UAirbnb ubabhatalisa malini Ababuki Zindwendwe?
Izinto eziphambili
Ababuki Zindwendwe abaninzi babhatala imali ebhatalelwa ukusebenzisa uAirbnb eyi-3% yemali epheleleyo yokubhukishwa
Iindwendwe zidla ngokubhatala imali ebhatalelwa ukusebenzisa uAirbnb ephantse ibe yi-14% yemali epheleleyo yokubhukisha
Ezi mali zibhatalwayo zinceda uAirbnb akwazi ukuxhasa Ababuki Zindwendwe aze asebenze
Kubantu abaninzi, ukubuka iindwendwe yindlela yokwenza imali ngoxa udibana nabahambi abasuka emhlabeni wonke. Kodwa uAirbnb ubhatalisa malini, ibe le nto ibachaphazela njani Ababuki Zindwendwe neendwendwe?
Ukuqonda kakuhle ukuba yeyiphi imali ebhatalelwa ukusebenzisa uAirbnb nesizathu sokuba sinayo, ungaseta indlela yokubeka ixabiso eyenza kube lula kuwe nakwindawo yakho.
UAirbnb ubiza malini?
Ababuki Zindwendwe abaninzi babhatala imali engatshintshiyo ebhatalelwa ukusebenzisa uAirbnb eyi-3% yemali epheleleyo yokubhukishwa. Ixabiso elipheleleyo lixabiso lakho losuku kunye nayo nayiphi na enye imali oyibiza kwiindwendwe, njengemali yokucoca, kwaye ayiquki imali oyibhatalela ukusebenzisa uAirbnb neerhafu. Iindwendwe zidla ngokubhatala imali ebhatalelwa ukusebenzisa uAirbnb ephantse ibe yi-14% yemali epheleleyo yokubhukisha.
Ngoko, ukuba ubiza i$100 yeedola zaseMerika ngosuku xa kuza kuhlalwa iintsuku eziyi-3, ne$60 yeedola zaseMerika yemali yokucoca, imali epheleleyo yokubhukisha yi$360 yeedola zaseMerika. Imali ebhatalelwa ukusebenzisa uAirbnb Yombuki Zindwendwe edla ngokuba yi-3% yemali epheleleyo yokubhukishwa kwakho ($10.80 yeedola zaseMerika), itsalwa kwingeniso yakho, ibe imali ebhatalelwa ukusebenzisa uAirbnb eyi-14% ($50.40 yeedola zaseMerika) itsalwa kwiindwendwe ibe iqukiwe kwixabiso elipheleleyo ezilibhatalayo. Kulo mzekelo:
- Unokwenza imali eyi$349.20 yeedola zaseMerika
- Undwendwe lwakho luza kubhatala i$410.40 yeedola zaseMerika
Imali ebhatalelwa ukusebenzisa uAirbnb iyakhuphisana neyezinye iisayithi, ibe asibhatalisi ngokuhoya inkqubo yokubhatalwa. Le nto ivumela Ababuki Zindwendwe ukuba bafumane inxalenye eninzi yemali abayenzayo.
Kutheni uAirbnb ebiza imali ebhatalelwa ukusebenzisa uAirbnb?
Sithembele kule mali ibhatalelwa ukusebenzisa uAirbnb ukuze uAirbnb aqhube kakuhle aze abhatalele iindleko zeemveliso neenkonzo ezikunceda uhlalise abantu kwindawo yakho, eziquka:
- Ukuncedwa kwabathengi ubusuku nemini
- Ukuthengisa kwiindwendwe ngoGoogle, ngamajelo okuncokola, nangezinye
- Ukukhuselwa kwakho nendawo yakho
- Izinto eziluncedo zokufundisa Zababuki Zindwendwe
Bukela ividiyo yethu engasentla ukuze ufunde ngakumbi ngemali ebhatalelwa ukusebenzisa uAirbnb.
Iindwendwe ziyazazi ezi mali zimele zibhatalwe?
Ndingabona phi ukuba iindwendwe ziza kubhatalela ntoni?
Xa ukubhukisha kuqinisekisiwe, ukwahlulahlulwa kwexabiso kwiinkcukacha zakho zokubhukishwa Zombuki Zindwendwe neimeyile yakho yokuqinisekisa ukubhukisha ziza kuquka zonke iimali ezimele zibhatalwe ukuze kube lula ukufumana:
- Iimali ezimele zibhatalwe neerhafu eziqokelelwa nguAirbnb
- Naziphi imali onganyanzelekanga ukuba uzibize (njengemali yokucoca)
- Ixabiso elipheleleyo eliza kubhatalwa zindwendwe zakho
- Imali oza kuyifumana
Le nto ithetha ukuba soze kufuneke ube ukhangela ixabiso lakho elipheleleyo xa uphendula imibuzo yeendwendwe okanye utshintsha izinto ezithile. Xa usazi ukuba iindwendwe zakho zibhatala malini, kuba lula ukulawula indlela yakho yokubeka amaxabiso, ukubuyiselwa imali, ukurhoxa nezicelo zokubhukisha.
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Ababuki Zindwendwe abaninzi babhatala imali ebhatalelwa ukusebenzisa uAirbnb eyi-3% yemali epheleleyo yokubhukishwa
Iindwendwe zidla ngokubhatala imali ebhatalelwa ukusebenzisa uAirbnb ephantse ibe yi-14% yemali epheleleyo yokubhukisha
Ezi mali zibhatalwayo zinceda uAirbnb akwazi ukuxhasa Ababuki Zindwendwe aze asebenze