Kuza kwenzeka ntoni emva kokuba uyipapashile?

Siyavuyisana nawe! Indlu yakho ilungele ukupapashwa. Iindwendwe ziza kukwazi ukuyifumana into yakho enokubhukishwa epapashiweyo kwiziphumo zokukhangela zika-Airbnb zingekapheli iiyure eziyi-24.

Qinisekisa ukuba ukulungele ukubhukishwa ngokwenza ezi zinto zokugqibela kwikhalenda yakho nakwithebhu Yezinto ezinokubhukishwa.

Ikhalenda yakho iyavuleka ibe unokubhukishwa emva nje kokuba upapashile, ngoko qinisekisa ukuba ulungisa iintsuku ofumaneka ngazo ngoko nangoko. Vala naziphi na iintsuku ongenakwamkela ndwendwe ngazo. Khetha ukuba into yakho enokubhukishwa ifumaneka nini ukuya kutsho kwiminyaka eyi-2. Ungalungisa neesetingi ezifana nokuba iindwendwe zingabhukisha kwangaphambili kangakanani nexesha olidingayo phakathi kokungena nokuphuma kweendwendwe kwindawo ebhukishiweyo.

Imithetho yekhaya lakho yenza iindwendwe ziyazi into ezinokuyilindela ize izincede zigqibe ekubeni indawo yakho ilulungele na uhambo lwazo. Yenza imithetho yekhaya lakho ngokuseta elona nani lininzi leendwendwe kwinto yakho enokubhukishwa, ixesha ekufuneka kungabikho ngxolo ngalo, namaxesha okubhalisa xa kufikwa naxa kuphunywa.

Ungakhetha nakwimithetho yekhaya eqhelekileyo, enjengokuba uyazivumela na ezi zinto:

• Izilwanyana zasekhaya
• Amatheko
• Ukutshaya, ukutshaya ngombhobho, nee-e-cigarette
• Iividiyo neefoto ezenzelwa ukuthengisa

Cinga ngokuba ufuna ukuvumela ukuba iindwendwe zirhoxe zize zibuyiselwe yonke imali okanye inxalenye yayo kusasele ixesha elingakanani ngaphambi kokubhalisa xa kufikwa. Ungakhetha ukukhetha iipolisi zokurhoxa xa kubhukishwe iintsuku ezingaphantsi kweziyi-28 naxa kuza kuhlalwa ixesha elide elizintsuku eziyi-28 okanye ezingaphezulu ezilandelelanayo.

Ukukhetha ipolisi ekulungelayo kufuna ubuchule. Ufuna ukuzikhusela ekurhoxiseni ngoxa usaqhubeka utsala iindwendwe ezifuna ukuba bhetyebhetye njengoko ziceba uhambo. Ukukhetha ipolisi yokurhoxa ebhetyebhetye ngakumbi kusenokunyusa izicelo zakho zokubhukisha.

Sele ukhethe kuludwe olufutshane lwezinto ezinokusetyenziswa ezithandwayo xa ubufaka into yakho enokonwatyelwa. Emva kokuyipapasha, ungafaka ezinye izinto zakho ezinokusetyenziswa kuludwe lwethu olupheleleyo lwezinto eziphantse zibeyi-150 onokukhetha kuzo.

Iindwendwe ezininzi zisebenzisa izihluzi ukuze zikhangele iindawo ezinezinto ezithile ezinokusetyenziswa ezizifunayo. Ukugqibezela uludwe lwakho lwezinto ezinokusetyenziswa kunceda into yakho enokubhukishwa ibe phambili xa kukhangelwa ibe kwenza iindwendwe zazi into ezinokuyilindela.

Inkcazelo ekweli nqaku isenokuba itshintshile emva kokuba lipapashiwe.