Indlela yokubeka ixabiso lakho losuku
Njengombuki Zindwendwe, nguwe osoloko elawula ixabiso lakho losuku, ibe ungalitshintsha nanini na.
Ukuba awunalo ixabiso lokuqalisa, khangela umyinge wamaxabiso ezindlu ezifana neyakho ezikufutshane ngamanyathelo nje ambalwa:
Khetha umhla okanye iintsuku kwikhalenda yakho.
Cofa kwixabiso lakho losuku. Iqhosha elingezantsi kwexabiso libonisa uphawu lwemephu namagama athi, “thelekisa izindlu ezifanayo.”
Cofa elo qhosha ukuze uveze imephu yomyinge wamaxabiso ezindlu ezifana neyakho. Kulo mephu, ungakhetha ukuveza umyinge wamaxabiso ezindlu ezibhukishiweyo okanye ezingabhukishwanga kwingingqi yakho.
Ukhumbule ukuba imali yosuku oyibekayo ayiyiyo imali epheleleyo undwendwe oluyibhatalayo. Ukuze ubone ixabiso elipheleleyo uze ubone indlela ixabiso elipheleleyo elahlulahlulwe ngayo:
Khetha naliphi inani leentsuku kwikhalenda yakho.
Ngezantsi kwexabiso lakho losuku, uza kubona iqhosha elithi “Ixabiso elipheleleyo Londwendwe” elibonisa imali epheleleyo eza kubhatalwa lundwendwe ngoko kubhukisha.
Cofa elo qhosha ukuze uveze ukwahlulahlulwa kwexabiso, okubonisa ixabiso lakho losuku, iimali ezimele zibhatalwe, naziphi na izaphulelo okanye izaphulelo ezifumaneka kube kanye ezikhoyo, iirhafu nengeniso yakho.
Ukuba Ungumbuki Zindwendwe omtsha onezimvo ezimbalwa, usenokukhetha ukuqalisa ngexabiso elingaphantsi kwexabiso olifunayo. Isaphulelo esifumaneka kube kanye sendlu entsha sikuvumela ukuba ubeke isaphulelo se-20% seendwendwe zakho ezintathu zokuqala ukuze ukhuthaze abantu ukuba babhukishe. Iindwendwe zisenokukulungela ukubhatala imali engakumbi ngendawo yokuhlala emva kokuba ifumene izimvo ezintle.
Wakuba uyipapashile indlu yakho, uza kufumana zonke izixhobo zamaxabiso kwikhalenda yakho. Ukususela apho, ungalitshintsha ixabiso lakho leentsuku ezithile, ucinge ngezaphulelo, ngezaphulelo ezifumaneka kube kanye nokungakumbi.
Inkcazelo ekweli nqaku isenokuba itshintshile emva kokuba lipapashiwe.