Lo mxholo awufumaneki ngolwimi olukhethileyo, ngoko siwenze wafumaneka ngolona lwimi esinalo olusondeleyo kolwakho.

Bhala incwadi ezixelela ngendlu ukuze unikezele ngenkcazelo ngendawo yakho

Yonga ixesha uze unikezele ngeenkcukacha ezibalulekileyo ngemiyalelo ebhalwe kwangaphambili.
Ngu-Airbnb nge-18 Nov 2020
Lifundeka ngemizuzu eyi-3
Ihlaziywe nge-17 Nov 2021

Izinto eziphambili

  • Yenza incwadi ebaxelela ngendlu

  • Yigcine imfutshane kwaye kulula ukuyiqonda

  • Faka iphasiwedi ye-wifi kuqala

  • Fumana okungakumbi kwisikhokelo esipheleleyo sethu sokufaka indlu eza kuphumelela

"Ndikonekta njani kwi-wifi? Iphi ithemostathi? Yeyiphi irimowuthi eyenza ntoni?" Le yimibuzo embalwa iindwendwe ezinokuba nayo xa zihleli kwindawo yakho. Ungazinceda zifumane iimpendulo—kwaye uncede uqinisekise ukuba izixhobo zendawo yakho nezinye izinto zisetyenziswa kakuhle—ngokusebenzisa incwadi ezixelela ngendlu kuAirbnb.

Incwadi ezixelela ngendlu iluncedo kuba ikwenza ukwazi ukunika iindwendwe imiyalelo ecacileyo neneenkcukacha nokuze uzixelele ukuba zingazifumana phi izinto ezibalulekileyo, ezinjengezixhobo zokhuseleko okanye i-router ye-wifi. Yenza incwadi yakho kube kanye, kwaye awuzumane ubhala uze uthumele ii-imeyile kwakhona qho kubhukishwa—eyona ndlela yokonga ixesha. Kwaye kuba iindwendwe zinokuyifumana kwi-app, zinokuyijonga nanini na, naphi na. Umbuki zindwendwe uNeil waseMountain View, eCalifornia uyithanda ngale nto yokuba inceda angafumani "imiyalezo ebusuku, ukufowunelwa ngumntu enexhala, okubi nangaphezulu: uluvo olungeluhle."

Yisebenzise kakuhle incwadi ezixelela ngendlu nala macebiso azanyiweyo aza avavanywa ngababuki zindwendwe abafana nawe.

Qala ngephasiwedi ye-wifi

Yenye yezinto zokuqala ezibuzwa zindwendwe xa zifika, ababuki zindwendwe abaninzi bayibeka ekuqaleni kwincwadi ezixelela ngendlu. "Zonke zifuna ikhowudi ye-wifi, elo ke liqhinga lam lokuba zivule incwadi ezixelela ngendlu ngethemba lokuba ziza kuyifunda," utsho uMarit Anne waseTroms, eNorway.

Into yokuba ifumaneke lula iphasiwedi ye-wifi iluncedo ngakumbi kubantu abasebenzela ekhaya ekusenokufuneka bajoyine intlanganiso eqhutywa bebonana ngekhompyutha, bathumele i-imeyile okanye bagqibe ukubhala ngekhompyutha ingxelo bakufika nje kwindawo yakho.

Faka iinkcukacha zokupaka

Imithetho neesayini zokupaka esitratweni zinokubhida, ngakumbi ukuba iindwendwe zithetha olunye ulwimi. Licebo into yokuba uzinike imiyalelo ecacileyo njengombuki zindwendwe uBen noAngel baseWellington, eNew Zealand: "Uvumelekile ukuba upake phambi kocingo olumhlophe olungasekunene kwendawo ehamba imoto, kufutshane nemithi."

Zenze zibonakale izinto eziyenza ilungele izilwanyana neentsapho

Ukuba wamkela izilwanyana zasekhaya okanye abantwana kwindawo yakho, kunokunceda ukuchaza zonke izinto onazo ukuze ukwazi ukuzamkela, ingakumbi kuba unokukwazi ukuthumelela iindwendwe incwadi ezixelela ngendlu ngaphambi kokuba zifike ukuze zikwazi ukuceba kwangaphambili. Ungasebenzisa incwadi yakho ukuze:

  • Uzixelele ukuba zindawoni izitya zokutya nezamanzi ezilwanyana
  • Utsho ukuba yeyiphi itawuli yeenyawo ezimdaka neyokosula izilwanyana
  • Uchaze naziphi na izinto ezinokusetyenziswa zabantwana, ezinjengebhedi yokulala yosana okanye isitulo sokutyisela usana
  • Udwelise ukuba ngawaphi amagumbi anealam elumkisa ngomsi nangomoya otyhefayo

Xelela iindwendwe ukuba zingazifumana phi izinto ezinokuzisebenzisa (nokuba zisetyenziswa njani)

Emva kohambo olude, kunokuba nzima ukufumana nokusebenzisa ezinye izinto ezibalulekileyo zendlu. Umbuki zindwendwe uJoh noGian baseSan Francisco basinike le mizekelo:

  • "Into eyenza kufudumale: Uza kufumana ithemostathi eludongeni, kufutshane neTV. Sicela ungalibali ukuyicima xa uhamba.
  • Ithoyilethi: Sicela ungalahli nantoni na ngaphandle kwephepha langasese ethoyilethi. Kukho umgqomo omncinci wenkunkuma wayo yonke enye into.
  • Izinto zasekhitshini: Izitya neekomityi zingafunyanwa kwiikhabhathi eziphezulu ezikweli cala nakweliya le-microwave. Amacephe akwidrowa ekwicala lasekhohlo leoveni, zona iipani zisekhabhathini. Zive ukhululekile ukusebenzisa nayiphi na kwezi zinto xa ufuna ukupheka kamnandi. Xa ugqibile, ungazifaka izitya ezimdaka kumatshini wokuhlamba izitya. Xa sele ugcwele, siza kuwulayita.”

Ababuki zindwendwe abangahlali endlini okanye kufuphi nakhona bacebisa ukuba uquke nemiyalelo malunga nenkunkuma, amanzi nezinye iinkcukacha ezikhethekileyo ngaloo ndawo:

  • “Inkunkuma: Faka inkunkuma yakho kumgqomo wenkunkuma ozigaloni eziyi-33 kwigumbi elingaphantsi. Nceda ungabeki inkunkuma phandle okanye kwiveranda, apho iintaka, iinkawu kunye nezinye izilwanyana zinokuthi ziyifumene khona.” —Kim, Upson, Wisconsin
  • “Amanzi Nombane: Sicela uqaphele ukuba usebenzisa amanzi nombane ongakanani. Amanzi ashushu anqabile.” —UFred, ePlacencia, eBelize

Gqibezela ngemiyalelo yenyathelo ngalinye lezinto ezisebenza ngombane

Imiyalelo eneenkcukacha ibalulekile, utsho umbuki zindwendwe uJoh noGian. Nantsi indlela abayichaza ngayo indlela yokungena kwiitshaneli ezibukelwa kwi-intanethi:

"Indlela yokukonekta kuNetflix, kuPrime Video nakwezinye iitshaneli ezikwi-intanethi:

  1. Layita iTV kwigumbi lokulala, uze ulinde umzuzwana. Uza kubona ukuba iyarhirhiza.
  2. Emva komzuzu omnye, cofa iqhosha elinemibala emininzi, elimile njengedayimane.
  3. Khetha i-app ofuna ukukonekta kuyo, uze ucofe iqhosha eliphambili. KuNetflix, siyakumema ukuba usebenzise iakhawunti yoNdwendwe esikwenzele yona.”

Mayibe mfutshane ize ibe lula

Ababuki zindwendwe abaninzi bagxininisa into yokuba kubalulekile ukuyenza ibe mfutshane kwaye ingqale incwadi exelela iindwendwe ngendlu. Umbuki zindwendwe onguTina waseNanaimo, eKhanada uthi: “Awufuni iindwendwe zizive ngathi zinyathela phezu kwamaqanda ukuze zivuyise umbuki zindwendwe." "Zenze zihambiselane ezi zinto, makungabikho ebaluleke ngaphezu kwenye phakathi kwezinto ozifunayo kunye nokwenza iindwendwe zizive zamkelekile endaweni yakho."

Wakube uyibhalile incwadi yakho ezixelele ngendlu, usenokubeka kwindawo yakho imiyalelo ecacileyo yokungena kwi-wifi ekhavarishwe ngeplastiki eqinileyo ekulula ukuyicoca. Yenye indlela yokwenza inkcazelo ifumaneke lula kwiindwendwe. Ibe inceda zitsho zibe noluvo oluhle, ngalo lonke ixesha.

Funda indlela yokufaka incwadi exelela iindwendwe ngendlu

Inkcazelo ekweli nqaku isenokuba itshintshile emva kokuba lipapashiwe.

Izinto eziphambili

  • Yenza incwadi ebaxelela ngendlu

  • Yigcine imfutshane kwaye kulula ukuyiqonda

  • Faka iphasiwedi ye-wifi kuqala

  • Fumana okungakumbi kwisikhokelo esipheleleyo sethu sokufaka indlu eza kuphumelela
Airbnb
18 Nov 2020
Ngaba oku bekuluncedo?