Zilungiselele kwangaphambili iimeko zemozulu ezingxamisekileyo

Ukuyilungela imozulu embi kunceda ekukhuseleni wena, iindwendwe zakho nendlu yakho.

Umbutho ojongene nokunceda kwezempilo nophuhliso lweAmericares unikezela ngamacebiso okunceda iindwendwe nokunciphisa ukonakala kwendlu ngamaxesha eenkanyamba, nawezitshingitshane nawobushushu obugqithiseleyo.

Iindwendwe zisenokuba aziyiqhelanga imo yezulu yasekuhlaleni nento ekufuneka yenziwe xa kukho imeko yemozulu engxamisekileyo.  Nazi ezinye iindlela zokuzixhasa, ngokutsho kweAmericares.

Bhala okanye uprinte inkcazelo ebalulekileyo uze uyibeke kwindawo esekuhleni.

• Iindawo ekunokuqhakamshelwana nazo kwimeko yongxamiseko: Dwelisa iinombolo zefowuni zamapolisa, zezicima-mlilo, nezeenkonzo zeeambulensi nefowuni yexesha longxamiseko yelizwe (njengo-911, 999, okanye u-112).
• Idilesi yendlu: Faka idilesi epheleleyo yendawo yakho, amagama ezitrato ezikhulu okanye iindawo eziphawulekayo, negama lengingqi, lesithili, okanye lommandla.
• Indawo yokuzifihla kwisaqhwiti: Phawula indawo ekunokuhlalwa kuyo xa kukho isaqhwiti okanye inkanyamba, njengegumbi elingaphantsi kwendlu okanye igumbi elingaphakathi elingenazo iifestile okanye iindawo ezingenisa ukukhanya eziseluphahleni. 
• Imephu ebonisa indawo: Bonisa iindlela ezinokusetyenziswa xa kufudukwa, iindawo zasekuhlaleni ekunokufudukelwa kuzo neendawo zokubalekela. Phawula ukuba zeziphi iindawo ezizivumelayo izilwanyana zasekhaya.

Lungiselela imozulu yamaxesha onyaka awohlukileyo kwindlu yakho, kwimiyalezo, nakwipolisi yokurhoxa.

• Imithetho yekhaya: Faka iinkcukacha ezisisiseko zemozulu yamaxesha awohlukahlukeneyo onyaka. Ngokomzekelo, “Ixesha lenkanyamba lidla ngokuba ngoJuni ukuya kutsho ngoNovemba.” Nceda ulandele iingxelo zemozulu nemiyalelo ekhutshwe ngamagosa asekuhlaleni.”
• Iimpendulo ezikhawulezayo nemiyalezo enexesha lokuthunyelwa Sebenzisa izixhobo ezikwithebhu yakho Yemiyalezo ukuze ugcine amacebiso onokuwathumela xa kuqikelelwa imozulu embi kakhulu. Ngokomzekelo, ungabhala impendulo ekhawulezayo ucebise ngendawo abantu abanokuzipholisa khona xa kushushu kakhulu.
• Ipolisi yokurhoxa: Imozulu embi kakhulu isenokuba neengozi ezingakumbi kwiindawo ezingenawo umatshini okhupha umoya obandayo okanye oshushu neendawo ezikhethekileyo ezifana neekharaveni, iintente nezindlu ezakhiwe emithini. Ukuba nepolisi yokurhoxa ebhetyebhetye kwenza iindwendwe zikwazi ngakumbi ukucwangcisa nokuqikelela izinto ezisenokwenzeka.

Imithetho engokurhoxa oyikhethileyo kwindlu yakho ngokuqhelekileyo yiyo egqiba ekubeni iindwendwe zibuyiselwe imali ngokubhukisha okurhoxisiweyo na, ngaphandle kokuba wena nondwendwe nivumelana ngenye indlela. Ukuba isiganeko esikhulu kwindawo ebhukishiweyo siyakuthintela okanye siyakwalela ngokusemthethweni ukubhukisha ukuba kugqitywe, kusenokusebenza Ipolisi Yeziganeko Ezikhulu Eziphazamisayo ka-Airbnb. 

Xa kusebenza Ipolisi Yeziganeko Ezikhulu Eziphazamisayo, ungakurhoxisa ukubhukisha ngaphandle kokubhataliswa iimali ezimele zibhatalwe okanye ufumane imiphumo emibi, ibe ikhalenda yendlu iza kuvalwa ngezo ntsuku. Iindwendwe ezineendawo ezizibhukishileyo ezichaphazelekileyo nazo zinokurhoxisa zize zibuyiselwe yonke imali yazo. Ukuba wena okanye iindwendwe zakho zirhoxisa ukubhukisha okubhatalelwayo yipolisi, awuzukubhatalwa.

I-Americares icebisa ukuba uthumelele iindwendwe zakho imiyalezo ngezilumkiso zemozulu. Ungazikhumbuza ngezinto eziluncedo zasekuhlaleni uze wabelane ngamacebiso ezinokuwasebenzisa ukuze zizikhusele ngexesha eziza kube zihleli ngalo.

Ukuphucula indlu yakho ukuze ikwazi ukumelana neemozulu ezahlukahlukeneyo kunokunceda ekunciphiseni umonakalo wendlu ebudeni benkanyamba okanye besaqhwithi kuze kwenze kuhlaleke kamnandi kwindawo yakho xa kushushu kakhulu. I-Americares icebisa ukuba kwenziwe ezi zinto ukuze kungcinwe indawo yakho ikwimo entle ibe ikhuselekile.

Inkcazelo ekweli nqaku isenokuba itshintshile emva kokuba lipapashiwe.