Indlela yokukhetha nokufaka iifoto ezikumgangatho ophezulu

Iifoto zinceda ekutsaleni umdla weendwendwe xa zikhangela kuAirbnb. Iifoto zakho zimele ziyibonise ngokucacileyo nangokuchanileyo inkonzo yakho zize zikhuthaze iindwendwe ukuba zibhukishe.

Zonke iifoto ozifakayo zifanele zibe kumgangatho ophezulu. Umfanekiso ngamnye kufuneka ubuncinane ube neepikseli eziyi-800 eziphindwe ngeepikseli eziyi-1 200 zize zibe yifayile eya kutsho ku-10 megabytes ubukhulu.

Faka iifoto ezilolu hlobo:

• Ezifotwe nguwe okanye ezisetyenziswa ngemvume
• Zikhanye kakuhle, ukuba kunokwenzeka zithathwe kusetyenziswa ukukhanya kwendalo
• Zenziwe ngendlela elula zize zibe nomva ongenanto zininzi
• Zijolise kwinto ethile, into efotwayo ibe sesiphakathini sefoto
• Zibe ngumxube weefoto ezisondeleyo nezinye ezikumgama owahlukahlukeneyo

Ungazifaki iifoto ezilolu hlobo:

• Iifoto ezingenanto yakwenza nale nto okanye ezisondele ngokugqithiseleyo
• Ezixhakalala okanye ezixakeke kakhulu
• Ezimnyama okanye ekusetyenziswe ifleshi ekhanya kakhulu kuzo
• Ezinemifanekiso emininzi
• Iintlobo ngeentlobo zefoto efanayo
• Ezizezeempawu okanye zebhrendi

Ukuba naziphi na iifoto zakho zibonisa ubuso bomntu, qinisekisa ukuba unemvume yakhe yokuzisebenzisa.

Iifoto ziboniswa kwiindawo eziyi-3 kwiinkonzo ezizinto ezinokubhukishwa: njengakwifoto yephepha lokuqala, kuludwe lwezinto zakho onikezela ngazo, nakwigalari yeefoto.

Faka ubuncinane iifoto eziyi-5 xa zizonke, kuquka enye yento nganye onikezela ngayo. Ukuba unenkonzo yokufotela abanye abatu, khetha ubuncinane iifoto eziyi-15 ezimela ipotifoliyo yakho.

Siza kuzihlola iifoto ozifakayo size sivume iifoto ezifikelela umgangatho wethu. Nantsi into omele uyithumele kwicandelo ngalinye.

Ifoto ekwiphepha lokuqala. Le foto ibonakala phezulu kwinto yakho enokubhukishwa ibe ifanele incede iindwendwe ziyiqonde inkonzo onikezela ngayo. Umfanekiso ofanelekileyo ngonje:

• Ngome ngecala
• Ngoqhelekileyo nongekho xhakalala
• Ngosembindini, nekukwazekayo ukuwucutha macala onke

Sukuzisebenzisa iifoto ezinomva omhlophe okanye iifoto zobuso babantu abasondeleyo.

Izinto onikezela ngazo. Izinto onikezela ngazo zizinto eziza kubhukishwa zindwendwe—zijonge njengephepha lakho lamaxabiso okanye njengemenyu. Faka ifoto enye eyahlukileyo ebonisa ngokuchanileyo into nganye onikezela ngayo. Ezi foto zincinci, ngoko khetha iifoto ezibonisa izinto eziqhelekileyo nekulula ukuziqonda. Iifoto ezifaneleke ngeyona ndlela zinje:

• Zijolise kwinto enye, ibe zinomva ongenanto
• Zifotwe ngendlela efanayo

Igalari yeefoto. Eli ayilothuba lokubonisa abantu abanokuba zindwendwe ukuba unikezela ngantoni kuphela, kodwa nokuba ungumntu onjani. Iindwendwe ziyakwazi ukubona zonke iifoto ozifaka kwigalari yeefoto. Khetha iifoto ezibonisa ezi zinto:

• Inkqubo yakho nendlela olungiselela ngayo
• Izixhobo, izinto ozisebenzisayo, okanye izithako ozisebenzisayo
• Indawo ishishini lakho elikuyo, ukuba uceba ukuba iindwendwe zize kuwe
• Indlela inkonzo yakho ebangayo ekugqibeleni, njengeendwendwe ezonwabela isidlo sazo

Qinisekisa ukuba unayo imvume yokusebenzisa naziphi na iifoto ozifakayo, kwaye iifoto ziyibonisa ngokuchanileyo inkonzo yakho.

Bonke ababuki zindwendwe, iifoto neenkcukacha zento enokubhukishwa kufuneka zifikelele imigangatho nezinto ezifunekayo Kwinkonzo zakwa-Airbnb.

Ukuba wenza abantu imasaji okanye izinto ezenziwa e-spa, akuzukufuneka ufake iifoto zento yakho enokonwatyelwa. Siza kukukhethela iifoto kwithala leefoto ezisemgangathweni ezibonisa ezi nkonzo.

Inkcazelo ekweli nqaku isenokuba itshintshile emva kokuba lipapashiwe.