Indlela yokwenza kube mnandi kakhulu

Iindwendwe zikhangela izinto ezinokonwatyelwa ezikumgangatho ophezulu zexabiso elihle. Cinga ngendlela yokwenza into yakho enokonwatyelwa ikhetheke ngakumbi ize ilifanele ixabiso elibhatalwa zindwendwe.

Ukwahluka, ubuchule, ubuhlobo, indawo ekuyo, nokuthembeka zonke ezo zinto zinefuthe ekufanelekeni kwexabiso. Ababuki zindwendwe abakwizinga eliphezulu bathi bawasebenzisa ngamandla la macebiso ukuze ixabiso lawo lifaneleke.

• Yenza izinto ozenzayo zilungele umntu ngamnye. Funda ngezinto ezithandwa liqela ngalinye, iilwimi nezinto ezingakumbi kwithebhu ethi Namhlanje nakwimiyalezo oyifumeneyo noyithumeleyo yeqela. Cinga ngokwenza izinto eziza kwenziwa ezinomdla kuzo.
• Phucula izinto onokukwazi ukuziphucula. Ukunikezela ngezinto ezikumgangatho ophezulu namabali aphandwe kakuhle kunganceda kakhulu. Le nto iyasebenza nakwizinto ezincinci, ezifana nokusebenzisa izithako ezioganikhi.
• Zilandelelele iindwendwe. Thumela umyalezo uzibulele iindwendwe uze uzithumelele iifoto namacebiso. Ezi zinto zongezelelekileyo zinokuzinceda iindwendwe zizive zikhathalelwe ibe zinabahlobo.

UJustin, obuka iindwendwe kuhambo lokubuka iSydney neBrisbane, eOstreliya uthi, “Ndithumela imephu enamacebiso alungiselelwe umntu ngamnye emva kwento enokonwatyelwa. Zange khe ndabona abantu abaqhele ukukhenkethisa beyenza loo nto. Iindwendwe zikubona apho ke ukufaneleka kwexabiso lazo.”

Nezona zinto ezinokonwatyelwa ezimnandi zinokufumana imilinganiselo ephantsi ukuba iindwendwe zicinga ukuba ixabiso lazo alizifanelanga. Nazi izinto ezimbalwa omele ucinge ngazo xa uhlola ixabiso lakho.

• Thelekisa izinto ezinokonwatyelwa ezifanayo. Khangela izinto ezifana neyakho kuAirbnb nakwezinye iiwebhusayithi ukuze uthelekise amaxabiso asekuhlaleni uze uqonde ukuba lithini elikhuphisana kakuhle namanye.
• Tshintsha izinto ngokuhambisana nendlela ezifunwa ngayo. Zama amaxabiso akho ngamaxesha, ngeentsuku, namaxesha onyaka, okanye ngamatheko akhethekileyo ahlukeneyo. Ngokomzekelo, iimpela-veki zinokuthandwa kakhulu kuneentsuku eziphakathi evekini.
• Nikezela ngezaphulelo. Izaphulelo zexesha elilinganiselweyo, zababhukishe kwangethuba, neseqela elikhulu zinceda utsale iindwendwe uze ugcwalise into yakho enokonwatyelwa. Xa ufaka ngaphezu kwesinye, undwendwe lufumana nasiphi na isaphulelo esisenza songe kakhulu.

UEvren, obuka iindwendwe kuhambo lokonwabela umculo eSoho eLondon uthi, “Umele uhlale unika abantu ngaphezu kwezinto ebebezilindele kwixabiso elithile. Kum, loo nto ayithethi ukuquka iindawo ezingakumbi endinokuzityelela. Ndijolise ekunikezeleni ngeenkcukacha ezininzi namabali ahlekisayo ukuze ixabiso lifaneleke.”

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.