Indlela yokuchaza uhlobo lwendawo owamkela kuyo iindwendwe
Izinto eziphambili
Khetha uhlobo lwendlu oluqhelekileyo ukuze uncede iindwendwe zazi emazikulindele
Ungafaka inkcazelo engakumbi kwinyathelo elilandelayo
Ukuzibuka kakuhle iindwendwe kuqala ngokuyichaza kakuhle uhlobo elulo indawo yakho. Unganceda iindwendwe zifumane indlu yakho ngokuchaza ukuba luhlobo olunjani lwendawo obuka kuyo iindwendwe.
Kweli nyathelo, khetha uhlobo lwendlu, njengendlu okanye iflethi, eyichaza kakuhle indawo yakho. Siza kukucela ukuba ucacise ngakumbi kwinyathelo elilandelayo.
Nantsi indlela uAirbnb agqiba ngayo ngohlobo ngalunye lwendlu eqhelekileyo:
- Iflethi okanye indlu ekwiComplex: Ngokuqhelekileyo idla ngokuba kwisakhiwo esineeyunithi ezininzi apho kuhlala abantu abaninzi khona, kuquka iiflethi nee-loft
- Indlu: Isakhiwo esizimeleyo ekusenokwenzeka sineendawo eziphandle okanye amadonga adibene nenye, njenge-townhouse ne-duplex
- Igumbi elinomnyango ophumela ngaphandle: Ngokuqhelekileyo idla ngokuba kwindlu enomnyango wayo wokungena, kuquka indlu engasemva negumbi elinomnyango ongaphandle
- Indawo ekhethekileyo: Isakhiwo esibangela umdla okanye esingaqhelekanga, njengendlu eyakhiwe emthini, intente okanye indawo esefama
- Indawo enesidlo sakusasa: Inkampani eqeshisa ngendawo enika iindwendwe isidlo sakusasa enoMbuki Zindwendwe ohlala khona
- Ihotele eyiBoutique: Inkampani eqeshisa ngendawo ehonjiswe ngendlela ekhethekileyo okanye enezinto eziyenza yahluke
Ukuba indawo yakho ifanele uhlobo lwendlu olungaphezu kwenye, khetha uhlobo lube lunye ocinga ukuba lolona luchanileyo.
Ngokomzekelo, masithi ufaka iflethi encinci etofotofo esemva kwendlu. Ungakhetha Igumbi Elinomnyango Ophumela Ngaphandle (Indlu Engasemva) okanye Indawo Ekhethekileyo (Indlu Encinci), ngokusekelwe ekubeni loluphi uhlobo lwendawo ocinga ukuba ifana nayo kakhulu.
Awunakufaka mpendulo iphosakeleyo apha, ukuba nje uchazela iindwendwe into echanileyo ngento ezinokuyilindela kwindawo yakho. Siza kukucela ukuba ufake iinkcukacha ezingakumbi kwinyathelo elilandelayo ibe ungalungisa izinto ozikhethileyo emva kokupapasha indlu yakho.
Izinto eziphambili
Khetha uhlobo lwendlu oluqhelekileyo ukuze uncede iindwendwe zazi emazikulindele
Ungafaka inkcazelo engakumbi kwinyathelo elilandelayo