Amacebiso okwenza kube lula ukubuka iindwendwe ngeli xesha lonyaka lixakekileyo

Ibizwa ngokuba lixesha elixakekileyo ngenxa yesizathu: Ikhalenda egcwele zindwendwe ezilandelelanayo inokuxakekisa kakhulu. Zama la macebiso ukuze uqhubeke ubuka iindwendwe kakuhle ngamaxesha axakekileyo.

Ukulandela inkqubo efanayo emva kokuba qho iindwendwe ziphuma kunceda ukwazi uhoya iindwendwe eziza kufika emva nje kokuba ezinye ziphumile xa ubhukishwe amaxesha alandelalanayo. URobin oyiSuperhost eMount Barker, eOstreliya, ucebisa ukuba usebenzise uludwe lwezinto ekufuneka ube uyazenza, nokuba ucoca ngokwakho okanye uxhomekeke kwabanye abantu.

URobin uthi: “Into entle ngokusebenzisa uludwe lwezinto ekufuneka ube uyazenza kukuba lundinceda ndingaphazamiseki kuze kungabikho nto ndiyiphosayo.” “Kulula ukumka kwizinto ezibhaliweyo xa kukho iziphazamiso, ibe ukukhumbula zonke iinkcukacha ezincinci kwenza ukubuka iindwendwe kube ngcono kum nakwiindwenwe zam.”

Amacebiso angakumbi ngendlela yokuhoya iindwendwe ezingena ngokukhawuleza emva kokuphuma kwezinye:

• Yongeza amalaphu asetyenziswa endlini kabini okanye kathathu. Amashiti, iitawuli neefayidukhwe ezongezelelekileyo zinceda ukwazi ukulungisa ikamera, igumbi lokuhlambela nekhitshi ungakhange ukhawuleze uhlambe impahla. Uza kuba namalaphu amaninzi onokuwasebenzisa xa amanye enezibhaxu ezingasuki lula njenge-make-up okanye amafutha okutya.

• Sebenzisa i-cover ye-duvet nezinto zokukhusela imiqamelo nomatrasi. Yiba nazo zibe ninzi ezi izinto ukuze kube lula ukukhawuleza uzitshintshe xa kuphuma iindwendwe kungena ezinye.

• Bhalisela iinkonzo zokuziselwa endlini. Phinda wongeze izinto zokucoca, izinto zokuhlamba, ukutya okanye ezinye izinto osoloko uzidinga okanye ozinika iindwendwe ungakhange uye evenkileni.

• Yiba nelinye icebo elisebenzayo lokucoca, lokulungisa izinto nelokwenza igadi. Loo nto inceda izinto zihlale zisenziwa ngexesha nokuba wena nabantu osebenza nabo anikho. Ukuba uziva usehluleka, cinga ngokufaka Umntu Okuncedisayo.

Kufuneka ukuphuma kube lula kuwe nakwiindwendwe zakho. NgoMeyi, senze kwafumaneka izixhobo zokuphuma ezenzelwe ukunceda le nkqubo ibe lula kumntu wonke.

Ezi zinto zintsha ziquka imiyalezo ethunyelwa nge-app ngokuzenzekelayo nendlela yokuphuma ngokucofa nje kube kanye. UAirbnb uthumela ixesha nemiyalelo yakho yokuphuma kwiindwendwe ngo-5:00 emalanga ngokwexesha lasekuhlaleni ngosuku olungaphambi kokuphuma. Ezi zinto zithunyelwa kulo naluphi na undwendwe olusebenzisa i-app kwifowuni, oluyivulileyo imiyalezo ethunyelwa nge-app. Lunokucofa iqhosha ukuze lukwazise xa luphumile, uze ukwazi ukuqalisa ukulungiselela undwendwe olulandelayo.

UJoh oyiSuperhost eWorldville, eCalifornia, uthanda ukuthumela eyakhe imiyalezo ecwangcisiweyo ngexesha lokuphuma—ingakumbi ngexesha lonyaka elixakekileyo. Uthi, “Ndiye ndixelele iindwendwe ukuba umntu ococayo uza kufika ngo-11:00 kusasa ezokulungisa indlu, eyilungiselela iindwendwe ezilandelayo, ukuze ziqonde ukuba kutheni kubalulekile ukuba zihambe kwangexesha.”

Amacebiso angakumbi okonga ixesha ngezixhobo zokubhalisela ukuphuma:

• Seta imiyalelo ebalulekileyo yokuphuma. Unokwenza imiyalelo ngokukhawuleza ngokukhetha kuluhlu lwezinto ezintlanu ekuye kufuneke zenziwe ngokuqhelekileyo. Ungafaka iinkcukacha zento nganye. Ngokomzekelo, phantsi kwendawo ethi “Lahla inkunkuma,” ungacela iindwendwe zifake inkunkuma kumgqomo omnye zize komnye zifake izinto eziza kuphinda zisebenze.

• Faka izicelo ezikhethekileyo zekhaya lakho. Ukuba izinto zakho ezinokusetyenziswa zinento yokoja yangaphandle, ungacela iindwendwe ukuba ziphinde zifake into yokuyogquba xa zigqibile ukuyisebenzisa.

• Faka amakhadi okuphuma. Xa sele uyifakile imiyalelo ebalulekileyo yokuphuma, unokufaka ikhadi lokuphuma kumyalezo obekelwe ixesha okanye kwimpendulo ekhawulezayo ebasa kuyo. Yindlela entle yokuthumela izikhumbuzo kwiindwendwe ezingasebenzisi i-app yakwa-Airbnb evuliweyo kuyo imiyalezo ethunyelwa nge-app.

Inkcazelo ka-Airbnb yasemhlabeni wonke ibonisa ukuba ukukhangela izindlu ezineepuli zokuqubha bekunyuke nge-60% kwiinyanga ezintathu zokuqala zika-2023 xa kuthelekiswa nezo nyanga ngo-2022. Ezona Ndidi ezikuAirbnb ezibhukishwe kakhulu Zezingaselwandle, Iipuli Ezintle, Nezamaplanga.

Ukuhlaziya indlu yakho ukuze ibalaselise izinto ezinokusetyenziswa ngamaxesha athile onyaka kunokunceda iindwendwe ezifuna izinto onazo zifumane zize zibhukishe indawo yakho.

“Udadewethu ungumhombisi wezindlu, ibe uyayitshintsha-tshintsha indlu yethu ngokwamaxesha onyaka, esebenzisa izinto ezikwivenkile yethu yezipho.” “Nyaka ngamnye sifaka izinto ezinokusetyenziswa ezintsha—into enomtsalane ezokwenza iindwendwe ezazibhukishile ziphinde zibuye. Sifake i-gazebo, indawo yokubuka nendawo yeziselo ephezu kwamanzi.”

Amacebiso angakumbi okubalaselisa izinto ezinokusetyenziswa ngamaxesha athile onyaka:

• Faka iifoto ezihambelana namaxesha athile onyaka. Kwiinyanga ezifudumeleyo, bonisa abantu abanokuba zindwendwe zakho ipuli entle, into yokoja yangaphandle, i-hammock okanye indlela eya elwandle. Ngamaxesha abandayo, bonisa iifoto zendawo yomlilo, ibhafu yamanzi ashushu, okanye umzila osuka kwindawo yokutyibiliza oya kwii-lift.

• Hlaziya ingcaciso yendlu yakho. Uye wongeza izinto ezinokusetyenziswa kule ndlu kutshanje, njengoFred nodadewabo? Zichaze njengezinto ezintsha kwingcaciso yendlu yakho uze ufake iifoto.

• Lungisa iinkcukacha zendlu yakho. Hlola iisetingi zeakhawunti yakho, uqinisekise ukuba ukhethe uphawu olubonisa ukuba zikhona ecaleni kwazo zonke izinto ezinokusetyenziswa onazo ngoku. Faka iinkcukacha ezingakumbi nanini na ucelwa ukuba wenze loo nto.

Inkcazelo ekweli nqaku isenokuba itshintshile emva kokuba lipapashiwe.