Into efunekayo ukuze ubuke iindwendwe Kwizinto Ezinokonwatyelwa zika-Airbnb

Izinto Ezinokonwatyelwa zakwa-Airbnb zizinto ezinokonwatyelwa ezenziwe ngokutsha—ezikhokelwa ngabantu basekuhlaleni abasazi kakuhle isixeko sabo. Izinto ezenziwayo ziquka ukuya kwiindawo ezikhethekileyo, ukungcamla, izinto ezenziwa phandle, ii-workshop, nezinto ezingakumbi.

Izinto ezinokonwatyelwa ziyahlolwa ukuba zisemgangathweni na, ibe ababuki zindwendwe, ababuki zindwendwe abancedisayo, nezinto ezinokubhukishwa kulindeleke ukuba zifikelele imigangatho nezinto ezifunekayo. Nazi ezinye izinto ezibalulekileyo omele uzazi.

• Ukuqinisekiswa ukuba unguwe nyhani: Qinisekisa ukuba unguwe nyhani, uze upase ukujongwa kwezinto okhe wazenza nezinye izinto ezihlolwayo, ukuba loo nto iyafuneka.
• Ilayisensi nezatifiketi: Gcina iilayisensi, i-inshorensi nezatifikethi ezifanelekileyo ezinento yokwenza nento eyenziwayo. Nikezela ngobungqina xa bufuneka.
• Ulwazi: Qeqeshwa ngokusesikweni okanye ube nezinye izinto okhe wazenza ezifanelekileyo, njengemfundo, ukuqeqeshwa emsebenzini, okanye ilifa lentsapho. Sisenokuyiqinisekisa imfundo, imbali yengqesho, okanye amabhaso namawonga owafaka kwinto yakho enokonwatyelwa.
• Into eyenziwayo: Yenza into eyenziwayo ihambelane nenkcubeko, nokutya, nabantu basekuhlaleni. Into enokonwatyelwa ifanele ikhuthaze iindwendwe ukuba ziyingenelele zize zikwazi ukwazana.
• Indawo: Khetha indawo ekhuselekileyo, ecocekileyo, etofotofo, neyilungele yonke into enokonwatyelwa.

• Iifoto: Faka ubuncinane iifoto eziyi-5 ezikumgangatho ophezulu ezinemibala-bala. Faka zibe zininzi kangangoko zifuneka ukuze wenze izinto ezinokulindelwa zicace.
• Umxholo: Gxininisa kweyona nto eza kwenziwa. Qala isihloko sakho ngesenzi esichaza izinto eziza kwenziwa zindwendwe ebudeni bento enokonwatyelwa—njengokuthi “buka,” “fumanisa,” okanye “ngcamla.”
• Ingcaciso: Faka nezinye iinkcukacha eziza kuxhasa isihloko sakho ezigxininisa isizathu esinokwenza undwendwe lubhukishe into enokonwatyelwa, ubuntu bakho, nento eyenza le ndawo ikhetheke.
• Itikiti: Chaza izinto ezithile ezenziwayo kwinto enokonwatyelwa ukususela ekuqaleni ukuya kutsho ekugqibeleni, ukuze iindwendwe zenze isigqibo sokuba into enokonwatyelwa izilungele na. Quka ubuncinane into enye eyenziwayo.

Izinto ezinokonwatyelwa ezifakiweyo nezinto ezitshintshiweyo kwizinto ezinokubhukishwa ezivunyiweyo ziza kuhlolwa.

• Izinto ezibhukishiweyo: Zihoye izinto ezibhukishwe zindwendwe uze uphephe ukurhoxisa ngenxa yezizathu ezinokuphepheka.
• Ukuthumela imiyalezo: Qhakamshelana ngokukhawuleza neendwendwe ngaphambi kokuba kuqalise into yazo ebhukishiweyo.
• Ukhuseleko: Khetha indawo ekhuselekileyo, uze unike iindwendwe uqeqesho nezixhobo ezifanelekileyo zokuthintela ukwenzakala. Yiba neplani yokujongana neemeko ezingxamisekileyo.
• Imilinganiselo: Hlala ufumana imilinganiselo yeenkwenkwezi ephezulu kwiindwendwe.
• Into enokubhukishwa: Gcina iinkcukacha zento yakho enokubhukishwa zichanile, kuquka indawo ekuyo, ixesha lokuqalisa nelokuphela kwayo, nabo nabaphi na ababuki zindwendwe abancedisayo nezinto ezifunekayo kwiindwendwe, njengeminyaka yazo nenqanaba lobuchule elifanelekileyo lezinto ezinokwenziwa.

Inkqubo yokuhlola ukufaneleka iyaqhubeka. UAirbnb uhlola izimvo zeendwendwe, ukurhoxisa kombuki zindwendwe, neengxelo kwinkonzo yabathengi ngokhuseleko nomgangatho wezinto ezinokonwatyelwa.

Ukongezelela kwint echazwe ngasentla, kufuneka uthobele Imimiselo Yenkonzo ka-Airbnb Nemithetho Ebekiweyo Yombuki Zindwendwe Neepolisi Zokubuka Iindwendwe Ngokukhuselekileyo.

Ababuki zindwendwe abangayifikeleliyo imilinganiselo nezinto ezifunekayo basenokumiswa okwexeshana okanye iakhawunti yabo isenokususwa. Funda yonke imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.