Ngoku ungenza izinto ezingakumbi kwa-Airbnb

Ngo-2007 sacinga icebo: Kungaba njani ukuba singenza indlela yokuba abantu bakwazi ukubhukisha indawo yokuhlala ngokulula ngendlela efanayo nokubhukisha ihotele? Ukususela ngoko, abantu abafike kwiindawo zokuhlala ebebezibhukishe ngoAirbnb badlule ngaphezu kweebhiliyoni eziyi-2 ibe iye yatshintsha indlela abantu abahamba ngayo. Kodwa uhambo olumnandi alupheleli nje kwindawo ohlala kulo. Yiloo nto sisazisa ngezi zinto zilandelayo:

• Iinkonzo zika-Airbnb – Iinkonzo ezimangalisayo zokwenza indlela undwendwe oluhleli ngayo ikhetheke ngakumbi.
• Izinto Ezinokonwatyelwa zakwa-Airbnb – Buka isixeko nabantu abahlala kuso abasazi kakuhle.
• Iapp ka-Airbnb eyenziwe ngokutsha – Iapp eyenziwe ngokutsha eyenza kube lula ukuba ababuki zindwendwe balawule indawo yabo, inkonzo, okanye into enokonwatyelwa, nokuba iindwendwe zikwazi ukubhukisha—yonke loo nto beyenza kwindawo enye.

UBrian Chesky, ongomnye wabaseki neGosa Eliphetheyo lakwa-Airbnb uthe, “Kwiminyaka elishumi elinesixhenxe eyadlulayo, saye sayitshintsha indlela abantu abahamba ngayo. Emva kweendwendwe ezingaphezu kweebhiliyoni eziyi-2, uAirbnb waziwa ngendawo yokuhlala. Ngokuqaliswa kweenkonzo nezinto ezinokonwatyelwa, siyaphinda sitshintsha indlela ekuhanjwa ngayo. Ngoku ungenza izinto ezingakumbi kwa-Airbnb.”

Abantu badla ngokukhetha iihotele ngenxa yeenkonzo ezinikezela ngazo, ezifana nenkonzo zokuziswa kwezinto egumbini, ukukwazi ukusebenzisa ijimu, okanye ukubhukisha i-spa. Ukususela namhlanje, iindwendwe zinokufumana iinkonzo ngqo kwiAirbnb yazo.

Sazisa Ngeenkonzo zika-Airbnb—iinkonzo ezimangalisayo zokwenza indawo yokuhlala ikhetheke ngakumbi. Siza kuqalisa ngeendidi eziyi-10 kwizixeko ezithile, ibe izinto ekunikezelwa ngazo ezintsha neendawo ezintsha ziza kumane zifakwa qho kwi-app ka-Airbnb. Nazi iindidi zokuqala ezilishumi:

• Abapheki – Ukutya kwasekhaya okulungiselelwe ngabapheki abaphum' izandla.
• Ukufotelwa – Iseshoni yokufotelwa ngendlela oyithandayo ngabafoti abanamava.
• Imasaji – Iimasaji zokuzihlaziya kuquka imasaji yezihlunu ne-reflexology yaseSweden eyenziwa ngabantu abamasajayo abanamava.
• Izinto ezenziwa e-Spa – Ukwenziwa ubuso, ukugutyulwa ukungcola kulusu lobuso, ukulolwa komzimba, nezinye izinto ezenziwa e-spa, ezenziwa ngumntu osebenza umsebenzi wokunyanga e-spa.
• Ukujimiswa ngumntu – I-yoga, ukujimela ukuqinisa izihlunu, iHIIT, nezinto ezingakumbi, nabantu abajimisayo, kuquka abantu abajimisayo abaziwayo neembaleki zehlabathi.
• Iinwele – Ukucheba iinwele ngobuchule, ukubotshelwa phezulu kweenwele, nezinto ezingakumbi ezenziwa ngabantu abenza abantu babe bahle abanamava.
• I-make-up – I-make-up eqhelekileyo okanye eyezihlandlo ezikhethekileyo eyenziwa ngabantu abenza umsebenzi wokwenza abanye abantu i-make-up.
• Iinzipho – Ukwenziwa iinzipho neenzipho zeenyawo uzenziwa ngabantu abazinkcutshe ekwenzeni iinzipho.
• Izidlo eziredi – Izidlo eziredi ukuba zityiwe ezenziwe ngabapheki abenza umsebenzi wokupheka.
• Ukuphekelwa – Inkonzo yokuphekelwa ehamba neemenyu ezikhethekileyo, ukudekhoreyithwa, nezixhobo zokupheka, nokulungiselela nokucocelwa.

Iinkonzo zika-Airbnb ziyahlolwa ukuba zisemgangathweni na, kucingwa ngezinto ezimele zifikelelwe ezifana nolwazi, nemfundo, nendlela ezidume ngayo, nezinto ezingakumbi. Ababuki zindwendwe beenkonzo baneminyaka emininzi yamava ibe bayigqibile inkqubo ka-Airbnb yokuqinisekisa ukuba ungubani. Abaninzi kubo badumile kwimisebenzi abayenzayo—kuquka abapheki beevenkile zokutyela abaneenkwenkwezi zeMichelin, abafoti abaphumelele amabhaso nabaqeqeshi abasemagqabini.

Iinkonzo zika-Airbnb zifumaneka phantse ngexabiso ngalinye, kwaye iinkonzo ezininzi ziquka amaxabiso ekuqaleni angaphantsi kwe-50 yeedola zaseMerika. Kuba kukho iinkonzo zalo naluphi na uhlobo lohambo, ungafumana yonke into ukususela kwisidlo esiredi ngexabiso elifikelelekayo ukuya ekuzilolongeleni imihla ngemihla nomntu oqeqesha abantu abadumileyo.

Iinkonzo zinokwenziwa kwindawo ethile, kwishishini lombuki zindwendwe wenkonzo, okanye kwindawo kawonke-wonke. Ukuba ubuka iindwendwe kwindlu, iinkonzo zivunyelwa ngokuzenzekelayo. Le yenye indlela yokubonisa iindwendwe ukuba uzibophelele ekwenzeni indlela ezihleli ngayo ikhetheke ngakumbi.

Unokukhetha ukungazivumeli iinkonzo kwindawo yakho. Qhakamshelana neAirbnb Support ukuze uchaze naziphi na iinkonzo ongazivumeliyo ibe uza kulungisa imithetho yekhaya lakho.

Ukususela namhlanje, iingcali ezinamava zinokuba ngumbuki zindwendwe weenkonzo. Yindlela entsha yokubonisa abanye ngobuchule bakho neyokukhulisa ishishini lakho.

Esinye sezizathu eziphambili zokuba abantu bebhukisha kuAirbnb kukuba bangaphila njengabantu basekuhlaleni. Kodwa kunzima ukufumana ezona zinto zimnandi onokuzenza xa usendaweni entsha. Amaxesha amaninzi uphela ukunye neqela elikhulu, nilandela umntu onibukisayo ophethe isipikha, usenza imisebenzi ekwenza uzive ngathi uyenzela nje ukuthi wakhe wayenza. Ungathini ukuba kukho indlela engcono yokwazi isixeko?

Namhlanje, sazisa Ngezinto Ezinokonwatyelwa zakwa-Airbnb ezenziwe ngokutsha—ezikhokelwa ngabantu basekuhlaleni abasazi kakuhle isixeko sabo. Sazisa ngezinto onokuzonwabela kwizixeko ezisemhlabeni wonke ibe songeza ezingakumbi suku ngalunye. Iindwendwe zinokubona ezona ndawo zintle zedolophu ngenxa yezinto ezinokonwatyelwa ezifana nezi:

• Indawo ephawulekayo, imyuziyam nezinto zenkcubeko — Yazi indlela eye yavuselelwa ngayo iNotre-Dame uyaziswa ngomnye wabazobi bezakhiwo obekwiqela lokuvuselelwa kwayo.
• Ukhenketho lokutya, iiklasi zokupheka, kunye nezinto ezinokonwatyelwa zokutya – Yazi ubuchule bokwenza i-ramen kunye nompheki ovela kwivenkile yokutyela enembasa yeMichelin Bib Gourmand.
• Ngaphandle, imidlalo yasemanzini, nezinto ezinokonwatyelwa zezilwanyana zasendle – Ukukhwela amahashe kwiindawo ezingcwele ze-Inca neendawo ezimangalisayo zaseAndes nenkcutshe yasekuhlaleni yenkcubeko yaseAndes nakwinkcubeko yabantu.
• Ukukhenketha iigalari, iiklasi zobugcisa, nezinto ezinokonwatyelwa zokuthenga – Fumana iimpahla ezintsha kwiseshoni yokuzilungisa eyenziwa ngumntu ocebisa ngefashoni waseHollywood.
• Izinto ezinokonwatyelwa zokujima, impilo-ntle, nobuhle – Ngena eringini ukuze ufumane into enokonwatyelwa ye-lucha libre yokwenyani nomntu waseMexico owenza i-werstling.

Izinto Ezinokonwatyelwa zakwa-Airbnb ziyahlolwa ukuba zisemgangathweni na, kucingwa ngolwazi, ngendlela ezidume ngayo, nokukhetheka kwazo, ibe le nkqubo iyaqhubeka. Sizihlola qho izinto ezinokonwatyelwa ukuze siqinisekise ukuba ziyawufikelela umgangatho wethu.

Ngoku ungakwazi ukufaka Izinto Ezinokonwatyelwa zakwa-Airbnb. Ukuba usazi kakuhle isixeko sakho kwaye unento ekhethekileyo enokwenziwa engafumanekiyo kwezinye iindawo, faka into enokonwatyelwa ocinga ukuyenza.

Siyenze ngokutsha i-app ukuze ibe nayo yonke into ababuki zindwendwe abayidingayo ukuze balawule iindawo zabo, inkonzo, okanye into enokonwatyelwa:

• Ukuqalisa KuAirbnb – Isixhobo sokwenza into enokubhukishwa esilula senza kube lula ukufaka inkonzo okanye into enokonwatyelwa kuAirbnb.
• Ithebhu ethi namhlanje – Ithebhu eyenziwe ngokutsha yokulawula izinto ezibhukishiweyo equka iindawo zokuhlala, iinkonzo nezinto ezinokonwatyelwa ikunceda ubuke iindwendwe ngendlela esemagqabini.
• Ikhalenda – Ikhalenda eyenziwe ngokutsha yeendawo, yeenkonzo, neyezinto ezinokonwatyelwa iquka indlela entsha yokujonga usuku ngalunye eneshedyuli yeyure ngeyure nedibana ngoko nangoko neGoogle Calendar.
• Ithebhu yezinto ezinokubhukishwa – Izixhobo ezintsha zokulawula iinkonzo ezinokubhukishwa nezezinto ezinokonwatyelwa zenza kube lula ukutshintsha zonke izinto zento yakho enokubhukishwa, ukususela kwindawo ekuyo ukuya kumaxabiso.

Ukuba ubuka iindwendwe kwindawo yokuhlala, yifumane kuqala ngoku ukuze uqalise ukusebenzisa izixhobo zakho ezintsha zokubuka iindwendwe.

Iinkonzo azifumaneki kuzo zonke iindawo, kuquka eBrazil nasePuerto Rico.

Inkcazelo ekweli nqaku isenokuba itshintshile emva kokuba lipapashiwe.