Ukulungisa iintsuku ofumaneka ngazo

Iisetingi zeentsuku ofumaneka ngazo zika-Airbnb zenza kube lula ukulawula ukuba zibhukisha nini ibe njani iindwendwe kwindawo yakho. Uza kuzifumana kwikhalenda yakho.

Izixhobo zamaxabiso neesetingi zeentsuku ofumaneka ngazo zidla ngokusebenzisana. Ngokomzekelo, ukuba unesaphulelo sababhukishe kwangethuba, ukuvumela iindwendwe ukuba zibhukishe iinyanga eziyi-12 okanye eziyi-24 kusengaphambili kunokukunceda ufikelele iindwendwe ezingakumbi eziceba kwangethuba.

Ukutshintsha inani leentsuku zohambo lwakho kunokuvula ikhalenda yakho kuze kuncede into yakho enokubhukishwa ivele ngakumbi xa kukhangelwa. Vela uqinisekise ukuba ezona ntsuku zimbalwa nezona zininzi zohambo lwakho zihambisana nemithetho nemimiselo yasekuhlaleni.

• Ezona ntsuku zimbalwa zinokuhlalwa: Ukunciphisa ezona ntsuku zakho zimbalwa zohambo kuyathandwa zindwendwe ezibhukisha ixesha elifutshane kuze kuncede ekugcwaliseni izikhewu kwikhalenda yakho. Unokuseta ezona ntsuku zimbalwa ezinokuhlalwa ngokusekelwe kusuku lokubhalisa xa kufikwa.
• Ezona ntsuku zininzi zinokuhlalwa: Ukunyusa elona nani liphezulu leentsuku zohambo lwakho kunceda kutsale iindwendwe zibhukishe ixesha elide, nto leyo eyehlisa amathuba okungena nokuphuma kweendwendwe. Ungakwazi nokuvumela izicelo zokuhlala ixesha elide kunelakho. Uza kukwazi ukuhlola uze uzivume ezi zicelo.
• Inani elikhethekileyo leentsuku zohambo: Ukufaka inani elikhethekileyo leentsuku zohambo elincinance kunenani lakho elincinci leentsuku ezithile zohambo kunokukunceda ugcwalise izikhewu kwikhalenda yakho.

Iintsuku ziza kufumaneka ngokuzenzekelayo ngokweesetingi zakho. Ukuba iisetingi zakho zivala iintsuku, uza kufumana amacebiso okuzivula. Ngokomzekelo, ukuba elona nani lincinane leentsuku ezinokuhlalwa zintsuku eziyi-5 ibe uneentsuku eziyi-4 ezingabhukishwanga emva kwendawo nganye ebhukishiweyo, uza kubona icebiso lokwehlisa inani lezona ntsuku zimbalwa ezinokuhlalwa zakho zohambo ngezo ntsuku.

Gqiba ukuba ufuna iintsuku ezingakanani ngaphambi kokuba iindwendwe zifike nokuba abantu banokubhukisha kwangaphambili kangakanani.

• Iintsuku ezingenakubhukishwa: Gqiba ukuba ufuna ixesha elingakanani phakathi kokubhukisha kondwendwe nokufika kwalo. Ungakhetha usuku olufanayo, usuku oluyi-1, iintsuku eziyi-2, iintsuku eziyi-3, okanye iintsuku eziyi-7. Nokuba ukhetha usuku oluyi-1 okanye ezingaphezulu, ungazivumela izicelo ezifika ngaphantsi kosuku olunye, ekuza kufuneka uzihlole uze uzamkele.
• Iintsuku ezibhukishwa kwangolo suku: Ukuba uvumela iindwendwe zibhukishe ngosuku olufanayo nelokubhalisa xa zifika, ungabeka ixesha lokuyekisa ukuba zikwazi ukuphinda zibhukishe. Khetha nayiphi na iyure phakathi ko-6:00 kusasa no-12:00 kusasa.
• Ixesha lokulungiselela: Khetha iintsuku ofuna ukuzivala ngaphambi nangasemva kwesihlandlo ngasinye esibhukishiweyo. Iintsuku onokukhetha kuzo kukuba kungabikho suku, lusuku oluyi-1 ngaphambi nasemva kwesihlandlo ngasinye esibhukishiweyo, okanye iintsuku eziyi-2 ngaphambi nasemva kwesihlandlo ngasinye esibhukishiweyo.
• Iintsuku ofumaneka ngazo: Ukwandisa ukuba iindwendwe zingabhukisha kwangaphambili kangakanani kunceda into yakho enokubhukishwa ivele ngakumbi xa kukhangelwa. Khetha kwiinyanga eziyi-3, eziyi-6, eziyi-9, eziyi-12 okanye eziyi-24 kwangaphambili.
• Iisetingi ezingakumbi zeentsuku ofumaneka ngazo: Unganqanda ukuba iindwendwe zingakwazi ukubhalisela ukufika okanye ukuba ziphume ngeentsuku ezithile zeveki. Le nto iyayivala ikhalenda yakho ukuba kungafiki okanye kungaphumi bantu ukuba uyazi ukuba awufumaneki ngeentsuku ezithile. Ungakhetha ukuya kutsho kwiintsuku eziyi-6 ngeveki.

Ukuba usebenzisa iikhalenda ezininzi, ukudibanisa zonke iikhalenda zakho zokubuka iindwendwe kunceda ukunqanda ukubhukishwa kabini. Olu nxibelelwano oluya macala oyi-2 luzitshintsha ngokuzenzekelayo zombini iikhalenda xa kubhukishwa usuku. Ukuze ukonekthe iikhalenda zakho:

• Faka ilinki yekhalenda ka-Airbnb kwenye iwebhusayithi.
• Fumana ilinki ephela ngo .ics kwenye iwebhusayithi uze uyifake kwikhalenda yakho ka-Airbnb.

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka.

Inkcazelo ekweli nqaku isenokuba itshintshile emva kokuba lipapashiwe.