Indlela yokubalaselisa ubuchule bakho

Iindwendwe ziyavuya xa umbuki zindwendwe wazo ezibonisa into ezingakhange ziyicinge aze azincede zifunde into entsha. Thetha ngemvelaphi yakho nangolwazi onalo ukuze wenze into yabo enokonwatyelwa ikhetheke.

Ukwenza ubuhlobo neendwendwe zakho kwenza ukuba kuthenjwane kuze kuzincede ziyiqonde bhetele indlela ofaneleka ngayo ukunikezela ngento yakho enokonwatyelwa.

• Zahlule. Faka iinkcukacha ezibonisa ubuchule bakho xa unxibelelana neendwendwe.
• Balisa amabali. Lungiselela izinto eziza kwenziwa ezibalaselisa imvelaphi yakho uze wenze amaxesha akhethekileyo onokuwonwabela neendwendwe.

UDebora, obuka iindwendwe kwiiklasi zokupheka kwindawo yakhe yokuhlala eRoma, ubonisa ngezatifiketi zakhe zokuba yiweyitara nezokupheka ukuze akhuthaze iindwendwe ukuba zibuze imibuzo. Ukwanayo nefoto kamakhulu wakhe, owabafundisa izithethe zentsapho, ekwifreyimu exhonywe edongeni. Uthi, “Sibalisa amabali akhe neeresipi zakhe. “Izimvo azithethi nje ngokutya kuphela, kodwa zithetha nangendlela entle esiye sanxibelela ngayo neqela.”

Icandelo lezinto eziphambili zombuki zindwendwe lento yakho enokubhukishwa linceda abantu bakuthembe xa uchaza umgangatho wezinto ezinokonwatyelwa onikezela ngazo. Faka iinkcukacha ezingakumbi ukuze uzahlule ngakumbi, uze uzilungise nanini na ufumana amawonga amatsha.

• Bhala intshayelelo yakho. Le nto ivela njengesihloko sakho ize ibonise indlela oyenza ngokwahlukileyo ngayo into.
• Chaza ubuchule onabo. Izinto ezikwenza ufaneleke, kuquka izidanga nezatifikethi, zibushwankathela kakuhle ubuchule bakho.
• Chaza amawonga akho. Iimbasa, amabhaso, nokuphuma emaphephandabeni zinceda ekuthetheleleni ubuchule bakho.

Ngokomzekelo, uJib, obuka iindwendwe kwiklasi yokupheka eBangkok, ubhala ukuba wayesakuba ngumbhali wekholamu yokutya. UTeresa, obuka iindwendwe kwiklasi yokungcamla iwayini eLisbon, ubhala ukuba uyiweyitara ibe unezatifiketi zokufundisa ngewayini. Kwaye uTommaso, obuka iindwendwe kuhambo lokubuka izinto zobugcisa eRoma, ubhala ukuba ungumntu osebenza ngezinto ezininzi zobugcisa oye wabonisa ngomsebenzi wakhe kwiindawo ezidumileyo ezifana neFondazione Pastificio Cerere.

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.