Ukwazisa Ngeenkonzo zika-Airbnb

Abantu badla ngokukhetha iihotele ngenxa yeenkonzo ezinikezela ngazo, ezifana nenkonzo zokuziswa kwezinto egumbini, ukukwazi ukusebenzisa ijimu, okanye ukubhukisha i-spa. Ukususela namhlanje, iindwendwe zinokufumana iinkonzo ngqo kuAirbnb wakho.

Iinkonzo zika-Airbnb zinkonzo ezimangalisayo zokwenza indawo yokuhlala ikhetheke ngakumbi. Siza kuqalisa ngeendidi eziyi-10 kwizixeko ezithile, ibe izaphulelo ezintsha neendawo ezintsha ziza kumane zifakwa qho kwi-app ka-Airbnb.

• Abapheki: Ukutya kwasekhaya okulungiselelwe ngabapheki abaphum' izandla.
• Ukufotelwa: Iseshoni yokufotelwa ngendlela oyithandayo ngabafoti abanamava.
• Imasaji: Iimasaji zokuzihlaziya kuquka imasaji yezihlunu ne-reflexology yaseSweden eyenziwa ngabantu abamasajayo abanamava.
• Izinto ezenziwa e-Spa: Ukwenziwa ubuso, ukugutyulwa ukungcola kulusu lobuso, ukulolwa komzimba, nezinye izinto ezenziwa e-spa, ezenziwa ngumntu osebenza umsebenzi wokunyanga e-spa.
• Ukujimiswa ngumntu: I-yoga, ukujimela ukuqinisa izihlunu, iHIIT, nezinto ezingakumbi, nabantu abajimisayo, kuquka abantu abajimisayo abaziwayo neembaleki zehlabathi..
• Iinwele: Ukucheba iinwele ngobuchule, ukubotshelwa phezulu kweenwele, nezinto ezingakumbi ezenziwa ngabantu abenza abantu babe bahle abanamava.
• I-make-up: I-make-up eqhelekileyo okanye eyezihlandlo ezikhethekileyo eyenziwa ngabantu abenza umsebenzi wokwenza abanye abantu i-make-up.
• Iinzipho: Ukwenziwa iinzipho neenzipho zeenyawo uzenziwa ngabantu abazinkcutshe ekwenzeni iinzipho.
• Izidlo eziredi: Izidlo eziredi ezenziwe ngabapheki abenza umsebenzi wokupheka.
• Ukuphekelwa: Inkonzo yokuphekelwa ehamba neemenyu ezikhethekileyo, ukudekhoreyithwa, nezixhobo zokupheka, nokulungiselela nokucocelwa.

Iinkonzo zika-Airbnb ziyahlolwa ukuba zisemgangathweni na, kucingwa ngezinto ezimele zifikelelwe ezifana nolwazi, nemfundo, nendlela ezidume ngayo, nezinto ezingakumbi. Ababuki zindwendwe beenkonzo baneminyaka emininzi yamava ibe bayigqibile inkqubo ka-Airbnb yokuqinisekisa ukuba ungubani. Abaninzi kubo badumile kumsebenzi abawenzayo—kuquka abapheki beevenkile zokutyela abaneenkwenkwezi zeMichelin, abafoti abaphumelele amabhaso nabaqeqeshi abasemagqabini.

Iindwendwe zinokukhangela ngokulula iinkonzo apho zifumaneka khona—zize zibhukishe ngoko nangoko kuAirbnb. Iinkonzo zinokwenziwa kwindawo ethile, kwishishini lombuki zindwendwe wenkonzo, okanye kwindawo kawonke-wonke.

Iinkonzo zivunyelwa ngokuzenzekelayo kwindawo yakho. Le yenye indlela yokubonisa iindwendwe ukuba uzibophelele ekwenzeni indlela ezihleli ngayo ikhetheke ngakumbi.

Unokukhetha ukungazivumeli iinkonzo kwindawo yakho. Qhakamshelana neAirbnb Support ukuze uchaze naziphi na iinkonzo ongazivumeliyo ibe uza kulungisa imithetho yekhaya lakho.

Iindwendwe zibhala izimvo zeenkonzo ngokwahlukeneyo kwindlela ebezihleli ngayo nawe. Bacelwa ukuba babhale izimvo ngeenkonzo emva nje kokuba ziphelile. Iindwendwe ziyacelwa ukuba zibhale umlinganiselo xa uwonke, imilinganiselo eneenkcukacha, uluvo olubonwa ngumntu wonke, nomyalezo obonwa nguwe wedwa ngenkonzo. Uluvo lwabo aluyichaphazeli imilinganiselo okanye indawo evela kuyo indawo yakho.

Bonke ababuki zindwendwe beenkonzo kufuneka babe neinshorensi yokubhatalela umonakalo efanelekileyo yeshishini labo ngoxa benikezela ngenkonzo. Kwakhona bayakhuselwa yi-inshorensi yokubhatalela umonakalo yomntu Okwizinto Ezinokonwatyelwa Neenkonzo yakwa-Airbnb, eyinxalenye yeAirCover Yababuki Zindwendwe. Le nto iyafana nendlela okhuselwa ngayo yi-inshorensi yomonakalo kumntu obebhukishile ngeAirCover Yababuki Zindwendwe.

Xa inkonzo isenzeka kwindawo yakho, kusebenza i-inshorensi yomonakalo kumntu Okwizinto Ezinokonwatyelwa Neenkonzo ukuba umbuki zindwendwe unetyala lokonakalisa indawo yakho okanye izinto zakho.

Ukunikezela ngamacebiso kunokwenza kube lula ukuba iindwendwe zakho zifumane iinkonzo ezintle. Nantsi indlela yokucebisa ngeenkonzo.

• Bona izinto ezifumanekayo ezikufutshane: Buka uAirbnb ukuze ufumane iinkonzo ezifumanekayo kuloo ndawo. Qhakamshelana nababuki zindwendwe beenkonzo ukuze ufunde okungakumbi okanye ubhukishe izinto ekunikezelwa ngazo ukuze uzizame ngokwakho.
• Yenza impendulo ekhawulezayo: Thumela umyalezo obhalwe kwangaphambili ngokuzenzekelayo xa iindwendwe zibhukisha indawo yakho, okanye ukuze uphendule ukuba zicela amacebiso.

Ukhona umntu omaziyo onokuba ngumbuki zindwendwe wenkonzo ngendlela esemagqabini? Thumela ilinki yakho yokumema, ibe ungafumana i$100 yeedola zaseMerika (okanye imali yasekuhlaleni elingana nayo) xa eqala ukubuka iindwendwe.*

Ababuki zindwendwe obamemayo baneentsuku eziyi-180 zokugqiba ukubuka iindwendwe okokuqala. Ungakwazi ukulandelela enoba bayipapashile into yabo enokubhukishwa okanye banento ebhukishiweyo ezayo kwiphepha lakho lokumema.

Siza kukuthumelela umvuzo wakho ngqo kwiakhawunti yakho malunga neentsuku eziyi-14 emva kokuba umbuki zindwendwe ofanelekayo ommemileyo ekugqibile ukubhukisha okufanelekayo.

*Imivuzo yokumema ifumaneka kwiindawo ezifanelekayo kuphela ibe ixhomekeke Kwimimiselo Yenkqubo Neyokunikezela Ngesimemo Sababuki Zindwendwe. Ixesha leentsuku eziyi-180 liqala xa umbuki zindwendwe efaka into enokubhukishwa entsha esebenzisa ilinki yakho yokumema. Izinto ezinokubhukishwa eziqale ukusebenzisa ilinki yakho yokumema ngaphambi kwe-17 kaMatshi 2025, ziphantsi kwemimiselo ebikho xa bekumenywa.

Iinkonzo azifumaneki kuzo zonke iindawo, kuquka eBrazil nasePuerto Rico.

I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa. I-inshorensi yokubhatalela umonakalo oqhelekileyo inikezelwa zezinye iinkampani zeinshorensi. Ukuba ubuka iindwendwe kwiindawo, kwizinto ezinokonwatyelwa, okanye kwiinkonzo eUK, I-inshorensi yomonakalo kumntu obebhukishile neinshorensi yomonakalo kumntu Okwizinto Ezinokonwatyelwa Neenkonzo ibhatalelwa yiZurich Insurance Company Ltd., ibe ilungiselelwe yaza yenziwa yasebenza ngaphandle kokuba babhataliswe imali eyongezelelekileyo Ababuki Zindwendwe baseUK nguAirbnb UK Services Limited, ummeli omiselweyo weAon UK Limited, ogunyaziswe nolawulwa yiFinancial Conduct Authority. Inombolo yokubhalisa yeFCA ka-Aon ngu-310451. Ungayijonga le nto ngokuya kwiFinancial Services Register okanye ngokuqhakamshelana neFCA kule nombolo ethi-0800 111 6768. Iipolisi zomonakalo kumntu obebhukishile Neeinshorensi zomonakalo kumntu Okwizinto Ezinokonwatyelwa Nakwiinkonzo ezikwiAircover Yababuki Zindwendwe zilawulwa yiFinancial Conduct Authority. Iimveliso neenkonzo ezishiyekileyo azizizo iimveliso ezilungiselelwe yiAirbnb UK Services Limited. Funda iinkcukacha nezinto ezingaqukwanga. FPAIR202525SD

Inkcazelo ekweli nqaku isenokuba itshintshile emva kokuba lipapashiwe.