yakho khethekileyo okanye yokupaka. Kwaye okokuqala embalini, uza kukwazi ukubona inkcazelo yakho yaxa kufikwa ngendlela efanayo nondwendwe lwakho. Vele nje ucofe iqhosha elithi Hlola.

Ukunikezela ngeenkcukacha zokubhalisa xa kufikwa
Ngesikhokelo Sokufika, ungatsho uchazele iindwendwe ngokulula iinkcukacha zokubhalisa xa kufikwa emva kokuba zibhukishile. Ungaseta okanye utshintshe indlela yakho yokubhalisa xa kufikwa kuquka ixesha, indlela yokuya, incwadi ekuxelela ngendlu, iphasiwedi ye-wifi, nokunye—yonke loo nto uyenza kwindawo enye.

Ukukonektha indlela yakho yokungena ngokusebenzisa ifowuni okanye ngokufaka ikhowudi emnyango
Kungekudala uza kukwazi ukukonektha indlela yokungena ngokusebenzisa ifowuni okanye ngokufaka ikhowudi emnyango kwiakhawunti yakho ka-Airbnb uze ngokuzenzekelayo wenze ikhowudi yomnyango ekhethekileyo qho ubhukisha. Akusazukufuneka utshintshe iikhowudi ngokwakho xa kuza kungena olunye undwendwe.

Iindwendwe ziza kuyifumana le khowudi kwiinkcukacha zazo zokubhukisha kuAirbnb, neenkcukacha zendlela yokuyifaka. Ziza kufumana nekhowudi yazo yomnyango nge-imeyile emva nje kokuba zibhukishile, ibe ziza kufumana umyalezo xa kulixesha lokuba kubhaliswe xa kufikwa. Ikhowudi nganye isebenza kuphela ngexesha undwendwe oluhleli ngayo kwindawo. Iikhowudi ziphelelwa kwimizuzu eyi-30 emva kokuphuma kondwendwe ngaphandle kwaxa ulitshintsha ngokwakho eli xesha ulitshintshela iindwendwe zakho.

Ukukonekthwa kwendlela yokungena ngokusebenzisa ifowuni okanye ngokufaka ikhowudi emnyango kuza kuqalisa ukusetyenziswa ekuqaleni kuka-2024 Kubabuki Zindwendwe abanezinto ezinokubhukishwa eMerika naseKhanada nakwizitshixo ezithile zaseSchlage. Xa ifumaneka kwindawo okuyo, uza kuyifumana kwindawo ethi Indlela yokubhalisa xa kufikwa. Vela ulandele imiyalelo yokukonektha indlela yekhaya lakho yokungena ngokusebenzisa ifowuni okanye ngokufaka ikhowudi emnyango kwinto yakho enokubhukishwa ka-Airbnb.