Ukusebenzisa iimpendulo ezikhawulezayo ukuze wonge ixesha

Ababuki zindwendwe bezinto ezinokonwatyelwa badla ngokuzifumana bephendula imibuzo efanayo evela kwiindwendwe ezahlukeneyo: Ufumaneka nini kwiveki ezayo? Siza kudibanela phi? Ndingayilungiselela njani imozulu ukuba kunokunetha?

Ungaphinda uzisebenzise iimpendulo zakho—uze uphendule ngokukhawuleza qho—ngeempendulo ezikhawulezayo ezikwithebhu Yemiyalezo.

Impendulo ekhawulezayo ngumyalezo omfutshane, obhalwe kwangaphambili ogcinwa njengethempleyithi kwiisetingi zemiyalezo yakho.

Izinto ezibasendaweni yendawo yokufaka into ethile ukuze ufumane iinkcukacha, njengegama londwendwe, zenza umyalezo ngamnye ube yile ndlela owufuna ngayo ngokuthatha inkcazelo kwinto enokubhukishwa yakho okanye kwinto ebhukishiweyo.

Yenza iimpendulo zakho ezikhawulezayo okanye ulungise iithempleyithi zakwa-Airbnb. Ngokomzekelo, ukuba udla ngokufuna ukunxibelelana neendwendwe ezifika emva kwexesha, zama ukugcina impendulo yakho eqhelekileyo njengempendulo ekhawulezayo.

Ungathumela iimpendulo ezikhawulezayo ngoko nangoko okanye uzicwangcisele ukuba zithunyelwe ngokuzenzekelayo ngelinye ixesha.

Ukuze uthumele impendulo ekhawulezayo ngoko nangoko kundwendwe:

• Yiya kwithebhu Yemiyalezo.
• Khetha incoko ofuna ukuphendula kuyo.
• Cofa uphawu lokudibanisa (+) ecaleni kwendawo ethi Bhala umyalezo.
• Khetha indawo ethi Thumela impendulo ekhawulezayo.
• Khetha impendulo ekhawulezayo, evela kwincoko yakho.
• Lungisa umyalezo okanye uwuthumele njengoko unjalo.
• Cofa iqhosha elinotolo (↑) ukuze uthumele umyalezo.

Ithebhu Yemiyalezo inazo neempendulo ezicetyiswayo, ezisebenzisa ubuchule bekhompyutha bokusebenza oku komntu, ukuze iqonde umbuzo wondwendwe ize icebise enye yeempendulo ezikhawulezayo zakho ukuze iwuphendule. Eli cebiso livela kwincoko yakho, apho inguwe wedwa onokulibona. Ungayilungisa impendulo ecetyiswayo ngaphambi kokuba uyithumele, okanye ubhale impendulo eyahlukileyo.

Ukuze uthumele impendulo ekhawulezayo ngokuzenzekelayo kuzo zonke iindwendwe:

• Yiya kwithebhu Yemiyalezo.
• Cofa uphawu lweesetingi phezulu kwisikrini sakho.
• Cofa kwindawo ethi Lawula iimpendulo ezikhawulezayo.
• Khetha impendulo ekhawulezayo ofuna ukuyicwangcisa uze ucofe kwindawo ethi Okulandelayo.
• Cofa kwindawo ethi Cwangcisa ixesha emele ithunyelwe ngalo uze ukhethe ukuba ufuna ukuba iindwendwe ziwufumane nini umyalezo, njengaxa kuqinisekiswa into ebhukishiweyo okanye kwiiyure eziyi-2 ngaphambi kokuba into enokonwatyelwa iqalise.

Xa kuqinisekiswa into ebhukishiweyo, unokukhetha kwiindlela eziyi-2: Cwangcisa ukuba umyalezo uye ngqo kundwendwe ngalunye olubhukishayo, okanye umyalezo uye kwiqela emva kokuba undwendwe lokuqala lubhukishile.

Xa ucwangcisa umyalezo oya kwiqela, iindwendwe ezibhukisha into enokonwatyelwa ngosuku nangexesha elifanayo zifakwa ngokuzenzekelayo kuloo miyalezo oyifumeneyo noyithumeleyo. Zingayifunda yonke imiyalezo ekuloo ncoko, ukuze ungaphindi into obusele uyithethile.

Uza kubona into ekukhumbuzayo kwincoko yakho nondwendwe xa impendulo ekhawulezayo ebekelwe ixesha iza kuthunyelwa. Wulungise okanye uwutsibe ungathunyelwa ukuba uphinda inkcazelo osele uyithumele.

Impendulo ekhawulezayo isebenza kakuhle xa imfutshane ibe ithetha ngento enye. Uza kufumana iithempleyithi ezibhalwe kwangaphambili kwithebhu Yemiyalezo inezihloko eziqhelekileyo ezifana nezi. Zama ukuzithumela ngamaxesha abalulekileyo.

• Ukuqinisekiswa kwento ebhukishiweyo: Thumela umyalezo wokwamkela ukuze uzazise uze ubuze iindwendwe ukuba zinayo na imibuzo okanye izicelo ezikhethekileyo, njengokutya okuthile ezikudingayo okanye ezikuthandayo.
• Ukulungiselela: Nceda iindwendwe ziyonwabele kangangoko into enokonwatyelwa ngokuzichazela into emaziyilindele, njengokuzithumelela uqikelelo lwemozulu namacebiso ngezinto emazizinxibe okanye ezimele zize nazo ukuze zihlale kamnandi.
• Ngaphambi kwento enokonwatyelwa: Qhakamshelana neendwendwe kwiiyure eziyi-24 kwangaphambili ukuze uzikhumbuze ngexesha oza kuqalisa ngalo nendawo ekuza kudityanelwa kuyo, nemiyalelo ecacileyo yokuya apho.
• Emva kwento enokonwatyelwa: Zixelele ngezinto zasekuhlaleni ozithandayo uze ucinge ngokuzibuza iindwendwe ukuba bekunjani nangokuzicela ukuba zibhale uluvo oluza kubonwa ngumntu wonke.

Ukufaka iifoto okanye iividiyo kwiimpendulo zakho ezikhawulezayo kunokukunceda uzazise, ubonise indawo eniza kudibanela kuyo, okanye ubonise izinto ezimnandi ngaloo nto enokonwatyelwa. Ngokomzekelo, ukuba uye wazifota iindwendwe zakho ngoxa bezikwinto eyenziwayo, faka iifoto ezimbalwa kwimpendulo ekhawulezayo ethi “emva kwento enokonwatyelwa” ngaphambi kokuba uyithumele.

Ungancamathisela iifayile kwimiyalezo nanini na emva kokuba into ebhukishiweyo iqinisekisiwe. Thumela iifoto zikwifomathi yePNG okanye yeJPG (ukuya kuthi ga kwi-50 megabytes) neevidiyo zikwifomathi yeMP4 okanye yeMOV (ukuya kuthi ga kwi-100 megabytes neziya kutsho kwimizuzwana eyi-60).

Indlela umntu oyisebenzisayo avakalelwa ngayo isenokwahluka ngokweendawo. Inkcazelo ekweli nqaku isenokuba itshintshile emva kokuba lipapashiwe.