Ukuvula amakhaya ngamaxesha obunzima ngoAirbnb.org

Ubuchule bakho njengoMbuki Zindwendwe bokwenza abantu bazive bamkelekile kwindawo yakho kuyasikhuthaza yonke imihla. Siyithande kakhulu indlela intsapho yethu Yababuki Zindwendwe exhase ngayo uAirbnb.org, umbutho ongenzi nzuzo omiselwe ngo-2020 ukuze kusetyenzelwe kumsebenzi oqalwe zinkqubo Zamakhaya Oncedo Neendawo Zokuhlala Zabatshotsha Phambili.

Ukususela ngo-2012, nivule amakhaya enu kubantu abangaphezulu kwe-100 000, kuquka iimbacu, abantu abafuna ukukhuselwa, abasebenzi abatshotsha phambili ekulweni ubhubhane weCOVID-19 nabantu ekuye kwafuneka bafuduke ngenxa yeentlekele zemvelo emhlabeni wonke.

Umsebenzi ka-Airbnb.org uyenzeka ngenxa yobubele Bababuki Zindwendwe abanikezela ngeendawo nabanikelayo abaxhasa ngemali yokunceda abantu ngamaxesha obunzima.

Sibhiyozela ububele bentsapho Yababuki Zindwendwe ngokunikezela ngebheji Yokuxhasa uAirbnb.org. Ababuki Zindwendwe banokuxhasa uAirbnb.org baze bafumane ibheji ngokwenza ezi zinto:

• Ubhalisele ukubuka iindwendwe ngexesha longxamiseko simahla okanye ngesaphulelo

• Unikele ngokuqhubekayo

Ibheji Yokuxhasa uAirbnb.org ibhiyozela Ababuki Zindwendwe ubuncinane abanendlu enye esebenzayo kuAirbnb.org enikezela ngeendawo zokuhlala zexesha longxamiseko simahla okanye ngesaphulelo. Ukunikela ngendawo ka-Airbnb.org kuthetha ukwamkela abantu ekuye kwafuneka bafuduke, iimbacu nabanye abadinga iindawo zokuhlala zokwexeshana ngamaxesha obunzima.

Funda okungakumbi ngokubuka iindwendwe ukuze uncede

Ungafumana ibheji Yokuxhasa uAirbnb.org ngokubhalisela ukunikela ngepesenti ethile yemali oyibhatalwayo kuAirbnb.org ngokuqhubekayo. Okanye, ukuba ungathanda, unganikela kube kanye uze ungafanelekeli ukufumana ibheji.

UAirbnb.org udibana njani Namakhaya Oncedo neeNdawo Zokuhlala Abatshotsha Phambili?
Ngo-2020, iinkqubo zika-Airbnb Zamakhaya Oncedo Neendawo Zokuhlala Abatshotsha Phambili zatshintsha zaba nguAirbnb.org, umbutho ongenzi nzuzo we-501(c)(3). Nangona uAirbnb enamalungu entsapho afana naka-Airbnb.org, lo mbutho ongenzi nzuzo ngumbutho ozimeleyo onebhodi yabaphathi ezimeleyo.

Ivela phi ibheji Yomxhasi weAirbnb.org?
Ibheji ivela kwiprofayile yakho Yombuki Zindwendwe lakumaphepha ezindlu zakho. Ukuba ufuna ukuyifihla ibheji yakho, qhakamshelana neqela lethu lokunceda.

Le bheji iyayichaphazela indlu yam xa kukhangelwa?
Le bheji ibhiyozela ububele bakho bokuxhasauAirbnb.org. Ayichaphazeli indlela ezivela ngayo izindlu kwiziphumo zokukhangela zika-Airbnb, ibe iindwendwe azikwazi ukuhluza ukukhangela kwazo ukuze ziveze iibheji zeAirbnb.org okwangoku.

Le bheji iyayichaphazela ibheji okanye imeko yam yokuba yiSuperhost?
Ibheji Yokuxhasa uAirbnb.org akuyichaphazeli ibheji okanye ukuba yiSuperhost kwakho. Le bheji iza kuvela ecaleni kwebheji yakho yeSuperhost.

Ndiza kuyeka ukuba nebheji Yokuxhasa uAirbnb.org ukuba ndiyaphuma ekubukeni iindwendwe okanye ekunikeleni kuAirbnb.org ?
Ewe, kodwa ibheji iza kuphinda ivele kwakhona ukuba uyaphinda ubuke iindwendwe kuAirbnb.org okanye ukunikela kuAirbnb.org. Ungakwazi ukususa indawo yakho kuAirbnb.org okanye unqumamise okanye umise umnikelo wakho oqhubekayo.

Unceda njani uAirbnb?
UAirbnb uzibophelele ekubhataleleni iindleko zokusebenza zika-Airbnb.org, ngoko yonke iminikelo iya ngqo kwimibutho engenzi nzuzo okanye abantu abancedwa nguAirbnb.org.