Indlela yokubhala isihloko esibangela umdla

Isihloko sakho lithuba lokutsalela umdla kwizinto ezintle kakhulu ngendawo yakho. Inxalenye emnandi kukucinga indlela yokuyenza le nto usebenzisa amagama ambalwa.

Ngenxa yokuba i-75% yexesha xa kukhangelwa kuAirbnb kusetyenziswa ifowuni okanye ithabhlethi, izihloko kufuneka zingagqithi kwiikharektha eziyi-32, kuquka izikhewu. Le nto inceda ukuba zinganqumleki efowunini okanye kwithabhlethi kuba zinezikrini ezincinci.

Nantsi indlela yokubhala isihloko esibangela umdla:

• Faka iinkcukacha ngaphandle kokuphinda inkcazelo. Akukho mfuneko yokuba uxelele iindwendwe izinto ezisele zibonisiwe kwiziphumo zokukhangela, njengesixeko okanye idolophu yakho nenani elipheleleyo leebhedi. Endaweni yaloo nto, balaselisa izinto ngendawo yakho ezinokukunceda utsale umdla weendwendwe, njengento enokusetyenziswa ephambili okanye into yokuba ikufuphi nendawo ethandwayo.
• Ziphephe ii-emoji namaphawu. Sebenzisa amagama alula nacacisayo (afana nokuba ipholile, inomtsalane, kusemaphandleni, okanye ivulekile). Ukusebenzisa amaphawu akhethekileyo kufanelekile, kodwa sukuwaphindaphinda xa ugxininisa (ngolu hlobo !!! okanye ***).
• Bhala ngendlela yokubhala isivakalisi, edla ngokuba yeyona kulula ukuyifunda. Ukubhala ngendlela yokubhala isivakalisi kuthetha ukusebenzisa unobumba omkhulu kwigama lokuqala kuphela kwisihloko sakho. Kuphephe ukusebenzisa oonobumba abakhulu kwamanye amagama, ngaphandle kokuba sisibizo njengoYellowstone.

Ukuba awukwazi ukuyenza ibe mfutshane, zama ukwenza ezi zinto:

• Cinga ngento eyenza indawo yakho yenze umdla kwaye yahluke.
• Bhala amagama ambalwa ayicacisa ngqo kangangoko.
• Ungazami ukuthetha yonke into—vela nje umeme iindwendwe ukuba zifunde okungakumbi.

Nantsi imizekelo emithathu yezihloko ezinokukuncedisa wazi ukuba sithini esakho:

• Ukuzikhupha ngaselwandle kukho nee-kayak
• Igumbi londwendwe elihonjiswe ngesitayile seVictorian
• Isitudiyo esenziwe ngendlela engayonakalisiyo indalo esingaseLAX

Awuqinisekanga ukuba usichanile? Ungasitshintsha nanini na isihloko sakho. Ngapha koko, Ababuki Zindwendwe abaninzi bayazitshintsha izihloko zabo xa befaka izinto ezinokusetyenziswa okanye besazi ezona zinto zithandwa kakhulu zindwendwe zabo ezimbalwa zokuqala.