Ukuqonda i-inshorensi yohambo neenkonzo zokunceda

Iimeko zongxamiseko nokuphazamiseka kohambo okungalindelekanga kuyenzeka. Yiloo nto uAirbnb eneinshorensi yohambo neenkonzo zokunceda.

Iindwendwe ezihlala eMerika nakumaphondo nemimandla ethile eKhanada zinokukhusela ukubhukisha kwazo kumngcipheko othile xa zibhukisha uhambo. Ukuba zirhoxisa ngenxa yesizathu esiqukiweyo kuyo, ziza kukwazi ukufaka ibango leinshorensi lokucela ukubuyiselwa imali yeendleko zokubhukisha indawo ka-Airbnb ezingabuyiswanga.

Le nto inokunciphisa amathuba okuba iindwendwe zicele ukubuyiselwa imali Kubabuki Zindwendwe engaqukwanga kwimimiselo yeepolisi zokurhoxa Zababuki Zindwendwe.

I-inshorensi yohambo neenkonzo zokunceda ziyafumaneka kwiindwendwe ezihlala eMerika okanye eKhanada, ngaphandle kwaseQuebec naseNunavut.

Iindwendwe kwezi ndawo nakwamanye amazwe afanelekayo zinokukhetha ukuthenga i-inshorensi yohambo kwa-Airbnb ngaphambi kokuqinisekisa nokubhatalela ukubhukisha. EMerika, iindwendwe zingafaka neinshorensi yohambo emva kokuba zibhukishile. Ngaphambi kokuba ziyithenge, iindwendwe zinokufunda iinkcukacha ezingokuba yintoni eyibhatalelayo nengayibhataleliyo.

Undwendwe lubhatala ipesenti ethile yeendleko zalo zokubhukisha ukuze lukhuseleke kuhambo. Iindleko zeinshorensi zalo ziquka imali emele ibhatalelwe iinkonzo zoncedo ezifana nokuthunyelwa kwabanye oogqirha, ukuncedwa ngohambo, nokusonjululwa kokwebiwa kwesazisi. 

Iindwendwe ezithenga i-inshorensi yohambo zifumana i-imeyile yokuqinisekisa eneenkcukacha zeinshorensi yazo nenkcazelo ngendlela yokufaka ibango. 

Ngokuxhomekeke kwindawo olukuyo undwendwe, le polisi ifumaneka kwaGenerali US Branch okanye kwaEurop Assistance S.A. Canada Branch. Zombini ziyinxalenye yeAssicurazioni Generali S.p.A., inkampani ehamba phambili yeinshorensi esemazweni amaninzi.

I-inshorensi yohambo yongeza ukukhuselwa kweendwendwe, kuquka ukubhatalela ukuya kutsho kuyo yonke imali yeendleko zokubhukisha engabuyiselwayo ukuba uhambo lwazo luchatshazelwe ziziganeko ezithile ezibhatalelwayo, ezisenokuquka imozulu embi okanye ukugula kakhulu.

Ngokomzekelo, ukuba Umbuki Zindwendwe ubuyisa i-50% yeendleko zokubhukisha kondwendwe phantsi kwepolisi yokurhoxa yoMbuki Zindwendwe, i-inshorensi yohambo inokubuyisela inxalenye okanye yonke i-50% eshiyekileyo xa undwendwe lurhoxa ngenxa yesizathu esibhatalelwayo. Inkampani yeinshorensi ayizukuzama ukufumana imali Kumbuki Zindwendwe ukuze ibhatale ibango londwendwe.

Izinto ezikhuselwayo nemimiselo iyahluka ngokweendawo. Unokufumana iinkcukacha ezingakumbi Kwiziko Loncedo:

• eMerika
• eKhanada

I-inshorensi yohambo neenkonzo zokunceda zahlukile kwiAirCover yeendwendwe, efumaneka qho xa kubhukishwa. I-AirCover ikhusela iindwendwe kwiingxaki ezingalindelekanga njengeengxaki ezifana nokungachani kwendlu okanye ukungakwazi ukubhalisa xa kufikwa.

Ebantwini abahlala eMerika: I-inshorensi yohambo ifumaneka kwa-Airbnb Insurance Agency LLC, 222 Broadway, Floor 26, New York, NY 10038 (Inombolo yelayisensi yaseKhalifoniya ngu-6001912), eyinkampani yeinshorensi esemthethweni kuwo onke amaphondo aseMerika nakwiNgingqi yaseColumbia, ibe i-inshorensi yohambo ifumaneka kwaGenerali US Branch (NAIC #11231) yaseNew York, eNY I-inshorensi neenkonzo zoncedo zichazwe ngendlela eqhelekileyo ibe ziphantsi kwemiqathango ethile zinezinto ezingabhatalelwayo.

Ebantwini abahlala eKhanada (ngaphandle kwaseQuebec naseNunavut): I-inshorensi yohambo ifumaneka kwa-Airbnb Canada Insurance Services Inc. ibe iphantsi kwe-Europ Assistance S.A. Canada Branch. I-Airbnb Canada Insurance Services Inc. yinkampani yeinshorensi enelayisensi ibe iofisi yayo ebhalisiweyo ise-1600-925 West Georgia Street, eVancouver, BC V6C 3L2, eKhanada. Izinto ezifumaneka kwi-inshorensi yohambo ziphantsi kwemimiselo nemiqathango ibe inazo nezinto ezithile engazibhataleliyo.

Inkcazelo ekweli nqaku isenokuba itshintshile emva kokuba lipapashiwe.