Ukunikezela ngeenkcukacha ezimbalwa ezingakumbi

Usenokuzibuza ukuba kutheni ucelwa ukuba ufake iinkcukacha ezithile zobuqu njengoko usenza into yakho enokubhukishwa. Kusinceda sithobele into efunwa ngumthetho ekuthiwa yiKnow Your Customer (KYC).

I-KYC yinto efunwa ngumthetho ukuze kukhuselwe intsapho yakwa-Airbnb kubuqhetseba, nokunceda ekuthinteleni ukunyebeleziswa kwemali ngokungekho mthethweni nokuxhaswa kwabagrogrisi ngemali. Iinkampani ezinelayisensi yokubhatala, njengeenkampani zika-Airbnb ezixhasa ukubhatala, zimele zibe neenkqubo zeKYC. Ngamanye amazwi, kufuneka sazi ukuba ngubani ongena kwiakhawunti nganye ka-Airbnb nokuba kubhatalwa bani.

Kuza kufuneka unikezele ngezi nkcukacha ziyi-4 ngaphambi kokuba upapashe into yakho enokubhukishwa.

• Igama elisemthethweni: Eli gama ubusinike xa ubuvula iakhawunti yakho ka-Airbnb.
• Umhla wokuzalwa: Lo mhla ubusinike xa ubuvula iakhawunti yakho ka-Airbnb.
• Idilesi yendawo ohlala kuyo: Nikezela ngedilesi yakho yangoku. Ukuba yahlukile kwidilesi yento yakho enokubhukishwa, iindwendwe azizukuyibona. Iindwendwe zibona kuphela idilesi yento yakho enokubhukishwa emva kokuba into eziyibhukishileyo iqinisekisiwe.
• Ngaba ungumbuki zindwendwe olishishini? Le nto idla ngokuthetha ukuba ishishini lakho libhalisiwe kwiphondo okanye kurhulumente wendawo yakho. Ukuba ungumbuki zindwendwe e-EU, ukubuka iindwendwe njengeshishini kuthetha ukuba yeyona ndlela iphambili owenza ngayo imali okanye usebenzela inkampani, efana nehotele okanye nenkampani elawula izindlu.

Inkcazelo yakho isetyenziswa Ngokwepolisi yethu Engezinto Eziyimfihlo.

Le nkcazelo yeKYC iyafuneka ukuze ubhatalwe. Awuzokwazi ukupapasha into enokubhukishwa kwa-Airbnb ude ufake ezi nkcukacha.

Sisenokucela inkcazelo engakumbi ngokuxhomekeka kwindawo ohlala kuyo, njengobungqina begama lakho elisemthethweni nomhla wokuzalwa okwisazisi esisemthethweni.

Ukuba ubuka iindwendwe njengeshishini, siza kucela iinkcukacha zeshishini lakho emva kokuba uyipapashile into yakho enokubhukishwa. Ezi nkcukacha zisenokuquka isazisi sakho serhafu seshishini, iinkcukacha zokubhalisa, nenkcazelo ngabanikazi balo.

Inkcazelo ekweli nqaku isenokuba itshintshile emva kokuba lipapashiwe.