Ukwenza into yakho efakiweyo yezinto ezinokonwatyelwa ilungele ukubhukishwa

Siyavuyisana nawe ngokuvunywa Kwento yakho Enokonwatyelwa yakwa-Airbnb! Emva kokuba upapashe indlu yakho, nazi izinto ezimbini onokuzenza ukuze utsale iindwendwe zakho zokuqala.

Kuza kufuneka usete ikhalenda yakho ukuze iindwendwe zikwazi ukuyibhukisha le nto enokonwatyelwa. Gqiba ukuba uza kuyenza kangaphi into enokonwatyelwa ngokusekelwe kwixesha elithathayo, kwixesha ofumaneka ngalo, nezinto ofuna ishishini lakho lizifikelele.

Ukuze uqalise, khetha usuku ofuna ukubuka iindwendwe ngalo uze ucofe kwindawo ethi Cwangcisa into enokonwatyelwa. Khetha ixesha, uhlobo lokubhukisha, ixabiso, ubukhulu beqela, nezinye iinkcukacha. Ukwenza into enokonwatyelwa izihlandlo eziyi-10 nangaphezulu ngenyanga, kuquka ubuncinane usuku olunye lwempela-veki ngeveki, kunokunceda iindwendwe zifumane usuku nexesha eliza kuzilungela.

Ababuki zindwendwe abaninzi bafaka ixesha abafumaneka ngalo ukuya kutsho kwiinyanga ezimbini ukuze bandise amathuba abo okubhukishwa. Ungacwangcisa into enokonwatyelwa onayo yonke imihla ukuya kutsho kwiintsuku eziyi-60 ezizayo nento enokonwatyelwa onayo veki nganye ukuya kutsho kwiiveki eziyi-52 ezizayo.

Ungalibali ukuvala naziphi na iintsuku ongazokwazi ukubuka iindwendwe ngazo ukuze uphephe ukurhoxisa. Ungavala nexesha olisebenzisela ukulungiselela okanye ukucoca.

Iindwendwe ezininzi zicinga ngexabiso xa zibhukisha Izinto Ezinokonwatyelwa zakwa-Airbnb. Ukubeka ixabiso elikhuphisana kakuhle namanye kunganceda indlu yakho ibe phambili.

Qala ngokubala ukuba udinga malini ukuze ukwazi ukubhatalela iindleko zakho. Emva koko, usenokufumanisa ukuba ukuba nexabiso eliphantsi ngomntu ngamnye kunokutsala iindwendwe ezingakumbi kuze kuphumele kwingeniso engakumbi. Ngokomzekelo:

• Iindwendwe eziyi-4 ezibhukishe nge$75 yeedola zaseMerika zenza = i$300 yeedola zaseMerika
• Iindwendwe eziyi-8 ezibhukishe nge$60 yeedola zaseMerika zenza = i$480 yeedola zaseMerika

Ungenza nesaphulelo esifumaneka kube kanye sento enokonwatyelwa entsha ukuze utsale iindwendwe zakho zokuqala kwaye ukhawuleze ube nezimvo. Esi saphulelo sifumaneka kube kanye lithuba lokufaka isaphulelo se-5% ukuya kwi-50% kwixabiso lakho kwiintsuku eziyi-30.

Ukuba ukhetha ubuncinane isaphulelo se-20%, ixabiso lakho elinesaphulelo liza kuvela kwiziphumo zokukhangela zakwa-Airbnb ecaleni kwelokuqala, elihlatyiweyo. Into enokonwatyelwa iza kubuyela kwixabiso lakho lokuqala xa siphela isaphulelo.

Ukuze ufake isaphulelo esifumaneka kube kanye:

1. Yiya kwindlu yakho uze ucofe kwindawo ethi Lungisa
2. Yiya kwindawo ethi Iisetingi zamaxabiso uze ucofe kwindawo ethi Izaphulelo
3. Phantsi kwendawo ethi Izaphulelo ezikhethekileyo, yiya kwindawo ethi Isaphulelo esifumaneka kube kanye sento enokonwatyelwa entsha uze ucofe kwindawo ethi Yenza isaphulelo

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka.

Inkcazelo ekweli nqaku isenokuba itshintshile emva kokuba lipapashiwe.