Indlela yokukhetha nokufaka iifoto ezikumgangatho ophezulu

Iindwendwe zidla ngokuxhomekeka kwiifoto ukuze zigqibe ngezinto eziza kuzibhukisha kuAirbnb. Iifoto zento yakho enokonwatyelwa zimele zinike umdla, zenze zicace izinto ezinokulindelwa, zize zivuselele umdla.

Zonke iifoto ozifakayo zifanele zibe kumgangatho ophezulu. Umfanekiso ngamnye kufuneka ube nepikseli eziyi-800 eziphindwe ngeepikseli eziyi-1 200 zize zibe yifayile eya kutsho ku-10 megabytes ubukhulu. Ezi foto ungazifumana ngeekhamera ezininzi ze-smartphone.

Faka iifoto ezilolu hlobo:

• Ezifotwe nguwe okanye ezisetyenziswa ngemvume
• Zibe nemibala, zingabikho mnyama namhlophe
• Zikhanye kakuhle, ukuba kunokwenzeka zithathwe kusetyenziswa ukukhanya kwendalo
• Zenziwe ngendlela elula zize zibe nomva ongenanto zininzi
• Zijolise kwinto ethile, into efotwayo ibe sesiphakathini sefoto
• Zibe ngumxube weefoto ezisondeleyo nezinye ezikumgama owahlukahlukeneyo

Ungazifaki iifoto ezilolu hlobo:

• Ezimnyama okanye ekusetyenziswe ifleshi ekhanya kakhulu kuzo
• Ezingacacanga kakuhle, ezimfiliba okanye ezingabonakali kakuhle
• Ezilungiswe kakhulu, ezilungiswe ngokugqithisileyo, okanye ezigqwethekileyo
• Ozifote zona okanye iifoto ekuphowuziweyo kuzo
• Ezinemifanekiso emininzi
• Iintlobo ngeentlobo zefoto efanayo
• Ezizezeempawu okanye zebhrendi

Ukuba ufuna iifoto ezingakumbi, mhlawumbi unokucela abahlobo okanye amalungi entsapho ukuba bafote iifoto becinga ngala macebiso. Okanye cela iindwendwe ukuba zithumele iifoto zazo ezintle zize zikunike imvume yokuzisebenzisa kwinto yakho enokubhukishwa.

Faka iifoto eziyi-5 nangaphezulu—zinokuba zininzi kangangoko ufuna ukuze wenze abantu babe nomdla uze wenze izinto ezilindelekileyo zicace.

Iifoto ziboniswa kwiindawo eziyi-3 kwizinto ezinokonwatyelwa ezinokubhukishwa: kwigridi, kwitikiti lakho, nakwigalari yeefoto. Uza kukhetha ifoto enomtsalane yephepha lokuqala, eza kubonwa zindwendwe kwiziphumo zokukhangela kuAirbnb.

Siza kuzihlola iifoto ozifakayo size sizivume iifoto eziwufikelelayo umgangatho wethu. Nantsi into omele uyithumele kwicandelo ngalinye.

Igridi. Iifoto ezine eziphezulu kwinto yakho enokubhukishwa zenza into ebizwa ngokuba yigridi. Quka iifoto zezi zinto:

• Iindwendwe zithatha inxaxheba kweyona nto yenziwayo
• Ifoto yakho ukhokela kwinto enokonwatyelwa
• Iinkcukacha ezibalulekileyo, ezifana nempahla okanye isithako esisondeziweyo
• Indawo ekuyo, njengefoto ye-engile ebanzi ebonisa izinto eziyingqongileyo

Itikiti lakho. Itikiti lakho liyiajenda emfutshane enceda iindwendwe zenze isigqibo sokuba into enokonwatyelwa izilungele na. Iifoto zetikiti zincinci, ngoko khetha iifoto ezithathwe kwindawo eqhelekileyo ezinomva ongenanto. Quka iifoto zezi zinto:

• Iifoto ezihambiselana neengcaciso zakho ezibhaliweyo
• Iifoto zabantu, zezinto, nezezinye iinkcukacha ekulula ukuziqonda

Igalari yeefoto. Iindwendwe ziyakwazi ukubona zonke iifoto ozifaka kwigalari yeefoto. Igalari yakho ifanele ibonise ukuba yintoni eyenza le nto inokonwatyelwa ibe nomtsalane kwaye ingalibaleki. Quka iifoto zezi zinto:

• Iindwendwe ezincokola nawe, naye nawuphi na umbuki zindwendwe oncedisayo, nezinye iindwendwe
• Izinto ezenziwayo ezifotwe kumacala awohlukeneyo, kuquka nezifotwe ngendlela undwendwe oluzibona ngayo
• Naziphi na izinto iindwendwe ezinokulindela ukugoduka nazo ukuze zizigcinele zona

Qinisekisa ukuba unayo imvume yokusebenzisa naziphi na iifoto ozifakayo, kwaye iifoto ziyibonisa ngokuchanileyo into enokonwatyelwa.

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.