Amacebiso okubuka iindwendwe ezifuna izinto ezinceda ilungele wonke umntu

Iindwendwe ezininzi zika-Airbnb zidinga izinto ezithile ezinceda kungeneke lula. Abantu abangakwazi ukuhamba kakuhle ngamanye amaxesha basebenzisa iintonga okanye izitulo ezinamavili, ibe bafuna ukwazi ngaphambi kokuba babhukishe uhambo ukuba indawo yakho ingabalungela kangakanani.

Ekubeni iindwendwe zidla ngokuhluza zisebenzisa izinto ezinceda ilungele wonke umntu, ukubonisa izinto enazo indawo yakho kunokunceda indlu yakho ivele ngakumbi xa kukhangelwa kuze konyuse amathuba akho okubhukishwa.

UAirbnb ngoku Unodidi oluthi Ukulungela Wonke Umntu, olubalaselisa iindawo eziqinisekisiweyo ukuba ziyabafanelekela abantu abasebenzisa isitulo esinamavili, ezineendlela ezingenazitepsi zokungena kuquka ubuncinane igumbi lokulala elinye negumbi lokuhlambela elinye. Qinisekisa ukuba ufaka naziphi na izinto ezinceda ilungele wonke umntu onazo kwindlu yakho—kwaye ukuba indawo yakho iyafaneleka, inokufakwa kolu didi lutsha.

USophie Morgan, umsasazi wasetivini nomntu olwela amalungelo abantu abaneziphene ovezwe kule vidiyo ingasentla, waba Ngumbuki Zindwendwe kuAirbnb kuba wayefuna ukuvulela abanye abahambi ikhaya lakhe elikhethekileyo. Uthi: “Ndisebenze nzima ukuze ndenze indawo yam ndikwazi ukuyisebenzisa. Ndiyazi ukuba ingabalungela nabanye abantu abaninzi—ingakumbi abo baneziphene—ngoko ndifuna nyhani ukubavulela yona.”

USophie uyavuma ukuba kunzima kwabo bafuna izinto ezinceda ilungele wonke umntu ukuba bahambe, kodwa uzama ukungayivumeli loo nto imenze angayi kwamanye amazwe. Uthi: “Ndineminyaka eyi-19 ndisebenzisa isitulo esinamavili. Ihlabathi alenzelwanga abantu abaneziphene, kodwa ubumnandi bokuhamba buyogqitha nantoni endimele ndiyenze ukuze ndihambe.”

Nazi ezinye izikhokelo zokwenza indawo ebangela umdla kwiindwendwe ezidinga izinto ezinceda ilungele wonke umntu ukuze zibhukishe ngokuzithemba.

Izinto ezinokukunceda indlu yakho ibe phambili kwiindwendwe ziquka ezi zinto:

• Indawo yokupaka elungele wonke umntu
• Kukhanye kwiindlela eziya emnyango
• Indawo yokungena iindwendwe engenazitepsi
• Akukho zitepsi kwindawo yokungena iindwendwe
• Akukho zitepsi kwiindlela eziya emagumbini
• Iindawo zokungena ezibanzi ngaphezu kweeintshi eziyi-32/iisentimitha eziyi-81.28
• Ishawa engenazitepsi
• Iindawo zokubambela ngasethobhini okanye kwishawa
• Isitulo seshawa okanye sasebhafini
• Into yokufunqula umntu enesiporo esisesilingini okanye enamavili
• Into yokufunqula umntu yasepulini

Funda okungakumbi ngokufaka izinto ezinceda ilungele wonke umntu kwindlu yakho

Kule vidiyo ingasentla, uSophie ucebisa ukuba ufake “iifoto ezininzi kangangoko unako” ukuze uncede abantu abanokuba zindwendwe abadinga izinto ezinceda kungeneke lula baqonde ukuba indawo yakho ibalungele na.

Ukuze siqinisekise ukuba izindlu zilungele iindwendwe ezifuna izinto ezithile, sicebisa ukuba Ababuki Zindwendwe bafake amagama ahamba neefoto kwiifoto zabo. Ngokomzekelo, unokufaka amagama ahamba neefoto kwifoto yegumbi lokuhlambela elinendawo yokubambelela esisigxina uze uchazele iindwendwe ukuba eli gumbi lokuhlambela lilo kuphela elilolo hlobo elilungiselelwe ukuba lisetyenziswe endlini.

Fota iifoto kumacala ahlukahlukeneyo ukuze uncede iindwendwe ziqonde ukuba indawo yakho iza kuzilungela na. Ngokomzekelo, faka iifoto zendawo yokupaka elungele wonke umntu ukuze ubonise ngokucacileyo indawo ekuyo xa uyithelekisa nendlu yakho.

Zonke izinto ezinceda ilungele wonke umntu ziyahlolwa ukuba ziyahambiselana na nezinto ezifunwayo kwiifoto zika-Airbnb ngaphambi kokufakwa kwindlu yakho. Ukuba ifoto yakho ayiyivezi ngokucacileyo loo nto, sisenokukucela ukuba ufake ifoto entsha okanye uyisuse loo nto kwindlu yakho.

Funda okungakumbi ngokufota izinto ezinceda ilungele wonke umntu

Ukuba undwendwe luqhakamshelana nawe ngezinto ezinceda ilungele wonke umntu, ukubuza imibuzo embalwa ngaphambi kokuba lubhukishe kunokunceda iindwendwe zakho ziqonde ukuba indawo yakho iza kuzilungela na.

Nantsi imizekelo eluncedo yeendlela zokuqalisa incoko:

• Unemibuzo ethile ngale ndawo?
• Ikhona into endinokuyenza ukuze uhlale kamnandi ngakumbi?

Ngaphambi kokuba undwendwe olufuna izinto ezinceda ilungele wonke umntu lufike, cinga ngezinto zokugqibela onokuzenza ezinokwenza kube lula ngakumbi ukuhamba-hamba kwindawo yakho. Amacebiso ambalwa:

• Ukutshintsha indlela emi ngayo ifenitshala enjengezitulo neetafile ukuze wenze indawo yokuhamba enkulwana kwiindawo ekuhlalwa kuzo
• Ukwenza kube lula ngakumbi ukufikelela kwiiplagi zombane
• Ukubeka izinto ezisendlini njengeetawuli nezitya kwiindawo ekulula ukufika kuzo

Funda indlela yokwenza indawo yakho ilungele wonke umntu ngakumbi

Incwadi ebonisa iindawo lithuba lakho lokunika iindwendwe amacebiso ngezinto zasekuhlaleni ukuze uzibonise indlela ozibuka ngayo ngobubele iindwendwe nesixeko sakho. Xa ufaka amacebiso ngeendawo zokutya, okubuka iindawo nezinto ezenziwa phandle, zama ukucinga njengomhambi ofuna izinto ezinceda ilungele wonke umntu.

Ngokomzekelo, cinga ngokukhangela iivenkile zokutyela ezineendawo eziflethi zokonyuka, ngokufaka iindawo zokuhamba ezilungisiweyo, nokufaka inkcazelo ngezithuthi zikawonke-wonke. Ngokusebenzisa la macebiso kwindlela ozibuka ngayo iindwendwe, ungenza indawo yakho ibe nomtsalane kubantu abangakumbi.