Iindlela ezintandathu zokuba ubhukishwe ngomzuzu wokugqibela

Nezona zindlu zithandwayo ngamanye amaxesha ziba neentsuku ezingalindelekanga ezifumaneka ngazo. Cinga ngala macebiso mathandathu okutsala abantu ababhukisha ngomzuzu wokugqibela uze wenze imali engakumbi.

Izaphulelo zomzuzu wokugqibela zinceda ukukhuthaza iindwendwe ukuba zibhukishe. Zisebenza ekubhukisheni okwenziwe kusuku oluyi-1 ukuya kwiintsuku eziyi-28 ngaphambi kukuba kubhaliswe xa kufikwa.

Xa kukho izaphulelo ze-10% okanye ezingaphezulu kwixabiso lakho eliphakathi leentsuku eziyi-60, iindwendwe ziza kubona uphawu olukhethekileyo kwiphepha lendlu yakho nakwiziphumo zokukhangela. Ixabiso lakho elinesaphulelo liza kuvela ecaleni kwelokuqala, elihlatyiweyo.

Ukuze ufake isaphulelo esikhutshwa xa sele kuza kungenwa:

• Yiya kwithebhu ethi Amaxabiso kwikhalenda yendlu yakho.
• Phantsi kwendawo ethi Izaphulelo ezingakumbi, vula Izaphulelo zomzuzu wokugqibela.
• Faka inani leentsuku ngaphambi kokuba kufikwe, eziphakathi ko-1 no-28.
• Faka ipesenti yesaphulelo ongathanda ukuyifaka.

Ungasitshintsha isaphulelo ngokusekelwe kwixesha ekubhukishwe ngalo, umane usinyusa njengoko usuku lokungena lusondela, ngokomzekelo. 

Qaphela ukuba esi saphulelo asifumaneki xa kuvulwe indlela ephucukileyo yokubeka ixabiso.

Iindwendwe ezikhangela iindawo zokuya ngomzuzu wokugqibela zisenokuba nosuku okanye iintsuku ezimbini kuphela zokuhamba. Ukunciphisa elona nani liphantsi leentsuku zohambo kuzenza zikwazi ukubhukisha ixesha elifutshane, ibe loo nto ikunceda ufikelele abahambi abahamba ngomzuzu wokugqibela. 

 Ukuze wehlise ezona ntsuku zakho zohambo zimbalwa:

• Yiya kwithebhu ethi Ukufumaneka kwikhalenda yendlu yakho.
• Cofa kwindawo ethi Ezona ntsuku zimbalwa ezinokuhlalwa phantsi kwendawo ethi Inani leentsuku zohambo.
• Lungisa ezona ntsuku zimbalwa zohambo zibe linani leentsuku ezikusebenzelayo.

Isixhobo sika-Airbnb sokuthelekisa izindlu ezifanayo sinokukunceda ubeke ixabiso elikhuphisana kakuhle namanye leentsuku ezingabhukishwanga. Jonga umyinge wamaxabiso ezindlu ezifana neyakho kwingingqi yakho ngeentsuku ezifanayo uze ucinge ngokulungisa ixabiso lakho losuku. 

Ukuze uthelekise izindlu ezifanayo:

• Yiya kwithebhu ethi Amaxabiso kwikhalenda yendlu yakho.
• Khetha iintsuku eziyokufika kweziyi-31.
• Cofa kwindawo ethi Thelekisa izindlu ezifanayo.

Imephu yengingqi yakho iza kubonisa umyinge wamaxabiso ezindlu ezifana neyakho ezikufuphi, ngokusekelwe kwizinto ezifana nendawo, ubungakanani, nezinto ezinokusetyenziswa. Sebenzisa amaqhosha akwimephu ukuze uveze izindlu ezibhukishiweyo okanye ezingabhukishwanga.

UFelicity, ilungu leQumrhu Labacebisi Lababuki Zindwendwe noyiSuperhost eNew South Wales, eOstreliya uthi, “Ndisoloko ndijonga ukuba ixabiso lam likhuphisana kakuhle na, ngoko ndifuna ukubona ukuba abanye ababuki zindwendwe kwingingqi yam bafumana malini ngosuku.

Ukulehlisa okwethutyana ixabiso lakho leentsuku ezingabhukishwanga kungazikhuthaza iindwendwe ukuba zibhukishe indawo yakho. Izindlu ezinamaxabiso aphantsi kunezinye izindlu ezifanayo ezikufutshane zidla ngokuba phambili kwiziphumo zokukhangela. Unokuphinda ulitshintshe ixabiso lakho ngelinye ixesha njengoko usamkela iindwendwe ezingakumbi uze ufikelele kwingeniso ozimisele ukuyifumana.

Cinga ngokuvumela iindwendwe ukuba zibhukishe xa sele kuza kubhaliswa xa kufikwa ukuze ugcwalise ikhalenda yakho ngexesha lonyaka apho izinga lokubhukisha liphantsi. Ungakhetha ixesha ngaphambi kokuba kufikwe ukuba libe kwangolo suku, kuxhomekeka kwixesha olidingayo phakathi kokubhukisha kondwendwe nokufika kwalo.

UMyranda, iSuperhost eseLittle Rock, eArkansas uthi, “Ndiyaqonda ukuba kunjani uthi useluhambeni ndize ndidinge ezo ndawo zokuhlala ngomzuzu wokugqibela, ngoko andithandi ukubeka umda wokuba umntu angasithumela nini isicelo sokubhukisha. Nokuba akukho mntu ubhukishiweyo ngosuku olulandelayo, ndiye ndiqinisekise ukuba indawo icocekile ibe ilungele abantu.”

Ukuze utshintshe inani elincinci lezona ntsuku ofuna ukwazi kwangaphambili ngazo ukuba kuza kufika iindwendwe:

• Yiya kwithebhu ethi Ukufumaneka kwikhalenda yendlu yakho.
• Vula Iintsuku ezingenakubhukishwa.
• Khetha inani leentsuku olithandayo.

Ungakwazi nokuvumela izicelo ezifike kwiintsuku ezingaphantsi kweentsuku ofuna ukwazi kwangaphambili ngazo ukuba kuza kufika iindwendwe. Uza kucelwa ukuba uzihlole uze uzivume ezi zicelo.

Qhakamshelana nabantu obaziyo usebenzisa amajelo okuncokola, i-imeyile, okanye umyalezo, uze ubachazele ukuba ikhaya lakho liyafumaneka. Umntu okwinethiwekhi yakho usenokukhuthazeka ukuba abhukishele uhambo olungacetywanga kwangaphambili.

Njengaxa ubuka iindwendwe nakweyiphi na indawo yokuhlala, kubalulekile ukunxibelelana ngendlela ecacileyo—ingakumbi xa kubhukishwa ngomzuzu wokugqibela. Ukuba undwendwe lubhukisha kwiiyure ezingaphantsi kweziyi-48 ngaphambi kokubhaliswe xa kufikwa, lunokukhetha ixesha lokubhalisa xa kufikwa elingekho kwixesha lakho lokubhaliswa xa kufikwa eliqhelekileyo. Ukuba indlu yakho isebenzisa Ukuvel' Ubhukishe, uza kufumana isicelo sokubhukisha. Kulungele ukuba nemiyalelo ecacileyo yokubhalisa xa kufikwa, uze uluchazele ukuba ufuna ixesha elingakumbi emva kokuphuma kweendwendwe.

Ababuki zindwendwe baye babhatalwa ngokuba kudliwano-ndlebe.

Inkcazelo ekweli nqaku isenokuba itshintshile emva kokuba lipapashiwe.