Ukubeka ixabiso xa kuza kuhlalwa ixesha elide

Phantse usuku olunye kwezintlanu ezibhukishwa kuAirbnb ziyinxalenye yokubhukisha kweentsuku eziyi-28 nangaphezulu.* Ukwamkela iindwendwe eziza kuhlala iveki okanye inyanga kudla ngokukhokelela kwizinto ezincedayo ezifana nezi:

• Izinga eliphezulu lokubhukishwa nezihlandlo ezimbalwa zokungena ziphuma iindwendwe

• Ukwehla kwemiyalezo yeendwendwe nokufuneka ukuba uyihoye

• Ingeniso engatshintshatshintshiyo kunaxa kuza kuhlalwa ixesha elifutshane

Iindwendwe ezinomdla wokuhlala ixesha elide zidla ngokukhangela iindawo ezinezaphulelo. Ababuki zindwendwe banokufaka isaphulelo seveki xa kubhukishwe iintsuku ezisixhenxe okanye ngaphezulu, okanye isaphulelo senyanga xa kubhukishwe iintsuku eziyi-28 okanye ngaphezulu.

Ukufaka ezi zaphulelo kunokunceda kuphucule indawo evela kuyo indlu yakho kwiziphumo zokukhangela, apho isaphulelo sakho seveki okanye senyanga sibalaseliswa ecaleni kwexabiso lakho lokuqala.

Ngaphambi kokubeka isaphulelo, usenokufuna ukujonga ukuba ifunwa kangakanani indawo kwingingqi yakho. Ukuba ubuka iindwendwe kwindawo etsala abantu abaninzi ngexesha elithile lonyaka, cinga indlela ukutshintsha ixabiso lakho leenyanga ezithile okunokuyixhasa ngakumbi ngayo indlela ocebe ukubeka ngayo amaxabiso.

Usenokufuna nokucinga ngeendleko eziqhelekileyo ezifana:

• Ityala lendlu okanye irenti. Eli xabiso linokukunika ixabiso onokuqala ngalo ukuze usete isaphulelo sakho seveki okanye senyanga.

• Iindleko ezihlala zikho. Imali oyibhatala kwamasipala (amanzi, igesi, umbane), imali yemisebenzi eyenziwa qho ngexesha elithile njengokucoca nokwenziwa kwegadi, nezinto okhetha ukuzinika iindwendwe (isepha engakumbi, izinto zokupheka ezisisiseko, njl., njl.) inokufakwa kwixabiso lakho.

• Ukulungisa indlu. Imali oyityala kwindawo yakho ukuze wenze iindwendwe zihlale kamnandi ngakumbi, ukususela ekutshintsheni indlu yakho ukuya ekuyilungiseni, inokufakwa kwixabiso lakho.

UOliver, Umbuki Zindwendwe waseNew York City uthi, “Kuhle ukubala imali oyenzayo ngenyanga xa iindwendwe zibhatala ixabiso lakho losuku.” Emva koko ungalungisa isaphulelo sakho senyanga ukuze sihambiselane nesixa esipheleleyo, nto leyo eza kunceda uqiniseke ngakumbi ngengeniso oyenzayo.”

Ungafaka izaphulelo usebenzisa izixhobo zokubeka amaxabiso kwikhalenda yakho. Khetha uphawu lweesetingi ngasekunene phezulu. Kwithebhu Yamaxabiso, yiya kwindawo ethi Izaphulelo uze ukhethe indawo ethi Zeveki okanye Zenyanga.

Uza kufumana isaphulelo esicetyiswayo ngokusekelwe kwindlu yakho nakwindlela ezifunwa ngayo izindlu kwingingqi yakho. Hambisa islayida phakathi kuka-0 no-99% ukuze ulungise isaphulelo uze ubone indlela esitshintsha ngayo umyinge wexabiso lakho leveki okanye lenyanga. Ungafaka nangokwakho inombolo ecaleni kwesayini yepesenti. Xa ugqibile, cofa indawo ethi Gcina ukuze ubeke isaphulelo osifunayo.

Ukuze ubone indlela isaphulelo esiyichaphazela ngayo ingeniso yakho, khetha amagama athi “ixabiso londwendwe” ngaphantsi kwexabiso lakho leveki okanye lenyanga. Uza kubona indlela ixabiso elahlulahlulwe ngayo, ubone ixabiso losuku, iimali ezimele zibhatalwe, nazo naziphi na izaphulelo okanye izaphulelo ezikhoyo, iirhafu, nengeniso yakho.

Unako nokunikezela ngezaphulelo kwiindwendwe ezibhukisha kwangaphambili okanye ezibhukisha sele kushiyeke iintsuku ezimbalwa kwixesha ezifuna ukufika ngazo. Yiya kwicandelo elithi, “Izaphulelo ezingakumbi” kwithebhu Yamaxabiso. Faka inani leenyanga zababhukishe kwangethuba okanye leentsuku zabahambi abafika ngomzuzu wokugqibela nepesenti yesaphulelo ongathanda ukusifaka koko kubhukisha.

*Ngokusekelwe kwinkcazelo ka-Airbnb yasemhlabeni wonke, iintsuku eziyi-28 nangaphezulu ebezibhukishwe zibe yi-21% yeentsuku ebezibhukishwe ngo-2022 ne-18% yeentsuku ebezibhukishwe kwiinyanga ezintathu zokuqala zika-2023.

Inkcazelo ekweli nqaku isenokuba itshintshile emva kokuba lipapashiwe.