Isizathu sokuba izimvo zibalulekile
Izimvo nemilinganiselo zinceda iindwendwe zigqibe ekubeni indawo yakho izilungele na. Izimvo ezingcono nemilinganiselo zingakhokelela ekubhukishweni ngakumbi nakwingeniso engakumbi.
Indlela izimvo ezisebenza ngayo
Wena nondwendwe olubhukishileyo nineentsuku eziyi-14 emva kokuphuma kwalo ukuba nifake izimvo omnye ngomnye. Izimvo zifakwa emva kokuba nobabini nifake izimvo okanye xa kuphela iintsuku eziyi-14 zokufaka izimvo—nayiphi na efike kuqala.
Iindwendwe zinokuchaza ukuba bekunjani ngezi ndlela:
- Uluvo olubonwa ngumntu wonke. Izimvo zazo zivela kwinto enokubhukishwa yakho nakwiprofayile yakho. Ukuba uphendula uluvo olubonwa ngumntu wonke, impendulo yakho iza kuvela ezantsi kwalo.
- Umyalezo oya kumbuki zindwendwe. Umyalezo wakhe ungabonwa kuphela nguwe noAirbnb. Imiyalezo nezimvo zinokunceda uAirbnb aphucule iziphumo zokukhangela aze azi iindawo ezithandwa zindwendwe.
Ezona zimvo zifanelekileyo zivela kuqala ngokuzenzekelayo. Iindwendwe zinako nokukhangela izimvo zize zizilandelelanise ngezona zakutshanje, ngezona ezinemilinganiselo ephezulu, okanye ephantsi.
Jonga izimvo zeendwendwe njengethuba lokuphucula izinto onazo. Funda uluvo ngalunye, uze uphendule ngendlela eyakhayo ukuze ubonise ukuba zibalulekile kuwe ezo zimvo.
Indlela esebenza ngayo imilinganiselo yeenkwenkwezi
Iindwendwe ziyacelwa zinike umlinganiselo xa uwonke wokuba bekunjani nakwiindidi eziyi-6 zisebenzisa inkwenkwezi eyi-1 ukuya kweziyi-5. Umlinganiselo xa uwonke wokuba bekunjani ayingomyinge wezinye iindidi.
Ezi ndidi zezi:
- Ukubhalisa xa kufikwa. Bekulula kangakanani ukuyifumana le ndawo uze ungene ngaphakathi?
- Ukucoceka. Bekucoceke kangakanani kule ndlu ngaphambi kokuba undwendwe lufike?
- Ukuchana. Le ndawo izifikelele izinto ebezilindelwe lundwendwe ngokusekelwe kwiinkcukacha zento enokubhukishwa?
- Ukuncokola. Ukususela ekubhukisheni ukuya kwixesha lokuphuma, umbuki zindwendwe uncokole kakuhle kangakanani?
- Indawo ekuyo. Beluziva njani undwendwe ngengingqi?
- Ixabiso. Ixabiso lendawo beliyifanele?
Umlinganiselo weenkwenkwezi xa uwonke wondwendwe ngalunye uvela ecaleni koluvo lwalo. Emva kokuba iindwendwe eziyi-3 zinike umlinganiselo into enokubhukishwa yakho, umyinge womlinganiselo weenkwenkwezi xa uwonke uvela kwiziphumo zokukhangela nakwinto enokubhukishwa yakho.
Imilinganiselo inceda uAirbnb abone aze ancome ababuki zindwendwe nezinto ezinokubhukishwa eziphambili, kuquka inkqubo yeeSuperhost Nezithandwayo Zindwendwe.
IiSuperhost zaziwa ngokubuka iindwendwe ngendlela esemagqabini. IiSuperhost kufuneka zigcine umyinge womlinganiselo xa uwonke ubuncinane weenkwenkwezi eziyi-4.8 zize zifikelele nezinye izinto ezifunekayo.
Ezithandwa Zindwendwe zezona ndawo zithandwayo kwa-Airbnb, ngokutsho kweendwendwe. Kukho izinto ezahlukahlukeneyo ezinceda kuphawulwe Ezithandwa Zindwendwe, kuquka izimvo ezisemagqabini nemilinganiselo engaphezu kweenkwenkwezi eziyi-4.9 ngokomyinge, kuquka amanqaku aphezulu kuzo zonke iindidi eziyi-6.Ukubhala uluvo ngeendwendwe
Ukubhala uluvo ngeendwendwe yenye indlela yokuzikhumbuza ukuba zibhale uluvo ngawe. Izimvo zakho zivela kumaphepha eprofayile yondwendwe olubhukishileyo kunye neendwendwe ezamkele izimemo zoko kubhukisha. Zimisele:
- Ukuba nombulelo. Le nto inokuba yinto elula njengokuthi: “Enkosi ngokuba lundwendwe lwethu!”
- Ukufaka iinkcukacha. Usenokubhala uthi: “Olu ndwendwe luyilandele ngokupheleleyo imiyalelo yethu yokuphuma.”
- Yiba nembeko. Cinga ngokulungisa iingxaki ezintununtunu ngokuthumela umyalezo oya ngqo kuloo mntu.
Uza kucelwa unike iindwendwe umlinganiselo ngococeko, ngokunxibelelana, nokulandela imithetho yekhaya lakho. Izimvo zakho zinceda ukuqinisekisa ukuba iindwendwe ziyayithobela imithetho ebekiweyo, efuna ukuba iindwendwe ziliphathe kakuhle ikhaya lakho njengelazo zize zilandele imithetho yekhaya lakho.
Inkcazelo ekweli nqaku isenokuba itshintshile emva kokuba lipapashiwe.