Indlela yokubeka amaxabiso akho kwa-Airbnb

UAirbnb ukwenza ukwazi ukufumana izixhobo zokubuka iindwendwe nezigidi zeendwendwe ukuze ukwazi ukukhulisa ishishini lakho. Ixabiso lakho lisoloko lilawulwa nguwe, kwaye ungalitshintsha nanini na.

Njengomntu ekudala esenza lo msebenzi, uyakuqonda ukubaluleka kokunikezela ngeenkonzo ezikumgangatho ophezulu ngamaxabiso akhuphisana kakuhle namanye. Nazi ezinye izinto omele ucinge ngazo xa ubeka amaxabiso akho kwa-Airbnb.

• Iinkonzo ezifanayo: Buka uAirbnb nezinye iiwebhusayithi zeenkonzo ezifana neyakho ukuze ubone ukuba abanye ababuki zindwendwe babiza malini.
• Ixabiso lokuzazisa: Cinga ngokuqala ngexabiso eliphantsi ukuze utsale iindwendwe zakho zokuqala kuAirbnb. Unokutshintsha izinto njengoko usakha ibhrendi yakho negama lakho ngemilinganiselo nezimvo zeendwendwe ezintle.
• Imali ebhatalelwa ukusebenzisa uAirbnb: Cinga ngemali oyibhatalela ukusebenzisa uAirbnb uAirbnb ayibiza kubabuki zindwendwe kwinto nganye ebhukishwayo, oza kuyibona xa ubeka ixabiso lakho. Le mali isenza sikwazi ukwenza izixhobo zokubuka iindwendwe, ukukwenza kubekho iinkonzo zabathengi imini nobusuku, nokufikelela kwizigidi ngezigidi zeendwendwe Ngeenkonzo zakwa-Airbnb.

Ukufaka izinto ngamaxabiso okuqalisa, aqhelekileyo namaxabiso aphezulu kwenza iindwendwe zikwazi ukukhetha kwizinto ezingakumbi ibe kunokukunceda ukwazi ukufikelela kwingeniso ozimisele ukuyenza.

Ixabiso lakho kufuneka libonise ifomathi, ukuntsokotha, nokwahluka kwento nganye onikezela ngayo. Ngokomzekelo, umfoti eMerika unokwenza iseshoni yesiqingatha seyure ebiza ngaphantsi kwe-50 yeedola zaseMerika, iseshoni yomfanekiso owenzelwe wena ebiza phakathi kwe-50 yeedola zaseMerika ne-150 yeedola zaseMerika, neseshoni yentsapho ebiza ngaphezu kwe-150 yeedola zaseMerika.

Iindwendwe ezifuna iinkonzo kuAirbnb ziza kubona elona xabiso lakho liphantsi kwiziphumo zokukhangela. Into onikezela ngayo yokuqalisa inokunceda ekutsaleni iindwendwe eziqalayo ize yenze ezinye izinto zakho zinike umdla.

Uza kukwazi ukukhetha ukubiza ixabiso londwendwe ngalunye okanye ixabiso eliqingqiweyo. Le nto iza kusebenza kuzo zonke izinto zakho onikezela ngazo.

• Ixabiso londwendwe ngalunye: Ixabiso lakho lomntu ngamnye liquka zonke iimali ezimele zibhatalwe neetipu. Ungakwazi nokubeka elona xabiso liphantsi ngendawo nganye ebhukishwayo. Qaphela ukuba, ukuba nexabiso eliphantsi kusenokutsala iindwendwe ezingakumbi kuze kuphumele kwingeniso engakumbi. EMerika, ngokomzekelo, iindwendwe eziyi-4 ezibhukishe nge-60 yeedola zaseMerika zenza i-240 yeedola zaseMerika, ngoxa iindwendwe eziyi-8 ezibhukishe nge-45 yeedola zaseMerika zenza i-360 yeedola zaseMerika.
• Ixabiso elingatshintshiyo: Ixabiso lakho elipheleleyo liquka zonke iimali ezimele zibhatalwe neetipu zalo naliphi na inani leendwendwe, ukuya kutsho kwelona nani liphezulu olibekileyo lento onikezela ngayo.

Indlela entle yokugcina ixabiso lakho likhuphisana kakuhle namanye kukunikezela ngezaphulelo zeentlobo ezahlukeneyo zezinto ezinokubhukishwa.

• Ixesha elifutshane: Nikezela ngesaphulelo se-5% ukuya kwi-50% sexabiso lakho seentsuku eziyi-30 ukuze utsale iindwendwe zakho zokuqala ukuba zibhukishe.
• Ababhukishe kwangethuba: Nika iindwendwe ezibhukisha kwiiveki ezingaphezu kweziyi-2 kwangaphambili isaphulelo se-20% ukuze utsale iindwendwe eziceba kwangethuba.
• Iqela elikhulu: Faka isaphulelo seqela ukuze ufikelele kwelona nani lakho likhulu ngokukhawuleza.

Izaphulelo zakho zisebenza sihlandlo ngasinye undwendwe lubhukisha inkonzo. Xa ufaka ngaphezu kwesinye, undwendwe lufumana nasiphi na isaphulelo esisenza songe kakhulu. Alukwazi ukufumana izaphulelo ezininzi ngento enye ebhukishiweyo.

Bonke ababuki zindwendwe, iifoto neenkcukacha zento enokubhukishwa kufuneka zifikelele imigangatho nezinto ezifunekayo Kwinkonzo zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.