Hlola izixhobo ezintsha zenkonzo yakho

Ngoku inkonzo yakho ingafikelela kwizigidi zabantu kuAirbnb. Izixhobo zethu ezikumgangatho ophezulu zikunceda wenze kube lula ukucwangcisa, ukutsala abantu ababhukishayo, ukuthumelela iindwendwe imiyalezo, ukuqonda ingeniso, uze ufumane inkcazelo ngemilinganiselo nezimvo.

Uza kufumana izixhobo zilungelelaniswe zazezi thebhu eziyi-5 xa ungene kwiakhawunti yakho njengombuki zindwendwe.

Ithebhu ethi Namhlanje yiyo oyibonayo xa uvula i-app. Ungazijonga nje iinkcukacha zento ebhukishiweyo ukuze ucebe usuku lwakho uze ubuke iindwendwe ngendlela esemagqabini.

• Tshintsha ngokulula phakathi kokubona iindawo ezibhukishiweyo ezikhoyo nezizayo uze uhluze ngezinto ekunikezelwa ngazo.
• Zibhalele amanqaku ngezinto ezibhukishiweyo, njengezikhumbuzo ngezihlandlo ezikhethekileyo okanye ngezicelo.
• Fumana amacebiso ngezinto omele uzenze ngento nganye ebhukishiweyo, njengokufunda izimvo nokubulela iindwendwe zakho.

Ikhalenda yenza kube lula ukuhlola nokulungisa ucwangciso lwakho iyure neyure.

• Faka iintsuku ofumaneka ngazo uze uvale amaxesha oxakeke ngawo.
• Jonga izinto ezibhukishiweyo eziqinisekisiweyo neendawo ezivulekileyo ezishiyekileyo ezimele zigcwaliswe.
• Dibanisa iikhalenda zakho zika-Airbnb neGoogle Calendar ukuze ulandelelele yonke into kwindawo enye.

Iindwendwe zinokuvele zibhukishe nayiphi na inkonzo efumanekayo kwikhalenda yakho ngoko nangoko, ngoko kubalulekile ukugcina iintsuku ofumaneka ngazo zisexesheni.

Ithebhu Yezinto ezinokubhukishwa ikunceda ulawule iinkcukacha zento yakho enokubhukishwa. Ungabeka amaxabiso akho uze ubonise iindwendwe inkonzo yakho.

• Faka izinto ekunikezelwa ngazo ngamaxabiso okuqalisa, aqhelekileyo namaxabiso aphezulu ukuze iindwendwe zikwazi ukukhetha kwizinto ezingakumbi ibe zikuncede ufikelele kwingeniso ozimisele ukuyenza.
• Faka izaphulelo zexesha elilinganiselweyo, zababhukishe kwangethuba, nezeqela elikhulu ukuze utsale iindwendwe ukuba zibhukishe.
• Thumela iifoto zento enokubhukishwa ezikumgangatho ophezulu ukuze uyibonise ngokuchanileyo inkonzo yakho uze ukhuthaze iindwendwe ukuba zibhukishe.
• Seta iiyure osebenza ngazo ukuze iindwendwe zilazi elona xesha efumaneka ngalo into nganye ekunikezelwa ngayo.

Bonke ababuki zindwendwe, iifoto neenkcukacha zento enokubhukishwa kufuneka zifikelele imigangatho nezinto ezifunekayo kwinkonzo nganye yakwa-Airbnb.

Ithebhu ethi Imiyalezo ikunceda uqhakamshelane neendwendwe ngaphambi, ebudeni, nasemva kwenkonzo. Uza kuthumela imiyalezo kundwendwe olubhukishayo nakuzo naziphi na iindwendwe oluzimemayo ukuba zijoyine into ebhukishiweyo.

• Funda ngezinto ezithandwa zindwendwe nezinto ezilindelweyo kwangaphambili, ukuze ukwazi ukuzitshintsha iinkonzo zakho ukuze zizithande.
• Yenza into onikezela ngayo ekhethekileyo uze ubeke ixabiso elilungele wena.
• Thumela iividiyo okanye iifoto ukuze uzazise uze wenze iindwendwe ziyiqonde ngakumbi into onikezela ngayo.
• Phendula imibuzo eqhelekileyo ngeempendulo ezikhawulezayo ezinokutshintshwa, ezibhalwe kwangaphambili, okanye uzenzele iithempleyithi zakho.
• Beka ixesha lokuthumela iimpendulo ezikhawulezayo ukuze uthumele iinkcukacha ezibalulekileyo ngamaxesha abalulekileyo ngokuzenzekelayo, afana nexesha lokubhukisha nosuku lwenkonzo.
• Qhakamshelana neAirbnb Support okanye uthumele umyalezo kumbuki zindwendwe xa usebenzisa i-app njengondwendwe.

Imenyu ikwenza ukwazi ukubona inkcazelo yengeniso yakho, iinkcukacha, neyezinye iisetingi. Uza kufumana amacebiso alungiselelwe wena nezinye izinto eziluncedo ezingakumbi zokukunceda ukhulise ishishini lakho lokubuka iindwendwe.

• Jonga ingeniso yakho uze wenze iingxelo ezikhethekileyo kwideshibhodi yengeniso.
• Funda zonke izimvo zeendwendwe nemilinganiselo eneenkcukacha kwicandelo lenkcazelo.
• Lawula iisetingi zeakhawunti yakho uze ufumane izinto eziluncedo zokubuka iindwendwe.

Inkcazelo ekweli nqaku isenokuba itshintshile emva kokuba lipapashiwe.