Izinto ekufuneka uzazi ngokubuka iindwendwe ezizintsapho ezinabantwana

Izinto ezimbalwa zinokwenza umahluko omkhulu kuye nabani na ohamba nabantwana abancinci. Ukunikezela ngezinto ezinokusetyenziswa ezikhethekileyo okanye izixhobo zeentsapho kunokwenza indawo yakho ibe nomtsalane kwiindwendwe ezingakumbi.

Cinga ngokulungisa indawo yakho ukuze ilungele intsapho. Qinisekisa ukuba wenza izinto zokuzikhusela ezisisiseko ukuze ukhusele iindwendwe zakho nendawo yakho.

• Khetha ifenitshala eqinileyo nekhuselekileyo. Ukuba kunokwenzeka, mayingabikho eyeglasi.
• Susa izinto ezophukayo nezibukhali ukuze abantwana bangafikeleli kuzo.
• Ukuze kungophuk' izitya, ikhitshi lakho malibe neekomityi neepleyiti zeplastiki ezinokuhlanjwa zize ziphinde zisetyenziswe.
• Faka iiletshi kwiikhabhathi uze uzigqume iindawo ezinombane.
• Khetha izinto ezihlala ixesha elide, ekulula ukuzicoca, njengamalaphu omgangatho ophezulu
• Nikezela ngezinto eziqhele ukucelwa, njengeetawuli ezongezelelekileyo namashiti.
• Gquma iflori yamaplanga ngemethi ehlanjwayo.
• Faka ialam yokulumkisa ngomsi nangomoya otyhefayo uze utshintshe iibhetri qho.
• Beka into yokucima umlilo kufuphi nesitovu sasekhitshini.
• Quka iinombolo zeenkonzo zongxamiseko zasekuhlaleni kwincwadi yakho exela ngendlu nakwikhadi elinokusetyenziswa zindwendwe.

Xa sele uyilungisile indawo yakho, hlaziya iinkcukacha zento yakho enokubhukishwa uze ulungise izinto ezinokusetyenziswa ukuze utsale abantu ukuba babhukishe uze wenze zaziwe izinto ezilindelekileyo. Iindwendwe zingasebenzisa izihluzi zokukhangela ukuze zinciphise izinto ezinokukhetha kuzo.

• Faka zonke izinto ezinokusetyenziswa onikezela ngazo, kuquka izinto ezithandwayo njengebhedi yosana nesitulo sokutyisela usana.
• Ukuba unomatshini wokuhlamba impahla nowokuyomisa, chaza ukuba ikhona na isepha yokuhlamba impahla nokuba ikhona na imali eyongezelelekileyo ebhatalwayo.
• Ukuba unebhafu, faka umyalezo kwiinkcukacha zento yakho enokubhukishwa uze ufake ifoto kwigalari yeefoto zakho.
• Qinisekisa ukuba iifoto zakho zizibonisa zonke izinto ozichazileyo.
• Faka amacebiso alungele intsapho kwincwadi yakho ebonisa iindawo, njengeendawo zokudlala ezikufuphi nendawo ekuthathwa kuyo okanye ekongezwa kuyo izinto ezifunekayo.

Inkcazelo ekweli nqaku isenokuba itshintshile emva kokuba lipapashiwe.