Izinto ekufuneka uzazi ngokwamkela iindwendwe ezizintsapho

Ngenxa yokuba zivaliwe kumhlaba wonke iiofisi ezininzi, izikolo neendawo zokugcina abantwana, abazali banokukhetha ukuba bahlala baze basebenze phi. Abaninzi kubo banomdla wokuthatha uhambo qho—kuquka ukuhlalisa iintsapho zabo kwenye indawo okwexeshana—kwiindawo ezivulekileyo nokwaziyo ukuba phandle kuzo.

Nangona ukuvumela abantwana kusenokungakhuseleki kwezinye iindawo, nantsi into ekufuneka uyazi ukuba ukulungele ukubamkela kwindawo yakho.

Ukuba awuqinisekanga ngokwamkela iindwendwe ezinabantwana kwindawo yakho, kukho izinto ezininzi onokuzenza ukuze uzive ukhululekile.

Zichaze kwangaphambili izinto ezifumanekayo—nezingafumanekiyo—kwindawo yakho.

Nceda abazali bapakishe izinto abaza kuzidinga ngokuchaza zonke izinto ezinokusetyenziswa ezilungele usapho osele unazo. Incwadi yakho ebonisa iindawo inokuquka namacebiso ngendawo ekuthathwa kuyo izinto okanye kugcwaliswe eziphelileyo.

Ukukunceda utshintshele ekwamkeleni iintsapho, nantsi indlela yokulungisa indawo yakho njengoko ixesha lihamba:

• Khetha ifenitshala eqinileyo nekhuselekileyo. Ukuba kunokwenzeka, mayingabikho eyeglasi
• Yenza ukucoca kube lula ngokuba kungabikho izinto ezininzi nezinto zokuhombisa ezingeyomfuneko
• Susa izinto ezophukayo nezibukhali ukuze abantwana bangafikeleli kuzo
• Ukuze kungophuki' zitya, ikhitshi lakho malibe neekomityi neepleyiti zeplastiki ezinokuhlanjwa zize ziphinde zisetyenziswe
• Cinga ngokufaka iiletshi kwiikhabhathi uze uzigqume iindawo ezinombane
• Khetha amalaphu ahlala ixesha elide, ekulula ukuwacoca, njengamalaphu asetyenziswa kwimiqamelo yangaphandle
• Gquma imigangatho yeplanga ngemethi ehlanjwayo

Qinisekisa kusengaphambili ukuba kukhuselekile ukuze ukhusele iindwendwe zakho nendawo yakho.

• Nceda wonke umntu angabi naxhala ngokufaka ialam yomsi neyomoya otyhefayo nento yokucima umlilo kufuphi nestovu ekhitshini
• Ungalibali ukujonga ezi zinto ezinokusetyenziswa kwindlu yakho, kwaye ungalibali nokutshintsha iibhetri qho
• Quka iinombolo zeenkonzo zongxamiseko zasekuhlaleni kwincwadi yakho exela ngendlu nakwikhadi elinokusetyenziswa zindwendwe

Cinga ngokubiza imali yokucoca.
Ababuki Zindwendwe abaninzi baquka imali yokucoca ukuze babhatale iindleko zezinto zokucoca okanye zokuqesha umntu ococayo. Nazi izinto ezingakumbi ngendlela yokubiza imali yokucoca ukuba uwukabi nayo.

Yazi into omele uyenze ukuba kukho ingxaki.
Nokuba uzilungiselele kangakanani, iingozi zisenokwenzeka—kodwa zikhona iindlela ezimbalwa ezinokukunceda uzikhusele xa ubuka iindwendwe kuAirbnb.

• Cela imali Kwiziko Lezemali: UngayaKwiziko Lezemali ngenxa yezinto ezilahlekileyo okanye ezonakeleyo, iinkonzo ezongezelelekileyo, okanye ezinye iingxaki ezinento yokwenza nohambo—njengokulahlekelwa sisitshixo sendlu. Ungathumela nemali kundwendwe ukuze uluncede kwiingxaki ezifana nokuba indawo yakho ibingekagqitywa ukulungiswa xa belufika.
• Yazi iAirCover Yababuki Zindwendwe: I-AirCover Yababuki Zindwendwe iquka I-inshorensi yomonakalo yombuki zindwendwe neinshorensi yomonakalo kumntu obebhukishile. Isoloko iqukiwe ibe isoloko isimahla.
  

Ukuba unomdla wokutsala abahambi abaneentsapho, izinto ezicingwe kakuhle zinokukunceda ube Ngumbuki Zindwendwe ofanelekileyo. Ukuze bazive bamkelekile, lungela ukubanika izinto eziqhele ukucelwa, njengeetawuli ezongezelelekileyo namashiti. Kuyanceda nokuba namaphepha angasese nezinto zokupheka ezifana netyuwa, ipepa emnyama nezinye izinto zokupheka ezibalulekileyo. 

Fumana amacebiso angakumbi Kumbuki Zindwendwe uElsie waseNashville, eTennessee, ochaza indlela ayenza ngayo indawo ilungele intsapho:

Icebiso: Soze zibe ninzi kakhulu izinto zokucoca—ingakumbi amaphepha okosula izandla, amalaphu okosula anokubulala iintsholongwane nento yokususa amabala—okanye ukulungele kakhulu ukuba iindwendwe zihlale ixesha elide kunokuba bekulindelwe.

Emva kokuba wenze ezi zinto zokwenza indawo yakho ilungele iintsapho, lixesha lokuba ubonise ngendawo yakho ngokuhlaziya iinkcukacha zendlu yakho nokuhlaziya izinto zakho ezinokusetyenziswa.

• Ukuba nesihloko sendlu esisexesheni nengcaciso kungakunceda utsale abahambi abakufaneleyo—uze ucacise izinto ezilindelekileyo
• Iindwendwe eziza kuhamba nabantwana zingasebenzisa izihluzi zokukhangela ukuze zinciphise izinto ezinokukhetha kuzo, ngoko kuza kufuneka ungalibali ukuhlaziya izinto ezinokusetyenziswa kwindawo yakho. (Ukuba unendlu engaphezu kwenye, ungalungisa izinto zakho ezinokusetyenziswa kuzo zonke iindawo zakho kwiphepha Lezindlu.) Ibhedi yosana nesitulo sokulutyisela zizinto ezinokusetyenziswa ezifunekayo kwiindwendwe ezineentsana.
• Faka izinto ezinokusetyenziswa ezifana nomatshini okhupha umoya obandayo okanye oshushu, umatshini wokuhlamba nowokomisa iimpahla nekhitshi ukuba indawo yakho inazo
• Ukuba unomatshini wokuhlamba impahla, chaza ukuba ikhona na isepha yokuhlamba impahla nokuba ikhona na imali eyongezelelekileyo ebhatalwayo
• Iibhafu zenza kube lula ukuhlamba abantwana—qinisekisa ukuba uyatsho ukuba unebhafu kwindlu yakho uze ufake ifoto kwigalari yeefoto zakho
• Phinda ukhangele ukuba iifoto zakho zinayo yonke into oyichazileyo. Khangela iklasi yethu efundisa ngokweenkcukacha indlela yokufota ukuze ufunde indlela yokwenza zibe phambili zonke izinto ezifunwa ngabahambi ngoku.

Ngoxa ukulungisa indawo yakho ukuze ikulungele ukwamkela iintsapho ezinabantwana kusenokuba ngumsebenzi, ukufaka ezi zinto zinokusetyenziswa zicingwe kakuhle yenye yezona ndlela zokuvuyisa zonke iindwendwe zakho.

I-AirCover Yababuki Zindwendwe I-inshorensi yomonakalo yombuki zindwendwe, I-inshorensi yomonakalo kumntu obebhukishile, kunye neInshorensi yomonakalo kumntu okwizinto ezinokonwatyelwa azisebenzi Kubabuki Zindwendwe abaneendwawo zokuhlala okanye izinto ezinokonwatyelwa eJapan, apho kusebenza I-inshorensi Yababuki Zindwendwe yaseJapan kunye neInshorensi Yezinto Ezinokonwatyelwa yaseJapan, okanye Kubabuki Zindwendwe abaneendawo ezisebenza ngoAirbnb Travel LLC. Kubabuki Zindwendwe abaneendawo zokuhlala okanye izinto ezinokonwatyelwa kwimimandla yaseTshayina, kusebenza i-Inshorensi Yokukhusela Ababuki Zindwendwe baseTshayina. Ukhumbule ukuba zonke iimali zezinto ezikhuselwayo zichazwe ngokweedola zaseMerika.

I-inshorensi yomonakalo kumntu obebhukishile Neinshorensi yomonakalo yomntu okwizinto ezinokonwatyelwa zibhatalelwa yenye inkampani yeinshorensi. Ukuba ubuka iindwendwe eUK, Ipolisi yeinshorensi yomonakalo kumntu obebhukishile Nepolisi yeinshorensi yomonakalo yomntu okwinto enokonwatyelwa ibhatalelwa yiZurich Insurance Company Ltd. ibe ilungiswe yaza yenziwa yasebenza ngaphandle kokuba babhataliswe imali eyongezelelekileyo Ababuki Zindwendwe baseUK nguAirbnb UK Services Limited, ummeli omiselweyo weAon UK Limited, ogunyaziswe nolawulwa yiFinancial Conduct Authority. Inombolo yokubhalisa yeFCA ka-Aon ngu-310451. Ungayijonga le nto kwiFinancial Services Register ngokuya kwiwebhusayithi yeFCA okanye ngokuqhakamshelana neFCA ku-0800 111 6768. Iipolisi zomonakalo kumntu obebhukishile Neepolisi zomonakalo zomntu okwizinto ezinokonwatyelwa ezikwiAirCover Yababuki Zindwendwe zilawulwa yiFinancial Conduct Authority. Iimveliso neenkonzo ezishiyekileyo azizizo iimveliso ezilungiselelwe yiAirbnb UK Services Limited. FPAFF610LC 

I-inshorensi yomonakalo yombuki zindwendwe ayiyoinshorensi ibe ayinanto yakwenza neInshorensi yomonakalo kumntu obebhukishile. Phantsi kweInshorensi yomonakalo yombuki zindwendwe, uza kubuyiselwa imali ngomonakalo othile owenziwe zindwendwe kwindlu yakho nakwizinto zakho ukuba undwendwe aluwubhataleli loo monakalo. Kwizindlu eziseWashington State, izinto ezifuneka kuAirbnb phantsi kweinshorensi yomonakalo Yombuki Zindwendwe zibhatalelwa yipolisi yeinshorensi ethengwe nguAirbnb. Kubabuki Zindwendwe abahlala okanye abanendawo yokuhlala engaphandle kwaseOstreliya, kusebenza le Mimiselo Yeinshorensi Yomonakalo Yombuki Zindwendwe. Kubabuki Zindwendwe abahlala okanye abanendawo yokuhlala eseOstreliya, I-inshorensi Yomonakalo Yombuki Zindwendwe ixhomekeke Kwimimiselo Yeinshorensi Yomonakalo Yombuki Zindwendwe Yabantu Abayisebenzisayo baseOstreliya

Inkcazelo ekweli nqaku isenokuba itshintshile emva kokuba lipapashiwe.