Indlela uAirbnb abakhusela ngayo Ababuki Zindwendwe

Usenokuba unemibuzo ngendlela oza kuyikhusela ngayo indawo yakho nezinto zakho xa abahambi behlala kwikhaya lakho. Akufane kubekho umonakalo okanye kwenzeke ingxaki yokukhuseleko, kodwa uAirbnb unezinto ezininzi zokukhusela Ababuki Zindwendwe neendwendwe.

IAirbnb ikunceda wazi iindwendwe. Ukuba usebenzisa uVel' Ubhukishe, ungenza iisetingi zakho ngendlela ofuna ngayo ukuze wongeze izinto ezifuneka kundwendwe ukongeza kwiimfuno zethu zokubhukisha kuzo zonke iindwendwe. Ibe ukuba ukhetha ukufumana izicelo zokubhukisha, ungajonga iiprofayile zeendwendwe uze ufunde nezimvo Zababuki Zindwendwe bexesha elidlulileyo ngaphambi kokwamkela ukubhukisha.

Ekubeni Ababuki Zindwendwe kunye neendwendwe bekwazi ukushiya izimvo kuphela emva kokuba ixesha elibhukishiweyo liphelile, ungaqiniseka ukuba ingxelo yokuba bekunjani isekelwe kwizinto ezenzeke nyhani. Unokusebenzisa nezixhobo ezikhuselekileyo zakwa-Airbnb zokuthumelelana imiyalezo ukuze ubuze imibuzo uchaze nezinto ozilindeleyo nanini na ngaphambi kokuba undwendwe luzokuhlala.

IAirCover Yababuki Zindwendwe kukukhuselwa ngokupheleleyo kwabo bonke Ababuki Zindwendwe kuAirbnb. Inamanyathelo okhuseleko angaphambi kohambo anceda ukuqinisekisa ukuba iindwendwe ezibhukishayo zingaba bantu zithi zingabo zisebenzisa inkqubo yokuqinisekisa isazisi sondwendwe. Ikwanceda ekunciphiseni amathuba okubakho kweepati eziphazamisayo nokonakaliswa kwendlu isebenzisa iteknoloji yokuhlola ukubhukisha.

IAirCover Yababuki Zindwendwe iquka i$1 miliyoni yeedola zaseMerika yeInshorensi yomonakalo kumntu obebhukishile ne$3 miliyoni yeedola zaseMerika yeInshorensi yomonakalo yombuki zindwendwe, ekhusela izinto zobugcisa, izinto zexabiso, iimoto ezipakiweyo, izikhephe, nezinye iimoto, nezinye izinto.

Funda okungakumbi ngeAirCover Yababuki Zindwendwe

Imithetho ebekelwe iindwendwe yimiqathango ekunyanzelekileyo ukuba zonke iindwendwe ziyilandele. Imithetho ebekiweyo ifuna ukuba iindwendwe ziyihloniphe indawo yakho, zithobele imithetho yekhaya lakho, zithethe ngokukhawuleza xa kuvela iingxaki, zize zingashiyi indawo yakho idinga ukugutyulwa. Undwendwe ngalunye olubhukishayo luvumelana nale mithetho ngaphambi kokubhukisha.

UAirbnb uthatha amanyathelo aliqela ukuze akhusele iakhawunti yakho, njengokufuna ukuba uphinde uqinisekise xa uzama ukungena kwiakhawunti ngefowuni okanye ngekhompyutha entsha, aze akuthumelele imiyalezo yeakhawunti xa kukho izinto ezitshintshiweyo. Ukuba nje usebenzisa uAirbnb kuyo yonke le nkqubo—ukuze unxibelelane, ubhukishe, uze ubhatale—ukhuselwe ziipolisi nezikhuselo zakwa-Airbnb.

Iqela Elinceda Intsapho lakwa-Airbnb lifumaneka ngeelwimi eziyi-62 ukuze lincede ngezi zinto:

• Uncedo lokuphinda ubhukishe
• Ukubuyiselwa imali
• Ukungenelela

Funda ngakumbi ngeepolisi zethu nezinto zokuzikhusela

I-inshorensi yomonakalo yombuki zindwendwe, I-inshorensi yomonakalo kumntu obebhukishile, kunye neInshorensi yomonakalo kumntu okwizinto ezinokonwatyelwa ze-AirCover Yababuki Zindwendwe azisebenzi Kubabuki Zindwendwe abaneendwawo zokuhlala okanye izinto ezinokonwatyelwa eJapan, apho kusebenza I-inshorensi Yababuki Zindwendwe yaseJapan kunye neInshorensi Yezinto Ezinokonwatyelwa yaseJapan, okanye Kubabuki Zindwendwe abaneendawo ezisebenza ngoAirbnb Travel LLC. Kubabuki Zindwendwe abaneendawo zokuhlala okanye izinto ezinokonwatyelwa kwimimandla yaseTshayina, kusebenza i-Inshorensi Yokukhusela Ababuki Zindwendwe yaseTshayina. Ukhumbule ukuba zonke iimali zezinto ezikhuselwayo zichazwe ngokweedola zaseMerika.

I-inshorensi yomonakalo kumntu obebhukishile Neinshorensi yomonakalo yomntu okwizinto ezinokonwatyelwa zibhatalelwa yenye inkampani yeinshorensi. Ukuba ubuka iindwendwe eUK, i-Inshorensi yomonakalo kumntu obebhukishile neInshorensi yomonakalo yomntu okwizinto ezinokonwatyelwa ibhatalelwa yiZurich Insurance Company Ltd., ibe ilungiselelwe yaza yenziwa yasebenza ngaphandle kokuba babhataliswe imali eyongezelelekileyo Ababuki Zindwendwe baseUK nguAirbnb UK Services Limited, ummeli omiselweyo weAon UK Limited, egunyaziswe nelawulwa yiFinancial Conduct Authority. Inombolo yokubhalisa yeFCA ka-Aon ngu-310451. Le nto ungayibona ngokuya kwiFinancial Services Register okanye ngokuqhagamshelana neFCA kule nombolo 0800 111 6768. Iipolisi zomonakalo kumntu obebhukishile Neepolisi zomonakalo kumntu okwizinto ezinokonwatyelwa ezikwiAirCover Yababuki Zindwendwe zilawulwa yiFinancial Conduct Authority. Iimveliso neenkonzo ezishiyekileyo azizizo iimveliso ezilungiselelwe yiAirbnb UK Services Limited. FPAFF405LC

I-inshorensi yomonakalo yombuki zindwendwe ayiyoinshorensi ibe ayinanto yakwenza neInshorensi yomonakalo kumntu obebhukishile. Phantsi kweInshorensi yomonakalo yombuki zindwendwe, uza kubuyiselwa imali ngomonakalo othile owenziwe ziindwendwe kwindlu yakho nakwizinto zakho ukuba undwendwe aluwubhataleli loo monakalo. Kwizindlu ezikwiPhondo laseWashington, izinto ezifuneka kuAirbnb phantsi kweinshorensi yomonakalo Yombuki Zindwendwe zibhatalelwa yipolisi yeinshorensi ethengwe nguAirbnb. Kubabuki Zindwendwe abahlala okanye abanendawo yokuhlala engaphandle kwaseOstreliya, kusebenza le Mimiselo Yeinshorensi Yomonakalo Yombuki Zindwendwe. Kubabuki Zindwendwe abahlala okanye abanendawo yokuhlala eseOstreliya, I-inshorensi Yomonakalo Yombuki Zindwendwe ixhomekeke Kwimimiselo Yeinshorensi Yomonakalo Yombuki Zindwendwe Yabantu Abayisebenzisayo baseOstreliya

Inkcazelo ekweli nqaku isenokuba itshintshile emva kokuba lipapashiwe.