Indlela yokwenza into ekhethekileyo

Iindwendwe zikhangela izinto ezinokonwatyelwa ezivakalelwa kukuba azinakuzifumana kwenye indawo. Sebenzisa ulwazi lwakho nobuntu bakho ukuze wenze izinto zakho ezinokwenziwa zikhetheke kwaye zingalibaleki.

Izinto ezinokonwatyelwa zimele zincede iindwendwe zikwazi ukonwabela izinto zenkcubeko, ezenziwe ngobuchule okanye indawo nababuki zindwendwe basekuhlaleni abasazi kakuhle isixeko sabo.

• Bonisa ngesixeko sakho. Lungiselela izinto iindwendwe ebezingenakukwazi ukuzenzela ngokwazo. UJustin, obuka iindwendwe kwiindawo zokukhenketha zaseSydney nezaseBrisbane, eOstreliya, usa iindwendwe nakwezinye iindawo ngaphandle kwezo abakhenkethi abadla ngokuya kuzo. Uthi, “Abantu banomfanekiso ngqondweni wabo wendlela eyiyo iSydney—iilwandle ezinamazibuko, indlu yeopera, ukutya kwaselwandle. Kodwa iindwendwe ndiye ndizise kwiindawo ezifana neLittle Italy neThai Town. Ndiye ndifune abanini bamashishini basekuhlaleni endinokubabalisela amabali abo.”
• Sebenzisa ubuntu bakho. Bonisa indlela oyithanda ngayo le nto eyenziwayo. UEvren, obuka iindwendwe kuhambo lokonwabela umculo eSoho eLondon, ukhe wadlala isiginci kwibhendi, waba ngumlawuli wenkampani eyenza umculo, ibe wakhe walawula ibhendi ye-rock. Uthi, “Le nto awunakuyifumana kwenye indawo.”

Cinga ngento ofuna iindwendwe zakho ziyonwabele xa zikunye nawe.

• Yenza into engalibalekiyo. Akunyanzelekanga ukuba ibe yinto kanokutsho okanye ibize imali eninzi. URuthy, obuka iindwendwe kuhambo lokonwabela ukutya eLisbon, uthatha iindwendwe zakhe azise kwivenkile yokutyela yentsapho ukuze zingcamle ioli yomnquma yefama yabo. Uthi, “Awunakuyithenga, ngoko ukuyingcamla kwivenkile yabo yokutyela kukhetheke kakhulu.”
• Yenza into eza kuzikhumbuza. Le nto ifanele ibe yinto eyenzelwe into enokonwatyelwa kuphela, njengepasta eyenziwe ngezandla okanye izitya ezibunjiweyo. UDanylo, naye obuka iindwendwe kwiiklasi zokufota eBerlin, uncedisa ekulungisweni kweefoto ezithandwa zindwendwe zakhe ngexesha ebezikunye ngalo. Uthi, “Ngumvuzo, ukulungisa nje iifoto kancinci kuyamangalisa.”

Ukuba uyayitshintsha into yakho enokonwatyelwa ukuze ikhetheke ngakumbi, lungisa into yakho enokubhukishwa ukuze iindwendwe ziyazi into ezinokuyilindela.

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.