Ukuqonda iisetingi zakho zekhalenda nezokubhukisha

Seta ixabiso nexesha ofumaneka ngalo kuze kubhukishwe ngeli xesha ulifunayo.
Ngu-Airbnb nge-1 Dis 2020
Lifundeka ngemizuzu eyi-3
Ihlaziywe nge-3 Epr 2023

Iisetingi zakho zekhalenda nezokubhukisha zikuvumela ulawule ixesha owamkela ngalo abantu kwindawo yakho, ukususela kwiimpela-veki ezimbalwa ukuya kwiintsuku eziyi-365 ngonyaka. Ukuzazi kakuhle ezi setingi kunokukunceda ufikelele izinto ezifunwa ziindwendwe uze ulawule ishishini lakho lokubuka iindwendwe lula ngakumbi.

Nantsi indlela yokuseta iisetingi zekhalenda eziza kukulungela.

Ukubeka iintsuku ofumaneka ngazo kwikhalenda yakho

Ungavula iintsuku kwikhalenda yakho ukuya kutsho kwiminyaka emibini kwangaphambili. Xa uneentsuku ezininzi ofumaneka ngazo, iindwendwe ziza kuba neentsuku ezininzi ezinokukhetha kuzo.

Ukugcina ixesha ofumaneka ngalo kwikhalenda yakho lisexesheni kubalulekile ukuze uphephe ukurhoxisa ukubhukisha. Ukurhoxa kunokuphumela kwimali omele uyibhatale neminye imiphumo zize neendwendwe zingayivuyeli loo nto.

UKevino, iSuperhost yaseMexico City, uthi usebenzisa iisetingi zekhalenda nezokubhukisha ukuze:

  • Alungise amaxabiso ngokusekelwe ekufunweni kweendawo kwingingqi. “Ndidla ngokubiza imali engakumbi ngo-Oktobha nangoNovemba, iinyanga ezilixesha elixakekileyo eMexico City ngenxa yamatheko amaninzi aye enziwe. Wonke umntu ufuna ukuba lapha ngeDay of the Dead!”
  • Beka amaxesha athile okubhalisa xa kufikwa nawokuhamba. “Iindwendwe zingaqalisa ukubhalisa xa zifika ukususela ngo-2:00 emva kwemini zize ziphume nanini na ngaphambi ko-12:00 emva kwemini—ndifuna iindwendwe zam zizive zinexesha lokuphola zize zifumane isidlo sakusasa ngaphambi kokuba zihambe. Ndinayo nendawo etshixwayo apho iindwendwe zinokubeka khona iibhegi zazo ukuba zisafuna ukuhlala esixekweni emva kwexesha lokuphuma.”

  • Vala iintsuku ezigcinelwe intsapho, abahlobo okanye iindwendwe ezimane zisiza. “Ndinazo nezinye iindwendwe ezithanda ukubuya nyaka ngamnye ngexesha elifanayo, ngoko amaxesha amaninzi ndiye ndizivale ezo ntsuku.”

Ungasebenzisa izinto ozithandayo zokubhukisha ukuze:

  • Ukhethe ixesha olidingayo ukuze ulungiselele iindwendwe.
  • Usete elona xesha lincinci nelona xesha lininzi elinokuhlalwa.

  • Udibanise ikhalenda yakho ka-Airbnb kunye nezinye iikhalenda ezikwi-intanethi. Ukudibanisa ikhalenda yakho kukunceda uphephe ukubhukishwa ngokuphindwe kabini ngexesha elinye kwaye kukwenza ukwazi ukujonga izicwangciso zakho kwindawo enye.

Ikhalenda yakho ilandelelela nokubhukisha kweendwendwe zakho. Ungakhetha ukuveza okanye ukufihla iinkcukacha ukuze ubone ukufumaneka kwendawo ixesha elide, uhlole amaxabiso osuku exesha elidlulileyo, ulungise amaxabiso exesha elizayo nezaphulelo ezifumaneka kube kanye uze ucebe kwangaphambili uzithembile.

Ukukhetha indlela iindwendwe eziyibhukisha ngayo indawo yakho

Unokuvumela iindwendwe ukuba zibhukishe indawo yakho zisebenzisa Uvel 'Ubhukishe okanye ngokuthumela isicelo sokubhukisha.

Izicelo zokubhukisha zivumela Ababuki Zindwendwe ukuba bamkele izicelo zokubhukisha zomntu ngamnye, zingekapheli iiyure eziyi-24 bezifumene. Le ndlela idla ngokuthandwa ngaba Babuki Zindwendwe:

  • Abafumaneka ngamaxesha angenakwaziwa kwangaphambili ngenxa yezinto abafuna ukuzenza okanye ngenxa yezicwangciso zabo.
  • Abaneendawo ezinezinto ezikhethekileyo , njengezinto zakudala kakhulu, abafuna ukuchazela iindwendwe ngazo ngaphambi kokuba zibhukishe.
  • Abavumela ukuba kuhlalwe ixesha elide leentsuku eziyi-28 nangaphezulu.

Uvel' Ubhukishe uvumela iindwendwe ezizifikelela zonke izinto ozifunayo nezivumelanayo nemithetho yekhaya lakho ukuba ziyibhukishe kwangoko indawo yakho nangeziphi na iintsuku ezifumanekayo. Esi sixhobo sikhawulezisa inkqubo yokubhukisha yeendwendwe, size sinciphise izihlandlo ekufuneka ukuba uhlole uze wamkele isicelo sokubhukisha ngasinye.

UKevino uthi, “Ndenza uvavanyo kuqala ngokufaka indlu yam inesetingi yokufaka isicelo sokubhukisha ndaza emva koko ndavula Uvel' Ubhukishe. Xa ndandisebenzisa Uvel' Ubhukishe, ndabhukishwa ngakumbi.”

Ngezi setingi nezinye, unokulawula ukuba indawo yakho ibhukishwa nini ibe njani uze wenze ikhalenda yokubuka iindwendwe elungele wena.

Inkcazelo ekweli nqaku isenokuba itshintshile emva kokuba lipapashiwe.

Airbnb
1 Dis 2020
Ngaba oku bekuluncedo?