Ukuyisebenzisa kakuhle ngeyona ndlela ithebhu Yemiyalezo

Ithebhu Yemiyalezo yindawo yakho yemiyalezo ka-Airbnb. Ibeka yonke imiyalezo yakho engokubuka iindwendwe, engohambo, nengoncedo kwindawo enye. Izinto ezikwithebhu Yemiyalezo zikwenza ukwazi ukwenza ezi zinto:

• Ukuhluza nokukhangela imiyalezo.
• Thumela uze ubeke ixesha lokuthumela iithempleyithi ezibhalwe kwangaphambili ezibizwa ngokuba zimpendulo ezikhawulezayo.
• Lungisa uze ubuyise imiyalezo yakutshanje.
• Nxibelelana nondwendwe ngalunye olukwiinkcukacha zento ebhukishiweyo kwimiyalezo oyifumeneyo noyithumeleyo.
• Bona xa iindwendwe ziyibonile imiyalezo yakho ngemiyalezo ethi ifundiwe.
• Thumela incwadi yakho ebonisa iindawo uze ucebise Ngezinto Ezinokonwatyelwa Neenkonzo zakwa-Airbnb zasekuhlaleni.
• Faka iifoto neevidiyo kwimiyalezo.

Ithebhu Yemiyalezo ilungelelanisa imiyalezo ngokweendidi. Ezona ndidi ziphambili Zindawo Zokuhlala, Zizinto Ezinokonwatyelwa, Zinkonzo, Luhambo, Luncedo, kunye Nemiyalezo Eya Ngqo.

Indlela evela ngayo ethi, Zonke, ibonisa iindidi ezihambelana neakhawunti yakho ka-Airbnb kuphela. Khetha naluphi na udidi ukuze uhluze imiyalezo ngokohlobo lwayo.

Kwindawo ethi Iindawo, ungafaka ezi zihluzi zongezelelekileyo:

• Imiyalezo engafundwanga ibonisa kuphela imiyalezo engavulwanga.
• Inqanaba lohambo lilungelelanisa imiyalezo ngezicelo zokubhukisha, ngezinto ezibhukishiweyo ezizayo, ngokubukwa kweendwendwe okuqhubekayo, kunye nezinto ezibhukishwe kwixesha elidlulileyo.
• Izinto ezinokubhukishwa zilungelelanisa imiyalezo ngokwento enokubhukishwa ukuba unezinto ezinokubhukishwa ezingaphezu kwenye.
• Ezifakwe inkwenkwezi zibonisa kuphela imiyalezo oyiphawule ngenkwenkwezi.

Kwindawo ethi Izinto Ezinokonwatyelwa Neenkonzo, ungafaka ezi zihluzi zongezelelekileyo:

• Imiyalezo engafundwanga ibonisa kuphela imiyalezo engavulwanga.
• Ezifakwe inkwenkwezi zibonisa kuphela imiyalezo oyiphawule ngenkwenkwezi.
• Imiyalezo yeqela ilungelelanisa imiyalezo oyifumeneyo noyithumeleyo enondwendwe olungaphezu kolunye olubhukishileyo ngento ebhukishiweyo.

Ukuba unombuki zindwendwe oncedisayo okanye Ungunozakuzaku oyiSuperhost, uza kufumana ezi zihluzi kwithebhu Yemiyalezo:

• Umbuki zindwendwe oncedisayo ubonisa incoko phakathi kwakho nabo nabaphi na ababuki zindwendwe abancedisayo kwinto enokubhukishwa.
• Unozakuzaku oyiSuperhost ubonisa imiyalezo ephakathi kwakho nababuki zindwendwe oye wadityaniswa nabo.

Isihluzi esithi Uhambo sibonisa imiyalezo oyithumelayo noyifumanayo njengondwendwe. Isihluzi Soncedo sibonisa iinkcoko zakho NoAirbnb Support.

Ufuna incoko ethile? Ungakhangela imiyalezo ngamagama, okanye ngamabinzana. Iziphumo zijonga naziphi na izihluzi ozifakileyo, nto leyo ekunceda ufumane iincoko ngokukhawuleza.

Impendulo ekhawulezayo ngumyalezo omfutshane, obhalwe kwangaphambili ogcinwe njengethempleyithi kwiisetingi zemiyalezo yakho.

Izinto ezibasendaweni yendawo yokufaka into ethile ukuze ufumane iinkcukacha, njengegama londwendwe, zenza umyalezo ngamnye ube yile ndlela owufuna ngayo ngokuthatha inkcazelo kwinto enokubhukishwa yakho okanye kwinto ebhukishiweyo.

Iimpendulo ezikhawulezayo zikunceda uphendule ngokukhawuleza uze wonge ixesha. Zenzele iimpendulo ezikhawulezayo okanye ulungise iithempleyithi zika-Airbnb ukuze uzithumele ngoko nangoko okanye uzicwangcisele ukuba zithunyelwe ngelinye ixesha ngamaxesha abalulekileyo.

Funda okungakumbi ngeempendulo ezikhawulezayo zababuki zindwendwe bendawo yokuhlala, bento enokonwatyelwa, okanye benkonzo.

Into nganye ebhukishiweyo iqalisa incoko entsha kwithebhu Yemiyalezo. Undwendwe olubhukishayo lungamema ezinye iindwendwe ezihamba nalo ukuba zijoyine into ebhukishiweyo. Iindwendwe ezisamkelayo isimemo zifakwa kwincoko.

Ukuba ubuka iindwendwe kwinto enokonwatyelwa, zonke iindwendwe ezibhukisha ngosuku nangexesha elifanayo zifakwa ngokuzenzekelayo kwincoko yeqela elinye. Zingamema nabanye abantu ezihamba nabo ukuba nabo bajoyine.

Ababuki zindwendwe nababuki zindwendwe abancedisayo bathumela imiyalezo kulo lonke iqela. Iindwendwe zingayifunda yonke imiyalezo, zide ziyijoyine incoko nasemva kokuba iqalile, ukuze ungathethi into obusele uyithethile.

Cofa iqhosha elithi Iinkcukacha ukuze ufumane inkcazelo engakumbi ngento ebhukishiweyo nangencoko, kuquka uludwe lomntu wonke ojoyinileyo Cofa kwifoto yondwendwe ukuze ubone iprofayile yalo uze ufunde ngakumbi ngomntu oza kuba ngumbuki zindwendwe wakhe.

Ezinye izinto Kwithebhu yemiyalezo zinceda ababuki zindwendwe nababuki zindwendwe abancedisayo baqhakamshelane neendwendwe ngaphambi, ebudeni, nasemva kwento ebhukishiweyo, kunye nabanye ababuki zindwendwe.

• Iimpendulo ezikwincoko zikuvumela ukuba uqalise imiyalezo oyifumeneyo noyithumeleyo xa uphendula umyalezo, nto leyo efaka impendulo yakho phantsi komyalezo wokuqala.
• Izixhobo zokulungisa zikwenza ukwazi ukulungisa umyalezo ingekapheli imizuzu eyi-15 uwuthumele, uze uwubuyise zingekapheli iiyure eziyi-24.
• Into ebonisa ukuba umyalezo ufundiwe ikubonisa ukuba iindwendwe okanye abanye abantu bayibonile na imiyalezo yakho, ngaphandle kokuba bayicimile le nto kwiisetingi zeakhawunti yabo.
• Amacebiso enza kube lula ukuthumela incwadi yakho ebonisa iindawo aze acebise ngezinto ezinokonwatyelwa okanye ngeenkonzo zasekuhlaleni ngokucofa nje izihlandlo ezimbalwa.
• Ukuthumela iifoto neevidiyo kukwenza ukwazi ukufaka iifayile kwimiyalezo yakho oyithumela kubabuki zindwendwe abancedisayo nakwiindwendwe emva kokuba into ebhukishiweyo yazo iqinisekisiwe.

Inkcazelo ekweli nqaku isenokuba itshintshile emva kokuba lipapashiwe.