Indlela yokufaka indlu yakho eliGumbi

Indawo yakho eliGumbi kulapho ubonisa khona iindwendwe ukuba kunjani ukuhlala kwindawo yakho. Ungabhala neenkcukacha zokuba zeziphi iindawo abanye abantu abangenakungena kuzo, zeziphi ezisetyenziswa nangabanye abantu, nendlela okhetha ukusebenzisana ngayo neendwendwe.

Ezi setingi zendlu nezokubhukisha zikuvumela ukuba ufake okanye ulungise inkcazelo enceda iindwendwe zigqibe ekubeni ziza kuziva zikhululekile kwaye zikhuselekile na ukuhlala nawe kwindawo yakho:

• Inkcazelo ngendlu. Sebenzisa eli candelo ukuze uchaze izinto ezikhethekileyo ngendawo yakho. Khetha zonke izinto ezinokusetyenziswa onazo, uze uchaze iinkcukacha ezinjengokuba zeziphi iindawo iindwendwe ezinokungena kuzo, enoba kuhlala izilwanyana zasekhaya kule ndlu, nokuba zinjani iindawo ezikufutshane.

• Iifoto neengcaciso zazo. Zibonisa ngokucacileyo zonke iindawo ezinokusetyenziswa zindwendwe, kuquka iindawo zokungena neendawo zokupaka. Bonisa nantoni na enceda iindwendwe zigqibe ekubeni Igumbi lakho liyazifikelela na izinto ezizifunayo kuhambo.

• Amagumbi neendawo. Zazise iindwendwe ukuba igumbi lokuhlambela lisetyenziswa ngumntu omnye na okanye lisetyenziswa nangabanye abantu, zichazele ukuba sikhona na into yokutshixa kumnyango wegumbi lokulala, nokuba ngubani omnye oza kuba kwindlu ebudeni bexesha eliza kuzihlala.

• Imithetho yekhaya. Yenze icace into ebalulekileyo kuwe—njengokuba unexesha ongayifuniyo ngalo ingxolo okanye uyazivumela na iindwendwe ukuba zize nezilwanyana zasekhaya—ukuze unciphise ukungaqondani. Kulindeleke ukuba iindwendwe zilandele imithetho yakho ibe zingasuswa kuAirbnb ukuba zibangela iingxaki.

Kukho ezinye iindlela onokunceda ngazo ukwenza zonke iindwendwe zizive zamkelekile. UDaniel, ilungu leQumrhu Labacebisi Lababuki Zindwendwe eSpeyin, ubhala kwiprofayile yakhe athi, “Ndamkela wonke umntu.”

Yenza indawo etofotofo nengaxakekanga enendawo yezinto zondwendwe lwakho. Cinga ngazo zonke izinto ozidingayo xa useluhambeni, uze uzame ukuzifaka.

Ababuki Zindwendwe bamaGumbi bathi ukufaka izinto ezikhethekileyo kunokunceda wonke umntu azive ekhululekile ibe kunokukhokelela kwizimvo ezintle. Ezi zinto ziquka:

• Indawo yokugcina ukutya. Bekela iindwendwe indawo kwifriji yakho nendawo yokugcina ukutya, okanye ubeke ifriji encinci nendawo yokugcina ukutya engaphakathi okanye ekufutshane negumbi lokulala londwendwe lwakho.

• Inqwelo yeziselo. Kuhle ukubeka amanzi, ikofu, neti eneekomityi neketile yombane kwiGumbi, ulungiselele iindwendwe ezithanda ukuzihlalela zodwa.

• Ukunqanda ingxolo. Iiplagi zendlebe, ii-slippers, okanye ifeni okanye umatshini onesandi esimbambazelayo unokunciphisa ingxolo engafunekiyo.

• Izinto zokutshixa. Iindwendwe zilindele ukuba zikwazi ukutshixa umnyango wegumbi lazo lokulala. Ukuba Igumbi lakho alinayo into yokutshixa, cinga ngokuyifaka.

UDandara, ilungu Lequmrhu Labacebisi Lababuki Zindwendwe obuka iindwendwe kwiGumbi eMaceió, eBrazil uthi, “Into yokutshixa igumbi lokulala kwenza kube lula ukuba wonke umntu alale kamnandi, aze onwabele yonke into enokonwatyelwa.”

Cela iindwendwe ukuba zishiye izimvo zazo, uze usebenzise ezo zimvo ukuze utshintshe izinto. Lungisa indlu yakho nanini na uyenza loo nto.

Inkcazelo ekweli nqaku isenokuba itshintshile emva kokuba lipapashiwe.