Tsala iindwendwe ngokuvavanywa kwesantya se-wifi okutsha

Iindwendwe ezininzi zithembele kwi-intanethi ekhawulezayo ukuze zibe nohambo olumnandi, ibe ibaluleke kakhulu kwiindwendwe ezisebenzela ekhaya. Phofu ke, uphando lwakwa-Airbnb lubonisa ukuba i-wifi yenye yezinto ezinokusetyenziswa iindwendwe eziyikhangela kakhulu, nokuba ukufaka indawo onokuhlala kuyo usebenzise ilaptop kwizinto ezinokusetyenziswa zendlu kunokunceda abanye Ababuki Zindwendwe benze ingeniso engakumbi.*

Isantya sibalulekile kwi-wifi, ukususela ekukwazini ukubukela iimuvi ukuya ekujoyineni ukufowuna kwabantu abaninzi ngexesha elinye ngaphandle kokuphazamiseka. Ngoku Ababuki Zindwendwe banokuqinisekisa isantya se-wifi yendlu yabo bengakhange baphume kwi-app ka-Airbnb ngokusebenzisa ukuvavanywa kwesantya se-wifi okutsha. Esi sixhobo sikuvumela ukuba usivavanye lula isantya se-wifi yendlu yakho, emva koko usiveze ngqo kwiphepha lendlu yakho—ize loo nto ikuncede utsale iindwendwe ezingakumbi ezikhangela iindawo ezineintanethi.

Ukuvavanywa kwesantya se-wifi kufumaneka ngoku kwi-app ka-Airbnb ye-iOS neAndroid. Ukuze uqalise, kuza kufuneka ube kwindawo yakho uze ukonekte kwi-wifi yendlu yakho.

Xa ulapho, landela la manyathelo:

1. Cofa indawo ethi Iprofayile uze ucofe ethi Tshintshela ekubukeni iindwendwe
2. Cofa indawo ethi Izindlu uze ucofe indlu oyifunayo
3. Kwindawo ethi Inkcazelo yendlu, yiya kwethi Izinto ezinokusetyenziswa
4. Yihla uye kwindawo ethi I-wifi uze ucofe ethi Faka iinkcukacha
5. Cofa indawo ethi Vavanya isantya se-wifi (kuza kufuneka uvumele ukubonakala kwendawo okuyo ukuba awukakuvumeli)
6. Cofa ethi Qalisa ukuvavanya
7. Emva kokuba iziphumo ziveziwe, cofa indawo ethi Gcina ukuze isantya se-wifi yakho sivele kwiphepha lendlu yakho
8. Ukuba isantya se-wifi yakho yi-50 Mbps nangaphezulu, indlu yakho iza kuphawulwa ukuba ine-wifi ekhawulezayo

Funda okungakumbi ngokuba ne-wifi yeendwendwe

Isantya seintanethi silinganiswa nge-megabits ngomzuzwana, ibe eli nani linokubonisa ukuba ikhawuleza kangakanani i-intanethi yakho. Nazi iintlobo zezantya ezahlukeneyo onokuzifumana kuvavanyo lwesantya se-wifi nento eziyithethayo:

• Akukho ziphumo: Ayikho i-wifi efumanekayo. Awuna-wifi okanye awukwazi ukukonekta. Zama ukucima uphinde ulayite i-router yakho okanye ume kwenye indawo kwindlu yakho.
  
• 1-6 Mbps: Isantya se-wifi siphantsi. Iindwendwe zingafunda imiyalezo kwaye zikhangele izinto kwi-intanethi.
  
• 7-24 Mbps: Isantya se-wifi esihle. Iindwendwe zinokubukela iividiyo zeHD kwi-intanethi.
  
• 25-49 Mbps: Isantya se-wifi siyakhawuleza. Iindwendwe zingabukela iividiyo ze-4K ezikumgangatho ophezulu kwi-intanethi zize zifowune ngevidiyo.
  
• 50+ Mbps: Itsho kuqala! Isantya se-wifi esikhawulezayo. Iindwendwe zinokubukela iividiyo ze-4K zize zifowune ngevidiyo kwizixhobo ezininzi. Siza kuphawula i-wifi ekhawulezayo kwindlu yakho.

Funda okungakumbi ngokuqinisekisa isantya se-wifi yakho

Xa ukuvavanya kugqityiwe zaza neziphumo zakho zagcinwa, isantya se-wifi yakho (sivezwa sizi-megabits ngomzuzwana) siza kuvela Kwizinto zakho ezinokusetyenziwa ecaleni kwendawo ethi I-wifi, ukuze iindwendwe zikwazi ukuqinisekisa isantya seintanethi yakho ngaphambi kokuba zibhukishe.

Ukuba isantya se-wifi yakho yi-50 Mbps nangaphezulu, uza kufumana into enokusetyenziswa entsha: kuza kuvela ethi “I-wifi ekhawulezayo” kwiphepha lendlu yakho.

Kuba i-wifi iyinto enokusetyenziswa ebaluleke kakhulu, kuyasivuyisa ukukunika isixhobo esinokukunceda ubonise iindwendwe isantya se-wifi yakho—uze wenze indlu yakho ibe nomtsalane ngakumbi kuAirbnb.

*Ngokusekelwe kwinkcazelo ka-Airbnb eye yabala ezona zinto zinokusetyenziswa zikhangelwe kakhulu ukususela nge-1 kaSeptemba 2020 ukuya kutsho kwi-1 kaSeptemba 2021.