Indlela yokukhetha indawo erayithi

Iindwendwe ziyakuthanda ukuchitha ixesha kwiindawo ezizinceda zazi amasiko asekuhlaleni. Bonisa indlela indawo yakho ekhetheke ngayo nesizathu sokuba uyikhethe.

Ubuncinane, indawo yakho kufuneka ithi zava, icoceke, kwaye ikhuselekile. Kufuneka kwakhona ihambiselane nento eza kwenziwa.

• Chaza imbali yayo. Balisa ngembali nenkcubeko yale ndawo ukuze uncede uqinisekise ukuba kutheni ifanelekile. UDebora, obuka iindwendwe kwiiklasi zokupheka kwindawo yakhe yokuhlala eRoma, uchazela abanye ngeendlela zokupheka, iingoma nezinye izithethe awazifundiswa ngumakhulu wakhe. Uthi, “Yonke into esiyenzayo inebali.
• Mayibe yinto yasekuhlaleni. Khangela iindawo iindwendwe ezingenakuzifumana kwenye indawo. URuby, obuka iindwendwe kuhambo lokonwabela ukutya eLisbon, uthi iindwendwe uzisa kuphela kumashishini entsapho asekuhlaleni, njengevenkile encinci yezinto ezibhakwayo. Uthi, “Ziyabamangalisa abantu.”

Khetha indawo engenakulibaleka ebonisa inkcubeko yasekuhlaleni.

• Zinike inkcazelo ebezingenakwazi ukuyifumana. Yiya kwiindawo iindwendwe ebezingenakukwazi ukuziyela kuzo. UTeresa, obuka iindwendwe kwiklasi yokungcamla iwayini eLisbon, uzama ukufaka into engaqhelekanga, njengokufumana iindawo ezivaliweyo kuwonke wonke okanye ukuya ngexesha ekungaqhelekanga ukuba zisetyenziswe ngalo. Uthi, “Le nto yenza abantu bazive befumene into ebingenakufunyanwa.
• Gxininisa kubunjani bendawo. Izinto ezibonwayo, izandi nezinto ezimnandi zinegalelo ekuyonwabeleni indawo. UGraciela, obuka iindwendwe kwiklasi yokupheka eMexico City uthi: “Indlela eyiyo indawo kufuneka ibenze babenomdla. Iindwendwe ziyazi ukuba ziza kuba nexesha elimnandi na kwimizuzu nje embalwa zifikile.”

Ukubuka iindwendwe kwindawo ekhethekileyo nehambiselana nezinto ozenzayo kunganceda ekufumaneni imilinganiselo nezimvo ezingcono.

Bonke ababuki zindwendwe, iifoto neenkcukacha zento enokonwatyelwa kufuneka zifikelele imigangatho nezinto ezifunekayo Kwizinto Ezinokonwatyelwa zakwa-Airbnb.

Inkcazelo ekweli nqaku isenokuba itshintshile emva kokuba lipapashiwe.