Ukuqonda amaxabiso kuAirbnb

Kukho iintlobo eziyi-3 zamaxabiso kwa-Airbnb: ixabiso losuku, lempela-veki, nelikhethekileyo. Ayasebenzisana ukuze ancede into yakho enokubhukishwa ibe phambili unyaka wonke aze akuncede ufikelele ingeniso ozimisele ukuyifumana.

UAirbnb unamacebiso ngamaxabiso alungiselelwe wena kuzo zonke ezi ntlobo ziyi-3 zamaxabiso. Usebenzisa izinto ezifana nendawo okuyo, izinto ezinokusetyenziswa, iindawo ebezibhukishwe kwixesha elidlulileyo, namaxabiso akutshanje kwingingqi yakho.

Ixabiso lakho losuku lixabiso elihlala likhethiwe lazo zonke iintsuku kwikhalenda yakho. Uqale ukhethe eli xabiso kwindawo ethi Ukuqalisa KuAirbnb, ibe ungalitshintsha kwiisetingi zamaxabiso akho nanini na.

Icebiso ngexabiso ngosuku nexabiso elicetyiswayo livela ngaphantsi kwenani olifakayo. Ukuba ufuna ukubeka ixabiso elahlukileyo, zama ukucinga ngeendleko zakho nemali iindwendwe ezilungele ukuyibhatala. Nazi izinto ezimbalwa ekufuneka ucinge ngazo.

• Iindleko zakho zokubuka iindwendwe: Cinga ngezinto ezifana netyala lendlu, iinkonzo zikamasipala, imali yokulungisa izinto, neerhafu.
• Ukufaneleka kwezinto onikezela ngazo: Cinga ngeendlela zokwenza into yakho enokubhukishwa yahluke ngokugqamisa izinto ezithandwayo, izinto ezinceda ilungele wonke umntu, nokuba kufuphi nezinto ezinika umdla zasekuhlaleni.
• Izinto ezinokubhukishwa ezifana neyakho: Sebenzisa esi sixhobo sokubeka amaxabiso ukuze uthelekise umyinge wexabiso leendawo ezibhukishiweyo nezingabhukishwanga kwimephu yengingqi yakho. Izinto ezinokubhukishwa ezifanayo azizukuvela ukuba usebenzisa Indlela Ephucukileyo Yokubeka Ixabiso.
• Ixabiso elipheleleyo elibhatalwa zindwendwe: Naziphi na iimali ezimele zibhatalwe ozifakayo, njengemali yokucoca, zichaphazela ixabiso elipheleleyo.

Ukuqala ngexabiso losuku eliphantsi kunokukunceda utsale iindwendwe zakho zokuqala uze ufumane nezimvo njengoko usebenza ukuze ufikelele ingeniso ozimisele ukuyifikelela.

Ungafaka ixabiso elithe xhaxhe leempela-veki, elangoLwesihlanu nelangeMigqibelo. Ukutshintsha-tshintsha ixabiso lakho ngokusekelwe kusuku kunokukunceda wonyuse izinga lokubhukishwa.

Icebiso ngexabiso langempela-veki livela ngaphantsi kwenani olifakayo ibe linyuka ngepesenti ngaphezu kwexabiso lakho ngosuku. Ukuba awulibeki ixabiso lempela-veki, ixabiso lakho losuku lisebenza kuzo zonke iintsuku zeveki.

Ungabeka ixabiso losuku kulo naluphi na usuku. Elo xabiso liza kuthatha indawo yexabiso lakho losuku okanye lempela-veki leentsuku ozikhethayo.

Amacebiso ngamaxabiso avela ngaphantsi kwexabiso lakho losuku kusuku ngalunye kwikhalenda yakho ukuze akuncede ubeke amaxabiso eentsuku ezahlukahlukeneyo, awamaxesha onyaka awahlukahlukeneyo, nawamatheko akhethekileyo.

Ukuba awuwaboni amacebiso ngamaxabiso, le nto isenokubangelwa kukuba:

• Kuvulwe Indlela Ephucukileyo Yokubeka Ixabiso
• Ixabiso lakho lihambelana nelicetyiswayo
• Izaphulelo okanye izaphulelo ezifumaneka kube kanye sele zifakiwe kwezo ntsuku
• Akukho nkcazelo yaneleyo yokwenza amacebiso ngamaxabiso

Ukuba ufuna ukutshintsha ixabiso lakho ngokuzenzekelayo, vula Indlela Ephucukileyo Yokubeka Ixabiso.

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka.

Inkcazelo ekweli nqaku isenokuba itshintshile emva kokuba lipapashiwe.