Indlela yokubhala ingcaciso entle

Ingcaciso enika umdla yenye yezona ndlela zintle zokutsala iindwendwe nokucacisa izinto ezinokulindelwa ngendawo yakho.

Ukuze uqalise, khetha ukuya kutsho kwizinto eziphambili eziyi-2 ezikhoyo. Siza kuzisebenzisa ukuze sicebise ngento onokuyibhala ekuqaleni ukuze ukhuthazeke. Sicebisa ukuba uyitshintshe into esikucebise ukuba uqale ubhale yona uyibeke ngamazwi akho uze ufake ezinye iinkcukacha ezibalulekileyo ngendawo yakho.

Zama la macebiso ukuze ubhale ingcaciso yakho:

• Bonisa izinto ezikhethekileyo. Chaza into eyenza indawo yakho yahluke kwezinye. Ngokomzekelo, ikhitshi linazo zonke izinto? “Yenza isibhadlalala sesidlo kwikhitshi elikhulu elinento yonke.”
• Chaza kakuhle. Faka inkcazelo esebenzisekayo enokunceda iindwendwe zicebe kwangaphambili. Ngokomzekelo, ngaba iifowuni azisebenzi kakuhle kule ndawo isezilalini? “Kusemaphandleni, ngoko printa imiyalelo yethu yendlela yokufika ngaphambi kokuba uhambe.”
• Balisa ibali ngendawo yakho. Nceda iindwendwe zibe nombono wokuba kunjani ukuhlala apho. Ngokomzekelo, ngaba uye wabuyisela ibhafu yakudala? “Libala ngeengxaki zakho ngokuhlamba kwibhafu eneenyawo yakudala.”

Ungayilungisa ingcaciso yakho kangangoko ufuna. Ababuki zindwendwe abaninzi baye bayiphucule eyabo njengoko ixesha lihamba.