Ukwazisa ngethebhu ethi Namhlanje, indawo yakho yokubuka iindwendwe

Njengoko ikhalenda yakho igcwala, zisenokwanda nezinto ekufuneka uzenze zokubuka iindwendwe. Ithebhu ethi Namhlanje—isikrini sokuqala esivelayo xa utshintshela ekubukeni iindwendwe kwi-app ka-Airbnb—yenzelwe ukukunceda wonge ixesha kwizinto ozenza yonke imihla.

Kwithebhu ethi Namhlanje, ungalawula izicelo zokubhukisha okanye ukubhukisha okukhoyo uze uzifikelele lula izinto ezingakumbi zokukunceda wenze izinto. Unokufumana nezinye izinto eziluncedo, kuquka iindaba zakutshanje namacebiso avela kuAirbnb.

Nokuba usebenzisa ithebhu ethi Namhlanje efowunini okanye kwikhompyutha, esi sikrini sibonisa inkcazelo oyidingayo efanayo ukuze uhlale ukulungele ukwenza izinto ozenzayo xa ubuka iindwendwe. Apha uza kufumana:

• Imiyalezo enexesha ekufuneka ibe sele ihoywe ngalo, efana nezicelo zokubhukisha ezikhoyo okanye izinto omele uzenze

• Ukubhukisha kweendwendwe, okubini okukhoyo nokusezayo

• Amanyathelo alandelayo, kuquka izinto ezikhethekileyo onokuzenza ukuze wenze indlu yakho ibangele umdla uze wenze izinto ezenzekayo ezingokubhukisha zikusebenzele kakuhle

• Amacebiso nenkcazelo entsha engokubuka iindwendwe evela kuAirbnb ngezinto ezintsha nezixhobo, amatheko akhethekileyo nezinto ezitshintshiweyo kwiipolisi ezinokukuchaphazela

Ukuziphendula iindwendwe kubalulekile ukuze umntu aphumelele ekubukeni iindwendwe, yiloo nto Ababuki Zindwendwe abaninzi bephendula nokuba baphi besebenzisa ii-smartphone zabo. Kuzo zonke iintlobo ze-app yefowuni, ithebhu ethi Namhlanje ikuvezela yonke inkcazelo ebalulekileyo ngokucofa nje indawo enye.

Ezantsi kwisikrini sakho, uza kufumana amaqhosha ezi zinto:

• Ithebhu ethi Namhlanje, ekubuyisela ngokukhawuleza phezulu kwisikrini

• Imiyalezo, apho unokufunda, uthumele, uze ucwangcise imiyalezo—okanye uqhakamshelane nathi ukuze sikuncede

• Ikhalenda, onokuyisebenzisela ukugcina iisetingi zakho zamaxabiso kuquka iisetingi zeentsuku ofumaneka ngazo zisexesheni, ingakumbi xa uvule Uvel 'Ubhukishe

• Inkcazelo, equka iinkcukacha zendlela oqhuba ngayo, izinto ezenzekayo ezingokubhukisha namathuba okwenza imali engakumbi

• Imenyu, onokuyisebenzisa ukuze uye kwindlu yakho ngokungqalileyo uze ufumane iilinki zezinto eziluncedo zokubuka iindwendwe, iiforamu zentsapho yethu nokungakumbi

Ithebhu ethi Namhlanje ifana twatse kwiwebhusayithi nakwiapp, ngaphandle kweyaBabuki Zindwendwe abanezindlu ezingaphezu kwenye. Ukuba unezindlu eziliqela, ungafumana izixhobo zethu zamashishini okubuka iindwendwe kwiqhosha leMenyu kwiwebhusayithi kuphela. Ezi zinto ziquka ingxelo yakho yemali engenayo nephumayo nenkcazelo yamanani efana neyengeniso.

Nokuba uxakeke kangakanani na, unokuyithemba ithebhu ethi Namhlanje ukuba iza kukunceda uhoye izinto ezibalulekileyo zokubuka kwakho iindwendwe.

Inkcazelo ekweli nqaku isenokuba itshintshile emva kokuba lipapashiwe.