Ukuseta indlela yakho yokubeka ixabiso

I-app yakwa-Airbnb yenza kube lula ukulawula amaxabiso neentsuku ofumaneka ngazo. Nantsi indlela yokusebenzisa izixhobo zakho zokubuka iindwendwe ukuze zikuncede ufumane izicelo zokubhukisha ezingakumbi uze ufikelele ingeniso ofuna ukuyifikelela.

Iindwendwe zikhangela Izinto Ezinokonwatyelwa zakwa-Airbnb ezilifaneleyo ixabiso lazo. Yenze umkhwa into yokuhlola kwakhona imali oyibizayo nokuba uzibuka kangakanani iindwendwe ukuze uhlale ukhuphisana kakuhle.

Ungalilungisa ixabiso lakho neesetingi zeentuku ofumaneka ngazo ngqo kwikhalenda yakho. Ungazilibali ezi zinto zibalulekileyo.

• Usuku lweveki: Cinga ngokubeka amaxabiso ahlukileyo ngeentsuku ezahlukeneyo. Ngokomzekelo, usenokufuna ukubiza imali encinci ngeentsuku ezingaxakekanga ukuze utsale abantu ukuba babhukishe.
• Ixesha losuku: Cinga ngawona maxesha afanelekileyo okutsala iindwendwe ezahlukeneyo uze ufake iintsuku ofumaneka ngazo. Ngokomzekelo, iintsuku eziphakathi evekini zinokuthandwa ngabantu basekuhlaleni abasebenza emini abafuna ukubaleka iimpela-veki ezixakekileyo.
• Izaphulelo zamaqela: Unganikezela ngamaxabiso anesaphulelo somntu ngamnye ukuze utsale amaqela amakhulu. Ngokomzekelo, unganikezela ngesaphulelo se-10% ebantwini abayi-2 ukuya kwabayi-3, isaphulelo se-20% ebantwini abayi-4 ukuya kwabayi-5, okanye isaphulelo se-30% ebantwini abangaphezu kwabayi-6.
• Iintsapho: Cinga ngokuvumela abantwana abangaphantsi kweminyaka eyi-12 ukuba bonwabele into enokubhukishwa simahla okanye ngexabiso eliphantsi.
• Izicelo zokubhukisha zomzuzu wokugqibela: Ukuba into enokonwatyelwa ayibhukishwanga yonke, zama ukutshintsha ixabiso lakho ukuze ugcwalise iindawo ezishiyekileyo.
• Inani labantu abakwiqela: Ungalungisa iindawo zakho ezivulekileyo ukuze uphephe ukuthengisa ngaphezulu kwenani leendawo ezifumanekayo ukuba unikezela ngento enokonwatyelwa yakho kwenye iwebhusayithi.

Amaxesha onyaka axakekileyo anokunceda ishishini lakho likhule. Cwangcisela ukufunwa kwezinto ezinokubhukishwa zindwendwe ngakumbi ngala macebiso amaxabiso.

• Faka izihlandlo: Yenza into enokonwatyelwa yakho ifumaneke ngakumbi xa imozulu, iiholide, namatheko amakhulu afana neekhonsathi, neminyhadala, namatheko ezemidlalo esiza neendwendwe ezingakumbi kwingingqi yakho.
• Lungisa inani leendwendwe: Cinga ngokwandisa inani lezihlalo nokutshintsha ixabiso ukuze utsale iindwendwe zomzuzu wokugqibela. Ungazitshintsha ezi zinto kwithebhu yakho ethi Namhlanje.

Amaxesha onyaka axakekileyo alithuba elihle lokulungisa into enokubhukishwa yakho ukuze ibe phambili xa kukhangelwa. Cinga ngokulungisa isihloko nengcaciso yakho ukuze ubalaselise ixesha lonyaka okanye ngokufaka iifoto ezintsha.

Nazi iindlela zokunceda into enokubhukishwa yakho ibe phambili ngamaxesha angaxakekanga kangako.

• Faka izaphulelo: Nezaphulelo ezincinane zinokuyiphucula indawo ekuyo into enokubhukishwa yakho xa kukhangelwa. Cinga ngokunikezela ngamaxabiso aphantsi ngesaphulelo sababhukishe kwangethuba neseqela elikhulu. Ukuba isaphulelo sakho singaphezulu kwe-10% yexabiso elipheleleyo, ixabiso lakho elinesaphulelo liza kuvezwa ecaleni kwexabiso lakho lokuqala, elihlatyiweyo, kwiziphumo zokukhangela nakwiphepha lento enokubhukishwa yakho.*
• Kulungele ukwamkela izicelo zomzuzu wokugqibela: Nciphisa ixesha lokuvalwa kokubhukisha ukuze iindwendwe zikwazi ukubhukisha kwangolo suku okanye ngosuku olungaphambi kwalo. Isiqingatha sazo zonke izinto ezibhukishiweyo sibhukishwa ngaphantsi kweveki enye ngaphambi kokuba iqale into enokonwatyelwa.** Iindwendwe ezifana nabantu basekuhlaleni nabakhenkethi abanezicwangciso ezibhetyebhetye zidla ngokubhukisha emva kwexesha eliqhelekileyo ngamaxesha ekungaxakekanga kangako.

*Kufuneka ubuncinane sibe yi$3 yeedola zaseMerika okanye sibe yimali yasekuhlaleni elingana naso yexabiso elipheleleyo

*Ngokusekelwe kwizinto ezinokonwatyelwa ezibhukishiweyo ukususela nge-13 kaMeyi 2025, ukuya nge-20 kaJulayi 2025, kwizixeko eziyi-30 emhlabeni wonke

Amaxabiso akho nezinye iisetingi zilawulwa nguwe ngalo lonke ixesha. Iziphumo zakho zinokwahluka.

Inkcazelo ekweli nqaku isenokuba itshintshile emva kokuba lipapashiwe.