Indlela yokukhetha iisetingi zakho zokubhukisha

Ungamkela izicelo zokubhukisha zeendwendwe ngenye yeendlela ezimbini: ngokuzenzekelayo ngoVel' Ubhukishe, okanye ngokwakho ngokuphendula izicelo zokubhukisha. Iindwendwe ezininzi nababuki zindwendwe bayakuthanda ukuba lula kukaVel' Ubhukishe ukonga ixesha.

Uvel' Ubhukishe uvumela iindwendwe ukuba zibhukishe ngoko nangoko naziphi na iintsuku ezifumanekayo kwikhalenda yakho. Uza kufumana kuphela izicelo zokubhukisha zemeko ezikhethekileyo ezifuna ukuvunywa nguwe, njengezeendawo zokuhlala iintsuku ezingaphezu kweziyi-31.

Zonke iindwendwe kufuneka ziyamkele imithetho yekhaya lakho zize zifikelele izinto ezifunwa nguAirbnb xa kubhukishwa. Emva kokuba uyipapashile into enokubhukishwa yakho, ungafaka iisetingi ezifuna iindwendwe ezisebenzisa Uvel' Ubhukishe:

• Ezisele zigqibile ukubhukisha ngaphandle kokuba zibe nezimvo embi okanye zibe nengxaki eye yachazwa kwiAirbnb Support.
• Zifunde zize ziphendule imibuzo ekumyalezo ozenzekelayo wangaphambi kokubhukisha owubhalileyo.

Xa undwendwe lufuna ukubhukisha indawo yakho, uza kufumana isicelo sokubhukisha. Uza kuba neeyure eziyi-24 zokwamkela okanye zokwala isicelo ngaphambi kokuba siphelelwe lixesha. Ungaseta imiyalezo ukuze uqinisekise ukuba ufumana izicelo ngokukhawuleza kangangoko kunokwenzeka.

Xa undwendwe luthumela isicelo sokubhukisha, ezo ntsuku zalo zivalwa ngokuzenzekelayo kwikhalenda yakho ukuze zingadibani nezicelo zexesha elizayo. Ezo ntsuku zihlala zivaliwe ukuba uyasamkela isicelo okanye ukuba uyasiyeka siphelelwe lixesha, ngoko kubalulekile ukuba usiphendule ngokukhawuleza isicelo ngasinye.

Iisetingi zakho zokubhukisha ziza kutshintshela kuVel' Ubhukishe emva kokuba uqinisekise izicelo zokubhukisha kayi-5. Ungazilungisa iisetingi zakho nanini na.

Nazi ezinye izinto omele ucinge ngazo xa ukhetha iisetingi zakho zokubhukisha:

Uvel' Ubhukishe

• Iindwendwe ziyakuthanda ukukwazi ukuqinisekisa izinto ezibhukishiweyo ngoko nangoko, nto leyo enokwenza kubhukishwe ngakumbi.
• Uvel' Ubhukishe wamkela izicelo zakho zokubhukishwa ngokusekelwe kwimiqathango oyibekileyo.
• Kuza kufuneka ugcine ikhalenda yakho isexesheni uze uyidibanise nazo naziphi na ezinye iikhalenda ozisebenzisayo.

Izicelo zokubhukisha

• Iindwendwe ziyakuxabisa ukukhawuleza ziphendulwe, ngoko kubhetele uyisebenzise le ndlela kuphela ukuba ungakwazi ukuphendula zingekapheli iiyure eziyi-24.
• Umele wenze kuphawulwe imithetho ethile okanye izinto ezikhethekileyo ezikwindawo yakho, njengezitepsi ezinyukayo eziya kwindawo yokungena ekuphela kwayo.
• Awukwazi ukwala izicelo ngezizathu ezophula ipolisi yokungacaluli yakwa-Airbnb.

Khetha indlela eza kukunceda uphephe ukurhoxisa izinto ezibhukishwe zindwendwe ngenxa yezizathu ezinokuphepheka, ezinokuphumela ekubhatalweni kwezinye iimali ezimele zibhatalwe nakweminye imiphumo.

Inkcazelo ekweli nqaku isenokuba itshintshile emva kokuba lipapashiwe.