Ukunikezela ngendawo ekwizinga leenkwenkwezi eziyi-5
Ukuchaza izinto ezinokulindelwa
Qinisekisa ukuba inkcazelo yendlu yakho iyichaza ngokuchanileyo indawo yakho.
Ungayithengisi ugqith' emgceni. Bonisa izinto eziphambili nezingaqhelekanga, ukususela kwibhafu enamanzi ashushu okanye indawo yokubasa umlilo ukuya kutsho kumaplanga akumgangatho awenza ingxolo xa enyathelwa okanye ingxolo esitratweni.
Faka iifoto ezikumgangatho ophezulu, uze uchaze naziphi na iingxaki ezisenokubakho kwinkcazelo yendlu yakho kwiingcaciso zeefoto. Lungiselela iifoto ezimbini ukuya kwezintathu zegumbi ngalinye okanye kwindawo nganye, kuquka naziphi na izinto ezinokusetyenziswa eziphambili.
Ungasebenzisi ii-engile ezibanzi kakhulu okanye ungazilungisi kakhulu iifoto zakho, nto leyo enokwenza amagumbi abonakale emakhulu okanye egqamile kunokuba enjalo.
Ukunxibelelana ngokuphumelelayo
Khumbula ukuba nguwe wedwa umntu oza kuqhakamshelana neendwendwe ezihlala kwindawo yakho.
Cinga izinto ezinokwenziwa kwangaphambili uze uqinisekise ukuba iindwendwe zinayo yonke into eziyidingayo ngaphambi kokubhalisa xa zifika, njengolwalathiso lwendlela yokuza kwindawo yakho nemiyalelo yokungena ngaphakathi.
Yiphendule ngokukhawuleza kangangoko kunokwenzeka imiyalezo yeendwendwe.
Sebenzisa ulwimi olungakhethiyo kwimiyalezo yakho, nto leyo ebalulekileyo ekwamkeleni bonke abantu.
Sebenzisa iapp ka-Airbnb nezixhobo ezifana neempendulo ezikhawulezayo nemiyalezo ebekelwe ixesha ukuze uqhakamshelane ngokulula.
Thumela imiyalezo yokubhalisa xa kufikwa ubuncinane kwiiyure eziyi-24 kwangaphambili, ukuze iindwendwe zibe nexesha lokuyifunda zize zibuze imibuzo. Le nto ibaluleke ngakumbi kwiindwendwe ezidinga izinto ezinceda kungeneke lula.
Ukwamkela iindwendwe
Ngamanye amaxesha into eyenza ufumane uluvo lweenkwenkwezi ezine nezintlanu yinto nje elula njengokuhoya nezona zinto zibonakala zincinci.
Ukucoceka kubalulekile. Qinisekisa ukuba yonke imiphezulu, imigangatho namalaphu acocekile kwaye akanathuli. Khangela iinwele emva kokucoca, okanye naziphi na iimpawu zobumdaka okanye uthuli. Nokuba indawo yakho intle, kufuneka icoceke ukuze ifumane uluvo lweenkwenkwezi ezintlanu.
Ukubonisa ububele ngokubeka umyalezo wokwamkela okanye ukuthumela umyalezo wokwamkela kwiapp.
Yenza indawo yakho ibe ngathi likhaya. Ngokomzekelo, ukuba unekhitshi, cinga ngokufaka iimbiza nezinto zokupheka ezisisiseko.
Iindlela zokubonisa ububele ezincinci, njengokushiya ingubo esofeni okanye izinto zokwenza ikofu okanye iti.
Ukuzibophelela ekubhukisheni
Njengenxalenye yemithetho ebekiweyo Yababuki Zindwendwe, awumele urhoxise ukubhukisha okuqinisekisiweyo. Ukuba uwunakukuphepha ukurhoxisa, ufanele wenze okusemandleni akho ukuba urhoxise kusekude kangangoko kunokwenzeka. Qhakamshelana noAirbnb ukuba ufuna ukuncedwa.