Izixhobo ezintsha zokubuka iindwendwe zokunceda ukhulise ishishini lakho

Siye sayenza ngokutsha le app ukuze iquke yonke into oyidingayo ukuze ulawule indawo yakho. Ngoku kulula ukulandelela izinto ezibhukishiweyo nokulungisa iintsuku ofumaneka ngazo namaxabiso akho.

Uza kuzifumana zonke izixhobo zilungelelaniswe zazezi thebhu eziyi-5 xa ungene kwiakhawunti yakho njengombuki zindwendwe.

Ithebhu entsha ethi Namhlanje yiyo oyibonayo xa uvula i-app. Ungazijonga nje iinkcukacha zento ebhukishiweyo ukuze ucebe usuku lwakho uze ubuke iindwendwe ngendlela esemagqabini.

• Tshintsha phakathi kokubona izinto ezibhukishiweyo ezikhoyo nezizayo ukuze wazi ukuba ngubani oza kuba ngumbuki zindwendwe wakhe nokuba uza kumamkela nini.
• Zibhalele amanqaku ngezinto ezibhukishiweyo, njengezikhumbuzo ngezihlandlo ezikhethekileyo okanye ngezicelo.
• Fumana amacebiso ngezinto omele uzenze ngento nganye ebhukishiweyo, njengokubuza iindwendwe ukuba izinto zihamba njani okanye ezinjengokufunda uluvo.

Ikhalenda eyenziwe ngokutsha yenza kube lula ukuhlola nokutshintsha iintsuku ofumaneka ngazo namaxabiso akho.

• Vula iintsuku ezingakumbi ukuze iindwendwe zikwazi ukubhukisha uze uvale iintsuku ongazokwazi ukubuka iindwendwe ngazo.
• Lungisa iintsuku ofumaneka ngazo neesetingi zamaxabiso, njengenani elimbalwa leentsuku ezinokuhlalwa nezaphulelo, ngqo kwikhalenda yakho.
• Jonga amacebiso amaxabiso osuku amatsha, angamacebiso alungiselelwe wena ngokusekelwe kwizinto ezifana nendawo ekuyo into yakho enokubhukishwa nezinto ezinokusetyenziswa, izinto zakho ebezibhukishwe kwixesha elidlulileyo, namaxabiso akutshanje kwingingqi yakho.

Ithebhu Yezinto ezinokubhukishwa ineendlela ezingakumbi zokulawula iinkcukacha zento yakho enokubhukishwa. Sebenzisa ezi zixhobo ukuze unike iindwendwe owona mfanekiso uchanileyo nopheleleyo ngendawo yakho.

• Lungisa into yakho enokubhukishwa, kuquka ukufaka iifoto ezikumgangatho ophezulu ukuze utsale umdla nesikhokelo sokufika esineenkcukacha.
• Faka zonke izinto ezinokusetyenziswa onazo, kuquka nezinto ezinceda ilungele wonke umntu, ukuze utsale abantu abanokubhukisha.
• Yihlole into yakho enokubhukishwa ukuze ubone indlela ebonakala ngayo kwiindwendwe.

Ithebhu ethi Imiyalezo ikunceda uqhakamshelane neendwendwe ngaphambi, ebudeni nasemva kokuba ziye zahlala.

• Sebenzisa iimpendulo ezikhawulezayo ezintsha ukuze ulungiselele iimpendulo zemibuzo edla ngokubuzwa uze ucwangcise imiyalezo eza kuthunyelwa ngamaxesha abalulekileyo.
• Thumela iifoto ukuze uzazise uze ubalaselise iinkcukacha ezibalulekileyo.
• Bona izicelo zokubhukisha ezivezwa ngokugqamileyo, kuquka iinkcukacha ezifana neentsuku zohambo nenani leendwendwe.

Imenyu ikwenza ukwazi ukubona inkcazelo yengeniso yakho, iinkcukacha, neyezinye iisetingi. Uza kufumana amacebiso alungiselelwe wena nezinye izinto eziluncedo ezingakumbi zokukunceda ukhulise ishishini lakho lokubuka iindwendwe.

• Jonga ingeniso yakho uze wenze iingxelo ezikhethekileyo kwideshibhodi yengeniso.
• Jonga imilinganiselo nezimvo zeendwendwe kwicandelo lenkcazelo.
• Lawula iisetingi zeakhawunti yakho uze ufumane izinto eziluncedo zokubuka iindwendwe.

Zifumane kuqala ngoku ukuze uqalise ukusebenzisa izixhobo zakho ezintsha zokubuka iindwendwe.

Inkcazelo ekweli nqaku isenokuba itshintshile emva kokuba lipapashiwe.