Indlela yokuthelekisa umyinge wexabiso lezinto ezinokubhukishwa ezifana neyakho

Ababuki zindwendwe basichazele ukuba kunzima ukwazi ukuba babize malini. Isixhobo sokuthelekisa izinto ezinokubhukishwa ezifana neyakho sikuvumela uthelekise ixabiso lakho nomyinge wexabiso lezinto ezinokubhukishwa ezifana neyakho ezikufuphi.

UFelicity, ilungu leQumrhu Labacebisi Lababuki Zindwendwe noyiSuperhost eNew South Wales, eOstreliya uthi, “Ndisoloko ndijonga ukuba ixabiso lam likhuphisana kakuhle na, ngoko ndifuna ukubona ukuba abanye ababuki zindwendwe kwingingqi yam bafumana malini ngosuku. Le nto itshintshe yonke into.”

Ukuze uthelekise izinto ezinokubhukishwa ezifanayo:

1. Yiya kwithebhu ethi Amaxabiso kwikhalenda yento yakho enokubhukishwa.
2. Khetha iintsuku eziyokufika kweziyi-31.
3. Cofa kwindawo ethi Thelekisa izinto ezinokubhukishwa ezifanayo.

Uza kubona umyinge wexabiso lezinto ezinokubhukishwa ezifana neyakho ezikufuphi kwimephu yengingqi yakho. Amaqhosha akwimephu akuvumela ukuba ujonge izinto ezinokubhukishwa ezibhukishiweyo okanye ezingabhukishwanga.

Amaxabiso akwimephu abonisa umyinge wexabiso lento enokubhukishwa nganye ebhukishiweyo okanye engabhukishwanga ngeentsuku ezikhethiweyo. Izinto ezigqibayo ukuba zeziphi izinto ezinokubhukishwa ezifanayo ziquka indawo into enokubhukishwa ekuyo, ubungakanani bayo, izinto ezinokusetyenziswa, imilinganiselo, izimvo, nezinye izinto ezinokubhukishwa iindwendwe ezizijongayo ngoxa zicinga ngeyakho.

Le nkcazelo ikunceda uwaqonde ngakumbi amaxabiso asekuhlaleni. Ungayisebenzisa nanini nauseta okanye ulungisa ixabiso lakho.

Ixabiso linokuba nefuthe elikhulu kwiziphumo zokukhangela. Izinto ezinokubhukishwa ezinamaxabiso aphantsi kunezinye izinto ezinokubhukishwa ezikufutshane ezinezinto ezinokusetyenziswa ezifanayo nezinokuthatha inani elifanayo leendwendwe zidla ngokuhamba phambili. Ukutshintsha ixabiso lakho kunokukunceda ufikelele iindwendwe uze wenze imali engakumbi.

Inkcazelo ekweli nqaku isenokuba itshintshile emva kokuba lipapashiwe.