Indlela yokubhala isihloko esibangela umdla

Isihloko sakho lithuba lokutsalela umdla kwizinto ezintle ngendawo yakho. Izihloko ezifutshane zezona zisebenza kakuhle, ibe akunyanzelekanga ukuba usebenzise zonke iikharekha eziyi-50 ezifumanekayo.

Nantsi imizekelo eyi-3 yezihloko onokukhuthazwa zizo:

• Ukuzikhupha ngaselwandle kukho nee-kayak
• Igumbi londwendwe elihonjiswe ngesitayile seVictorian
• Isitudiyo esenziwe ngendlela engayonakalisiyo indalo esingaseLAX

Ukuze ubhale esakho, cinga ngento eyenza indawo yakho ibe nomtsalane ibe yahluke. Ungazami ukuthetha yonke into—vela nje umeme iindwendwe ukuba zifunde okungakumbi.

Zama la macebiso ukuze ubhale isihloko esibangela umdla:

• Bhala amagama ambalwa achaza indawo yakho ngokuthe ngqo, njengokuthi “ithule,” “iyakhanya,” nethi “ikumzantsi wedolophu.”
• Phawula izinto ezinokwenza iindwendwe zibe nomdla, njengokuba kufuphi nendawo ebangela umdla.
• Ungazifaki iinkcukacha ezisele zibonakala kwiziphumo zokukhangela, njengesixeko okanye idolophu nenani elipheleleyo leebhedi.
• Sebenzisa unobumba omkhulu kwigama lokuqala kuphela kwisihloko sakho nakumagama ezinto.
• Ziphephe ii-emoji, iisimboli, neekharekha ezikhethekileyo.

Ungasitshintsha nanini na isihloko sakho. Ngapha koko, ababuki zindwendwe abaninzi bayazitshintsha izihloko zabo xa befaka izinto ezinokusetyenziswa okanye besazi ezona zinto zithandwa kakhulu zindwendwe zabo ezimbalwa zokuqala.