Iindlela eziyi-3 zokutsala iindwendwe ezingakumbi

Ukuba bhetyebhetye ngakumbi kunceda into enokubhukishwa yakho ivele ngakumbi xa kukhangelwa. Tsala iindwendwe ezininzi kangangoko kunokwenzeka ngokwandisa ingingqi yakho yenkonzo uze ufake amaxabiso ahlukahlukeneyo neeyure zokushishina.

Qinisekisa ukuba ufaka onke amaxesha onokubuka ngawo iindwendwe. Xa ulungisa iintsuku ofumaneka ngazo, faka iiyure zokushishina uze ukhethe ixesha ofumaneka ngalo. Iindwendwe zinokufumana kuphela iinkonzo ezinezo zinto zombini.

Kwithebhu ethi Izinto ezinokubhukishwa:

• Seta iiyure zokushishina. Iiyure zakho zokushishina ngamaxesha iindwendwe ezinokubona ukuba ufumaneka ngawo zize zibhukishe inkonzo yakho. Ungafaka iiyure ezifanayo kwinto nganye onikezela ngayo okanye amaxesha ahlukeneyo kwinto nganye onikezela ngayo. Cinga ngamaxesha axakekileyo—ngokomzekelo, awona maxesha athandwayo asenokuba zintsasa ebantwini abajimisayo aze abe zingokuhlwa kubapheki abaphekela wena wedwa.
• Faka iintsuku ofumaneka ngazo. Khetha enoba iindwendwe zingabhukisha kwiinyanga eziyi-3, eziyi-6, eziyi-9, eziyi-12 okanye eziyi-24 kwangaphambili. Ungazitshintsha ezi nyanga kwinto nganye onikezela ngayo.

Kwikhalenda yakho:

• Lungisa iintsuku ofumaneka ngazo. Ungafaka iiyure ezingaphandle kweeyure zakho zokushishina eziqhelekileyo uze uvale amaxesha ongasebenziyo ngawo. Nawaphi na amaxesha avaliweyo asebenza kuzo zonke izinto onikezela ngazo.
• Dibanisa iikhalenda. Dibanisa iikhalenda zakho zika-Airbnb neeGoogle Calendar. Zonke izinto ezenzekayo ezikwikhalenda yakho iGoogle Calendar ziza kuvalwa loo maxesha kwikhalenda yakho ka-Airbnb.

Xa ugqibile, yihlole kwangaphambili into enokubhukishwa yakho ukuze uqinisekise iintsuku ofumaneka ngazo uze ubone izinto ngendlela indwendwe ezizibona ngazo.

Kuhle ukufaka ubuncinane amaxabiso ayi-3, elaxa kusaqalwa, eliqhelekileyo, neliphezulu lezinto onikezela ngazo ukuze uhlale ukhuphisana kakuhle uze utsale iindwendwe ezingakumbi. Amaxabiso awashiyashiyanayo asenokukhokelela kwingeniso engakumbi nakwizimvo ezingakumbi. Ngokomzekelo, iindwendwe zidla ngokufuna ukubhatala i$52 ukuya kwi$95 yeedola zaseMerika ngesidlo esizizidlo eziyi-3, i$54 ukuya kwi$96 yeedola zaseMerika ngezinto ezenziwa e-spa, okanye i$46 ukuya kwi-75 yeedola zaseMerika ngokufotelwa.*

• Quka isaphulelo saxa kusaqalwa. Iindwendwe zibona esona saphulelo sakho singabizi kakhulu kwiziphumo zokukhangela. Isaphulelo sakho sokuqalisa sinokunceda ekutsaleni iindwendwe ezintsha size senze ezinye izinto zakho zinike umdla.
• Nikezela ngezaphulelo ezikhethekileyo. Thumela izaphulelo ezikhethekileyo ngesicelo sokubhatalwa kwithebhu Yemiyalezo ngaphambi kokuba undwendwe lubhukishe. Ngokomzekelo, ukuba into onikezela ngayo kukujimiswa ngumntu, undwendwe lunokubuza ukuba ungakwazi ukujimisa ekuseni na okanye ukuya kwindawo engaphaya kwengingqi oyenzela kuyo inkonzo yakho.
• Tshintsha izinto ukuze zilungele wena. Ungathumela nexabiso elitshintshiweyo kwithebhu Yemiyalezo emva kokuba undwendwe lubhukishile. Ngokomzekelo, undwendwe lusenokufuna ukwenza into ekunikezelwa ngayo ilungele lona ngokufakela iiFrench tip kwiinzipho okanye isithako esithile ekutyeni kwalo.
• Faka elona xabiso liphantsi. Ukuba ugqibe kwelokuba ubize ixabiso londwendwe ngalunye, ungabeka elona xabiso liphantsi ngento nganye ebhukishwayo. Le nto inokuba luncedo kwiinkonzo eziqhele ukuba namaqela, njengokuphekelwa okanye kwizidlo eziredi. Ngokomzekelo, ukuba undwendwe lufuna ukubhukisha into ekunikezelwa ngayo ye$50 yeedola zaseMerika yeendwendwe eziyi-2 lize elona xabiso lakho lincinci libe liyi$120 yeedola zaseMerika, kuza kufuneka lubhatale i$120 yeedola zaseMerika ukuze lubhukishe.
• Nikezela ngezaphulelo. Ungafaka izaphulelo zexesha elilinganiselweyo, zababhukishe kwangethuba, nezeqela elikhulu ukuze zincede utsale iindwendwe ukuba zibhukishe. Xa ufaka isaphulelo, iindwendwe ziza kubona ixabiso lakho lokuqala livezwe lihlatyiwe xa kukhangelwa nakwinto enokubhukishwa yakho.

Phinda ujonge enoba uza kuya kwiindwendwe, iindwendwe ziza kuza kuwe, okanye ezo zinto zingenzeka zombini. Ukuba iindwendwe ziza kuwe, ungalibali ukuba ziza kukufumana kuphela xa zikhangela iinkonzo ezikufutshane nendawo okuyo.

Ukuba uyahamba uye kwiindwendwe:

• Cinga ngengingqi oyenzela kuyo inkonzo. Ukuze uvele kwiziphumo ezingakumbi zokukhangela, qiniseka ukuba ufake zonke izixeko, iingingqi ezikufutshane, okanye iikhowudi zeposi onokuzisebenzisa kwingingqi oyenzela kuyo inkonzo.
• Phawula naziphi na izinto ezibhetyebhetye. Kwingcaciso yento enokubhukishwa yakho, ungakhankanya iindawo okulungeleyo ukuya kuzo ngamaxesha athile, okanye iindawwo iindwendwe ezinokuqhakamshelana nawe ukuba azikho kwingingqi oyenzela kuyo inkonzo.

Ukuba iindwendwe ziza kuwe:

• Qinisekisa idilesi yakho. Iindwendwe ezijonga into enokubhukishwa yakho ziza kubona umgama nexesha lokuhamba ukuya kwindawo okuyo.
• Quka igama leshishini lakho. Le nto iza kunceda iindwendwe zikufumane xa zifika.
• Faka iifoto ezisemgangathweni. Enoba ubuka iindwendwe kwi-spa, kwijimu, esaluni, okanye kwenye indawo, iifoto zendawo okuyo zibonisa umgangatho wenkonzo yakho zize zincede iindwendwe zikufumane.

*Ngokusekelwe kuphando olukwi-intanethi lukaMatshi 2025 lweendwendwe zakwa-Airbnb ezingaphezu kweziyi-700 nabantu abanokubhukisha okokuqala eMerika.

Indlela umntu oyisebenzisayo avakalelwa ngayo isenokwahluka ngokweendawo. Inkcazelo ekweli nqaku isenokuba itshintshile emva kokuba lipapashiwe.