Ukuncokola neendwendwe zakho Zamagumbi

Ezinye iindwendwe zibhukisha Amagumbi kuAirbnb kuba ziyakuthanda ukudibana nabantu abatsha, ngoxa ezinye zikhetha ukuzihlalela zodwa. Ukuthanda kangakanani ukudibana nabanye abantu? Ungazichazela iindwendwe kwiisetingi zendlu yakho.

Khetha enye yezi ndlela zine zendlela ezinokunxibelelana ngayo kwiisetingi zendlu yakho:

• Ndiyakuthanda ukuncokola nokuchitha ixesha neendwendwe.

• Ndiyathanda ukuzibulisa ngokwam, kodwa ndibe ndedwa emva koko.

• Andizokufumaneka ubuqu, ibe ndikhetha ukunxibelelana nge-app.

• Andikhethi nto. Ndiza kulandela indlela iindwendwe zam ezenza ngayo.

Ungabhala neenkcukacha ezicacisayo kwingcaciso yendlu yakho, njengexesha odla ngokufumaneka ngalo ukuze uncede iindwendwe ngexesha ezihleli ngalo.

URichard, obuka iindwendwe kwiGumbi elikwidolophu yaseToronto, uyakuthanda ukuvulela iindwendwe indawo yakhe. Uthi, “Asiyondawo nje yokuhlala yezitena nodaka. Kukunxibelelana neendwendwe kwincoko ebangela umdla—ukubanobubele nokubamamela abantu.”

URichard uyazamkela iindwendwe zakhe kumnyango ongaphambili xa zibhalisa xa zifika aze azibonise indawo yakhe. Uthi, “Ndicinga ukuba apha ebomini wonke umntu uyabuthanda ubuntu. Ndibanika imvume yayo yonke into ukususela kwibhalkhoni ukuya kwindawo yokubraya, ukuze bazive ngathi eli likhaya labo elikude nekhaya.”

URichard uyakuthanda nokubukisa iindwendwe idolophu. Uthi, “Ndithanda ukwazi izinto ezizithandayo. Emva koko ndigxininise ndithi, ‘Makhe ndikuchazele izinto eziphambili ongenakuzibona xa uzihambela esixekweni ngendlela eqhelekileyo.’ Kum, uhambo lufundisa ngobomi.”

URuth, Umbuki Zindwendwe wasePerth, eOstreliya, uyathanda ukwamkela iindwendwe. Aze emva koko azibonise indawo enamagumbi okulala amathathu, amagumbi okuhlambela asetyenziswa ngumntu yedwa amabini negumbi lokuhlala, la magumbi enza indawo yakhe Eligumbi.

Emva kokuzibonisa loo magumbi, uRuth uyaziyeka iindwendwe zizihlalele kule ndawo. Uya kuphela kwinxalenye yazo yendlu xa ehlamba iimpahla.

URuth uthi, “Ndicinga ukuba esa sihlandlo sokuqala sokudibana sibalulekile. Abanye abantu abafuni tu ukudibana nabanye abantu, kodwa abanye bayafuna, ibe bayonwabisa. Ngeyona nto ivuyisayo engalindelekanga leyo.”

UDandara, ilungu leBhodi Yabacebisi Yababuki Zindwendwe eMaceió, eBrazil, ukhetha ukuvumela iindwendwe zenze isigqibo sokuba zifuna ukudibana kangakanani nabanye abantu. Uthi uye azame ukuyazi le nto ngokuphawula indlela ezincokola ngayo xa ezibukisa ikhaya lakhe.

Indawo yokugqibela asoloko ephelela kuyo xa ebukisa iindwendwe indawo yakhe kukwibhalkhoni yakhe, apho akwazi khona ukuzibonisa iindawo azithandayo ezinokuya kuzo aze aphendule nayiphi na imibuzo. Uthi ufumanise ukuba iindwendwe ziye ziqalise ukuncokola ekuhambeni kwexesha, ibe ezinye zide zisondele kangangokuba ngoku “ziyinxalenye yentsapho.”

UDandara uphawula ukuba yena neendwendwe zakhe badla ngokusondelelana kwitafile yesidlo sakusasa. Wonke umntu uza naloo nto incinci anayo, njengeziqhamo namaqebengwana. Uthi, “Izinto zidibane—emva koko sibe nexesha elimnandi.”

Inkcazelo ekweli nqaku isenokuba itshintshile emva kokuba lipapashiwe.