Into efunekayo ukuze ubuke iindwendwe Kwiinkonzo zika-Airbnb

Iinkonzo zika-Airbnb zinkonzo ezimangalisayo zokwenza indlela undwendwe oluhleli ngayo ikhetheke ngakumbi. Iindidi zeenkonzo ziquka abapheki, ukufotelwa, ukumasajwa, izinto ezenziwa e-spa, ukujimiswa ngumntu, ukwenziwa iinwele, ukwenziwa i-make-up, ukwenziwa iinzipho, izidlo eziredi, nokuphekelwa.

Iinkonzo ziyahlolwa ukuba zisemgangathweni na, ibe ababuki zindwendwe nezinto ezinokubhukishwa kulindeleke ukuba zifikelele imigangatho nezinto ezifunekayo. Nazi ezinye izinto ezibalulekileyo omele uzazi.

• Ukuqinisekiswa ukuba unguwe nyhani: Qinisekisa ukuba unguwe nyhani, uze upase ukujongwa kwezinto okhe wazenza nezinye izinto ezihlolwayo, ukuba loo nto iyafuneka.
• Ilayisensi nezatifiketi: Gcina iilayisensi, i-inshorensi nezatifikethi ezifanelekileyo ezinento yokwenza nenkonzo yakho. Nikezela ngobungqina xa bufuneka.
• Amava: Ubuncinane yiba neminyaka eyi-2 yamava kwizinto ezihambiselana nale, okanye iminyaka eyi-5 kubapheki abangenaso isidanga sokupheka. Sisenokuyiqinisekisa imfundo, imbali yengqesho, okanye amabhaso namawonga owafaka kwinto yakho enokonwatyelwa.
• Indlela owaziwa ngayo: Hlala udume ngomgangatho ophezulu, njengoko loo nto inokubonakala kwizinto ezifana nezimvo zeendwendwe ezisemagqabini, kucingwa ngakumbi ngamabhaso nezinto ezipapashwe kumaphephandaba okanye kucingwa ngamanye amawonga.
• Ipotfoliyo: Faka iifoto ezibonisa amava omsebenzi wakho xa usenza into enokubhukishwa.* Khetha iifoto ezibonisa inkqubo yakho nendlela olungiselela ngayo, izixhobo okanye izinto ozisebenzisayo, nendawo elikuyo ishishini ukuba uceba ukuba iindwendwe zize kuwe.

• Iifoto: Faka ubuncinane iifoto eziyi-5 ezikumgangatho ophezulu, kuquka ifoto enye yento nganye onikezela ngayo, ebonisa ngokucacileyo, nangendlela engayo inkonzo onikezela ngayo.* Ukuba ungumfoti, kufuneka ufake ubuncinane iifoto eziyi-15.
• Isihloko: Chaza ukuba yintoni le nkonzo nokuba ngubani onikezela ngayo. Qala ngamagama ambalwa achazayo uze ufake igama lakho ekugqibeleni.
• Ubuchule: Chaza isizathu sokuba ufaneleke ngokukhethekileyo ukubuka iindwendwe kwinkonzo yakho. Ngqala, ube mfutshane, uze ucace.
• Izaphulelo: Faka ubuncinane izaphulelo eziyi-3 ezinamaxabiso ahlukeneyo—esaxa kusaqalwa, esiqhelekileyo, nesikhulu—kwinto nganye enokubhukishwa. Balaselisa iinkcukacha ezithile njengezithako, ubuchule, izixhobo, okanye izinto ozisebenzisayo kwingcaciso yakho, ukuze iindwendwe ziyazi into eziyithengayo.

Iinkonzo ezifakiweyo nezinto ezitshintshiweyo kwizinto ezinokubhukishwa ezivunyiweyo ziza kuhlolwa.

• Izinto ezibhukishiweyo: Zihoye izinto ezibhukishwe zindwendwe uze uphephe ukurhoxisa ngenxa yezizathu ezinokuphepheka.
• Izinto ezinokubhukishwa: Yenza iinkcukacha zento enokubhukishwa zihlale zichanile, kuquka indawo ekuyo, izinto ezifunwa kundwendwe, nexesha lokuqala nelokuphela kwenkonzo.
• Ukuthumela imiyalezo: Nxibelelana neendwendwe kwangethuba. Zichazele iindwendwe xa uza kuza nomntu oza kukunceda ebudeni benkonzo, lisekhona ixesha lokurhoxa ngaphandle kokubhataliswa imali emele ibhatalwe.
• Ukhuseleko: Nikezela ngoqeqesho olufanelekileyo nemiyalelo yokuthintela ukwenzakala, ufake izixhobo ezicocekileyo, uze ube neplani yokujongana neemeko ezingxamisekileyo. Beka iminyaka efanelekileyo ekufuneka undwendwe lube nayo yezinto onikezela ngazo ngendlela efuneka ngayo.
• Indawo okuyo: Yiphathe kakuhle indawo onikezela kuyo inkonzo. Ungayimoshi indlu ibe umele ucoce ukuba uye wangcolisa.

Inkqubo yokuhlola ukufaneleka iyaqhubeka. Ukongezelela kwinto echazwe ngasentla, kufuneka uthobele Imimiselo Yenkonzo ka-Airbnb Nemithetho Ebekiweyo Yombuki Zindwendwe Neepolisi Zokubuka Iindwendwe Ngokukhuselekileyo.

Ababuki zindwendwe abangayifikeleliyo imilinganiselo nezinto ezifunekayo basenokumiswa okwexeshana okanye iakhawunti yabo isenokususwa. Funda yonke imigangatho nezinto ezifunekayo Kwinkonzo zika-Airbnb.

*Ukuba wenza abantu imasaji okanye izinto ezenziwa e-spa, akuzukufuneka ufake iifoto zento yakho enokonwatyelwa. Siza kukukhethela iifoto kwithala leefoto ezisemgangathweni ezibonisa ezi nkonzo.

Inkcazelo ekweli nqaku isenokuba itshintshile emva kokuba lipapashiwe.